Əsas səhifə Testlər TQDK inkişaf dinamikası 1996 Azərbaycan dili - VII qrup, Variant B

Tapılan ümumi test sayı : 55

Yazıçının qələmə aldığı həyat hadisəsi haqqında gəldiyi qənaət, çıxardığı nəticə, oxucuya çatdırmaq istədiyi başlıca fikir necə adlanır?
A) ekspozisiya
B) mövzu
C) ideya
D) kompozisiya
E) zavyazka
Bədii əsərin sonunda verilən və onun yekunu olan kiçik hissə necə adlanır?
A) peyzaj
B) epiqraf
C) portret
D) epiloq
E) proloq
S.Vurğunun aşağıdakı əsərlərindən biri müharibə mövzusunda deyil:
A) "Zəncinin arzuları"
B) "Mənə belə söylədilər..."
C) "Qızıl şahinlər"
D) "Ananın öyüdü"
E) "Şəfqət bacısı"
Hekayələrinin, demək olar ki, hamısını qadın azadlığı mövzusuna həsr etmiş yazıçı:
A) M.İbrahimov
B) C.Cabbarlı
C) C.Məmmədquluzadə
D) İ.Əfəndiyev
E) M.Hüseyin
Nizami bu fikri hansı obraz haqqında deyir?
İndi o ədalət, o insaf hanı?!
Verə öz oğluna belə cəzanı.
İndi yüz yoxsulun tökülsə qanı,
Nahaq qan tökənə bir cəza hanı?
A) Məhinbanu
B) İsgəndər
C) Bəhram
D) Hörmüz
E) Xosrov
M.Füzulinin hansı əsərində XVI əsrin feodal-patriarxal münasibətləri, insan təbiətinə, azad məhəbbətə zidd olan adət-ənənələr, qadın hüquqsuzluğu tənqid olunur?
A) "Şikayətnamə"
B) "Söz"
C) "Leyli və Məcnun"
D) "Padişahi-mülk"
E) "Məni candan usandırdı"
N.Vəzirovun "Müsibəti Fəxrəddin" faciəsində Rüstəm bəy hansı səhnədə özünü "biiman" adlandırır, ettiyi hərəkətlərin acı nəticəsindən sarsılır və özünə ölüm arzulayır?
A) Fəxrəddinin ölümü səhnəsində
B) Fəxrəddin bəyin təhsildən qayıtmasını eşitdiyi səhnədə
C) Mahmudun ölümü səhnəsində
D) Qızı Səadət xanımla söhbət səhnəsində
E) Oğlu Mahmudla söhbət səhnəsində
".... İndiki halında ... bənzəyirdi bir elə şəxsə, hansı ki zəhər şüşəsini qabağına qoyub baxır və bilmir nə eləsin: içsin, ya yox. İçməsə, dərd, qəm və qüssə onu öldürəcək, içsə, zəhər öldürəcək. Bəs məsləhət budur ki, içim deyib şüşəni şəkir başına".
Bu parça C.Məmmədquluzadənin hansı obrazının həyatından bir məqamı əks etdirir?
A) Gülbahar
B) Şərəf
C) İzzət
D) Zeynəb
E) Zəhrabəyim
M.F.Axundovun "Hekayəti-müsyö Jordan həkimi - nəbatat və dərviş Məstəli şah caduküni - məşhur" əsərinin qəhrəmanı şahbaz bəy haqqındakı fikirlərdən biri yanlışdır:
A) Təhsini artırmağa çalışan, böyük arzularla yaşayan gəncdir.
B) Kənddə xəstəxana, məktəb açamaq, xalqı maarifləndirmək üçün mübarizə aparır.
C) Parisə getmək, fransız dilini öyrənmək arzusundadır.
D) Avamlar mühitində bir qığılcım kimi parlayan obrazdır.
E) XIX əsr Azərbaycan ədəbiyyatında mütərəqqi ideyaların ifadəçisi olan gənc ziyalıların nümayəndəsidir.
Şifahi xalq ədəbiyyatının janrlarını seçin:
1. Müxəmməs                          2. Bayatı                                    3. Qəzəl
4. Layla                                    5. Mərsiyə                                  6. Ağı
7. Rübai
A) 3, 5, 6
B) 1, 2, 6
C) 2, 4, 6
D) 1, 3, 7
E) 4, 6, 7
Şəxssiz cümləni göstərin:
A) El bilir ki, sən mənimsən.
B) Səlimin məsələsinə baxıldı.
C) Poçtalyon bir söz demədi.
D) Bahar fəslini hamı sevir.
E) Çox oxuyan çox bilər.
"Mən bilirəm ki, çəkilən əmək itmir" - cümləsi tabeli mürəkkəb cümlənin hansı növünə aiddir?
A) səbəb budaq cümləsi
B) tamamlıq budaq cümləsi
C) mübtəda budaq cümləsi
D) təyin budaq cümləsi
E) xəbər budaq cümləsi
İsmi xəbərli cüttərkibli müxtəsər cümləni göstərin:
A) Zərifə qabaqcıl şagirddir.
B) Hamı susmuşdu.
C) Həyat bizi sınayır.
D) Mənim bacım həkimdir.
E) Biz kənddə yaşayırıq.
"Demək, sənin qərarın qətidir" - cümləsində işlənən ara sözün mənaca növünü tapın:
A) nəticə və fikrin sırası
B) yəqinlik
C) burada ara söz yoxdur.
D) güman və şübhə
E) məlumatın mənbəyi
"Yuxarı" sözü cümlələrdən birində təyin kimi işlənmişdir:
A) Kişi həmin araba ilə yuxarı kəndə su daşıyırmış.
B) Onların evi bizdən yuxarıdadır.
C) Yuxarı-bu yüksəklik möhtəşəm qalaya bənzəyirdi.
D) O, Cəmildən cavab almamış, pilləkənlə yuxarı qalxdı.
E) Alpinist yuxarı qalxırdı.
Hansı cümlədə "O" əvəzliyindən sonra vergül qoyulmamalıdır?
A) O uşaq bağçasında işləyir.
B) O mahir ovçudur.
C) O gözəl sənətkar kimi ümumxalq şöhrəti qazanıb.
D) O yaxşı ad qazanıb.
E) Bu gün o da şəhərə yola düşür.
Yaxın mənalı sözlərin birləşməsi ilə yaranan  mürəkkəb ismi göstərin:
A) dost-tanış
B) uzunsaç
C) yavaş-yavaş
D) üzüyumşaq
E) acıdil
Hansı fel şərt şəklinin hekayəsində işlənib?
A) gəlməli idisə
B) gələsi idi
C) gəlsə imiş
D) gəlsə idi
E) gəlməli imiş
Qüvvətləndirici ədatların cərgəsini tapın:
A) yalnız, ancaq, bəs
B) gəl, məgər, axı
C) ki, təkcə, axı
D) -mı4, bəs, yəni
E) ən, daha, lap
Verilmiş cümlələrdən hansında zərf yoxdur?
A) Hava birdən tutuldu.
B) Qız cəld mətbəxə girdi.
C) Yayda kəndə gələrsən.
D) İstidən nəfəs almaq olmurdu.
E) Şəhərdə havalar istidir.
Yoxlamadan sonra nəticə burada göstəriləcək
Top