Molla bir nəfərlə yol yoldaşı olur. Şəhərdən ikisi şərikli bir qab
qatıq alıbmışlar. Yolun yarısında əyləşib nahar eləməyə başlayırlar.
Yoldaşı cibindən bir az qənd ovuğu çıxarıb deyir:
– Mən öz tərəfimə qənd tökəcəyəm.
Molla deyir:
– Olmaz ki, onu hər tərəfə tökəsən?
Yoldaşı deyir:
– Yox, öz tərəfimə tökəcəyəm.
Molla deyir:
– Adamsan, çıxart hər tərəfə tök!
Yoldaşı inad eləyir ki:
– Olmaz! Öz tərəfimə tökəcəyəm.
Molla acıqlanıb cibindən bir şüşə zeytun yağı çıxardıb deyir:
– Mən də öz tərəfimə zeytun yağı tökəcəyəm.
Yoldaşı deyir:
– Molla dayan! Nə qayırırsan? Heç qatığa da zeytun yağı tökərlər?
Molla deyir:
– Sənə nə var? Öz tərəfimə tökürəm də...
Yoldaşı deyir:
– Molla, axı o yağ duru bir şeydi, axıb bu tərəfə də gələcək.
Molla deyir:
– Bilmirəm. Mənə dəxli yoxdu. Ya qəndi qabın hər tərəfinə tök,
ya da mən öz tərəfimə zeytun yağı tökürəm.
qatıq alıbmışlar. Yolun yarısında əyləşib nahar eləməyə başlayırlar.
Yoldaşı cibindən bir az qənd ovuğu çıxarıb deyir:
– Mən öz tərəfimə qənd tökəcəyəm.
Molla deyir:
– Olmaz ki, onu hər tərəfə tökəsən?
Yoldaşı deyir:
– Yox, öz tərəfimə tökəcəyəm.
Molla deyir:
– Adamsan, çıxart hər tərəfə tök!
Yoldaşı inad eləyir ki:
– Olmaz! Öz tərəfimə tökəcəyəm.
Molla acıqlanıb cibindən bir şüşə zeytun yağı çıxardıb deyir:
– Mən də öz tərəfimə zeytun yağı tökəcəyəm.
Yoldaşı deyir:
– Molla dayan! Nə qayırırsan? Heç qatığa da zeytun yağı tökərlər?
Molla deyir:
– Sənə nə var? Öz tərəfimə tökürəm də...
Yoldaşı deyir:
– Molla, axı o yağ duru bir şeydi, axıb bu tərəfə də gələcək.
Molla deyir:
– Bilmirəm. Mənə dəxli yoxdu. Ya qəndi qabın hər tərəfinə tök,
ya da mən öz tərəfimə zeytun yağı tökürəm.
