Əsas səhifə Testlər TQDK inkişaf dinamikası 1996 Azərbaycan dili - VII qrup, Variant B

Tapılan ümumi test sayı : 55

Yazıçının qələmə aldığı həyat hadisəsi haqqında gəldiyi qənaət, çıxardığı nəticə, oxucuya çatdırmaq istədiyi başlıca fikir necə adlanır?
A) zavyazka
B) ekspozisiya
C) mövzu
D) ideya
E) kompozisiya
Bədii əsərin sonunda verilən və onun yekunu olan kiçik hissə necə adlanır?
A) portret
B) proloq
C) peyzaj
D) epiqraf
E) epiloq
S.Vurğunun aşağıdakı əsərlərindən biri müharibə mövzusunda deyil:
A) "Qızıl şahinlər"
B) "Mənə belə söylədilər..."
C) "Ananın öyüdü"
D) "Şəfqət bacısı"
E) "Zəncinin arzuları"
Hekayələrinin, demək olar ki, hamısını qadın azadlığı mövzusuna həsr etmiş yazıçı:
A) İ.Əfəndiyev
B) M.İbrahimov
C) C.Məmmədquluzadə
D) M.Hüseyin
E) C.Cabbarlı
Nizami bu fikri hansı obraz haqqında deyir?
İndi o ədalət, o insaf hanı?!
Verə öz oğluna belə cəzanı.
İndi yüz yoxsulun tökülsə qanı,
Nahaq qan tökənə bir cəza hanı?
A) Hörmüz
B) İsgəndər
C) Bəhram
D) Məhinbanu
E) Xosrov
M.Füzulinin hansı əsərində XVI əsrin feodal-patriarxal münasibətləri, insan təbiətinə, azad məhəbbətə zidd olan adət-ənənələr, qadın hüquqsuzluğu tənqid olunur?
A) "Leyli və Məcnun"
B) "Padişahi-mülk"
C) "Söz"
D) "Məni candan usandırdı"
E) "Şikayətnamə"
N.Vəzirovun "Müsibəti Fəxrəddin" faciəsində Rüstəm bəy hansı səhnədə özünü "biiman" adlandırır, ettiyi hərəkətlərin acı nəticəsindən sarsılır və özünə ölüm arzulayır?
A) Oğlu Mahmudla söhbət səhnəsində
B) Fəxrəddin bəyin təhsildən qayıtmasını eşitdiyi səhnədə
C) Mahmudun ölümü səhnəsində
D) Qızı Səadət xanımla söhbət səhnəsində
E) Fəxrəddinin ölümü səhnəsində
".... İndiki halında ... bənzəyirdi bir elə şəxsə, hansı ki zəhər şüşəsini qabağına qoyub baxır və bilmir nə eləsin: içsin, ya yox. İçməsə, dərd, qəm və qüssə onu öldürəcək, içsə, zəhər öldürəcək. Bəs məsləhət budur ki, içim deyib şüşəni şəkir başına".
Bu parça C.Məmmədquluzadənin hansı obrazının həyatından bir məqamı əks etdirir?
A) Şərəf
B) Gülbahar
C) Zeynəb
D) İzzət
E) Zəhrabəyim
M.F.Axundovun "Hekayəti-müsyö Jordan həkimi - nəbatat və dərviş Məstəli şah caduküni - məşhur" əsərinin qəhrəmanı şahbaz bəy haqqındakı fikirlərdən biri yanlışdır:
A) Kənddə xəstəxana, məktəb açamaq, xalqı maarifləndirmək üçün mübarizə aparır.
B) XIX əsr Azərbaycan ədəbiyyatında mütərəqqi ideyaların ifadəçisi olan gənc ziyalıların nümayəndəsidir.
C) Avamlar mühitində bir qığılcım kimi parlayan obrazdır.
D) Təhsini artırmağa çalışan, böyük arzularla yaşayan gəncdir.
E) Parisə getmək, fransız dilini öyrənmək arzusundadır.
Şifahi xalq ədəbiyyatının janrlarını seçin:
1. Müxəmməs                          2. Bayatı                                    3. Qəzəl
4. Layla                                    5. Mərsiyə                                  6. Ağı
7. Rübai
A) 4, 6, 7
B) 1, 3, 7
C) 1, 2, 6
D) 2, 4, 6
E) 3, 5, 6
Şəxssiz cümləni göstərin:
A) Bahar fəslini hamı sevir.
B) Poçtalyon bir söz demədi.
C) Səlimin məsələsinə baxıldı.
D) Çox oxuyan çox bilər.
E) El bilir ki, sən mənimsən.
"Mən bilirəm ki, çəkilən əmək itmir" - cümləsi tabeli mürəkkəb cümlənin hansı növünə aiddir?
A) təyin budaq cümləsi
B) mübtəda budaq cümləsi
C) tamamlıq budaq cümləsi
D) səbəb budaq cümləsi
E) xəbər budaq cümləsi
İsmi xəbərli cüttərkibli müxtəsər cümləni göstərin:
A) Biz kənddə yaşayırıq.
B) Zərifə qabaqcıl şagirddir.
C) Mənim bacım həkimdir.
D) Həyat bizi sınayır.
E) Hamı susmuşdu.
"Demək, sənin qərarın qətidir" - cümləsində işlənən ara sözün mənaca növünü tapın:
A) burada ara söz yoxdur.
B) yəqinlik
C) məlumatın mənbəyi
D) güman və şübhə
E) nəticə və fikrin sırası
"Yuxarı" sözü cümlələrdən birində təyin kimi işlənmişdir:
A) Alpinist yuxarı qalxırdı.
B) Onların evi bizdən yuxarıdadır.
C) Yuxarı-bu yüksəklik möhtəşəm qalaya bənzəyirdi.
D) Kişi həmin araba ilə yuxarı kəndə su daşıyırmış.
E) O, Cəmildən cavab almamış, pilləkənlə yuxarı qalxdı.
Hansı cümlədə "O" əvəzliyindən sonra vergül qoyulmamalıdır?
A) O uşaq bağçasında işləyir.
B) O yaxşı ad qazanıb.
C) O gözəl sənətkar kimi ümumxalq şöhrəti qazanıb.
D) O mahir ovçudur.
E) Bu gün o da şəhərə yola düşür.
Yaxın mənalı sözlərin birləşməsi ilə yaranan  mürəkkəb ismi göstərin:
A) uzunsaç
B) yavaş-yavaş
C) üzüyumşaq
D) dost-tanış
E) acıdil
Hansı fel şərt şəklinin hekayəsində işlənib?
A) gəlməli imiş
B) gəlsə idi
C) gələsi idi
D) gəlsə imiş
E) gəlməli idisə
Qüvvətləndirici ədatların cərgəsini tapın:
A) ən, daha, lap
B) yalnız, ancaq, bəs
C) -mı4, bəs, yəni
D) gəl, məgər, axı
E) ki, təkcə, axı
Verilmiş cümlələrdən hansında zərf yoxdur?
A) Yayda kəndə gələrsən.
B) Hava birdən tutuldu.
C) İstidən nəfəs almaq olmurdu.
D) Şəhərdə havalar istidir.
E) Qız cəld mətbəxə girdi.
Yoxlamadan sonra nəticə burada göstəriləcək
Top