Tapılan ümumi test sayı : 20

Epik əsər yazmış sənəkarları göstərin:
I. Qazi Bürhanəddin
II. Arif Ərdəbili
III. İmadəddin Nəsimi
IV. Şah İsmayıl Xətai
A) III,  IV
B) II, III
C) II, IV
D) I, III
E) I, II
M.P.Vaqif və Q.Zakir yaradıcılığı üçün ortaq cəhətlər:
1. Həm lirik, həm də epik əsərlərin yazılması.
2. İctimai motivli satirik şerlərin yazılması.
3. Həm əruz, həm də heca vəznində satirik şerlərin yazılması.
4. Məhəbbətin və real gözəlliyin tərənnümü.
5. Həm nəzmlə, həm də nəsrlə  əsərlərin yazılması.
A) 1, 2, 4
B) 3, 4
C) 2, 4, 5
D) 4, 5
E) 1, 3
"Kitabi-Dədə Qorqud" dastanından götürülmüş aşağıdakı parçada hansı obrazdan bəhs olunur?
"Oğuzun ol kişi tamam bilicisiydi. Nə dersə olardı, qayibdən dürlü xəbər söylərdi ... oğuz qövmünün müşkülünü həll edərdi. Hər nə iş olsa ... danışmayınca işləməzlərdi. Hər nə ki buyursa, qəbul edərlərdi. Sözün tutub tamam edərlərdi."
A) Dədə Qorqud
B) Qazan xan
C) Beyrək
D) Dirsə xan
E) Bayandır xan
"Füyuzat" jurnalının redaktoru:
A) Əli bəy Hüseynzadə
B) Həsən bəy Zərdabi
C) Ömər Faiq Nemanzadə
D) Əhməd bəy Ağaoğlu
E) Məhəmməd Hadi
Məsnəvi formasında yazılmış bu əsərin mərkəzində Tülkü surəti dayanır:
A) M.Füzuli. "Söhbətül-əsmar"
B) A.Bakıxanov. "Mişkatül-ənvar"
C) M.B.Xalxali. "Sələbiyyə"
D) S.Ə.Şirvani. "Aslan və iki öküz"
E) B.Şirvani. "Töhfətül-əhbab"
"Yerdən ayağını quş kimi üzüb,
Yay kimi dartılıb, ox kimi süzüb,
Yenə öz sürünü nizamla düzüb,
Baş alıb gedirsən hayana ceyran?" -   misralarında hansı bədii təsvir vasitəsindən istifadə edilmişdir?
A) mübaliğə
B) metafora
C) metonimiya
D) epitet
E) təşbeh
"Səmirə bəziləri kimi qorxaq deyil" cümləsində əvəzliyin hansı növü işlənmişdir?
A) qayıdış
B) təyini
C) qeyri-müəyyən
D) işarə
E) şəxs
Sözün poetik funksiyası ən çox hansı üslubda özünü göstərir?
A) rəsmi-işgüzar
B) elmi
C) bədii
D) publisistik
E) məişət
"Yandırılacaq" sözünün çorfoloji təhlilində  buraxılmış səhvi göstərin:
A) -acaq  qəti gəəcək zaman şəkilçisidir.
B) -dır  icbar növün şəkilçisidir.
C) -ıl   məchul növ şəkilçisidir.
D) Düzəltmə feldir, nə edəcəkdir? sualına cavab verir.
E) Yan   feli sözün köküdür.
Göstərilən xüsusiyyətlərdən biri feli bağlamaya aid edilə bilməz:
A) Təsirli və təsirsiz olur.
B) Təsdiq və inkarda olur.
C) Məchul, qayıdış, icbar və sair növlərdə işlənir.
D) Zamana görə dəyişir?
E) Ətrafına söz toplaya bilir.
"Bu da bir həqiqətdir ki, Azərbaycanın minillik tarixi üzrə ilk araşdırmalar əsas etibarilə əsrimizin ortalarından aparılmağa başlanmışdır" tabeli mürəkkəb cümlədə hansı sintaktik vəzifəni daşıyır?
A) tamamlıq
B) mübtəda
C) təyin
D) zaman zərfliyi
E) xəbər
"Ömrün uzun olsun!", "Canın sağ olsun!", "Bəxtin ağ olsun!"nümunələri nitq etiketlərinin hansı növünə aiddir?
A) müraciət
B) alqış
C) təbrik
D) görüşmə
E) ayrılma
Mürəkkəb sözü göstərin:
A) Gəncə şəhəri
B) günə baxan
C) ağ daş
D) boşqab
E) dərs oxumaq
"O" əəzliyindən sonra qoyulmuş vergül işarəsi hansı vəziyyətdə doğru deyil?
A) O, sirri yenə də gizli saxladı.
B) O, oxumalı idi.
C) O, 19-cu dəstənin fəxridir.
D) O, səyahətdən yorulmayıb.
E) O, məğrur bir vəziyyət aldı.
"Bizcə bu işdə çətinlik olmayacaq" cümləsindəki ara sözün bildirdiyi məna:
A) məlumatın mənbəyi
B) yəqinlik
C) güman və şübhə
D) təəssüf
E) nitqin hissələri arsında əlaqə
"Doğru" sözünün qoşma vəzifəsində işləndiyi cümləni göstərin:
A) Könül, doğru yoldan gəl olma kənar.
B) Doğru söz acı olar, nəticəsi şirin.
C) Doğruya zaval yoxdur, çəksələr min divana.
D) Uşaq anasına doğru can atırdı.
E) Doğru büdrəyər, amma yıxılmaz.
Tabe tərəfi düzəltmə sifət olan I növ təyini söz birləşməsini göstərin:
A) ipək köynək
B) Təcrübəli bağban
C) həmin tapşırıq
D) şirindil uşaq
E) çoxlu məsələ
Hansı sözdə ahəng qanunu pozulmuşdur?
A) ovçuluq
B) hərəkətsizlik
C) gətirdilər
D) məktəblilər
E) idarə
Hansı fikir səhvdir?
A) Türklərin ilk ən böyük dilçisi XI əsr alimi M.Kaşğaridir.
B) Lüğətçilik dilçiliyin təcrübi sahələrindən biridir.
C) Dilçiliyin dialekt və şivələri öyrənən sahəsi etimologiya adlanır.
D) Dilçilik elmi ictimai hadisə olan dili tədqiq edir.
E) Fonetika, leksikologiya, qrammatika dilçiliyin şöbələridir.
"Sağ tərəfdə bir qapı var idi. Deyəsən, qonşu otağa açılırdı" nümunəsindəki ara sözün bildirdiyi məna:
A) güman və şübhə
B) nitqin hissələri arasında əlaqə
C) təəssüf
D) yəqinlik
E) məlumatın mənbəyi
Yoxlamadan sonra nəticə burada göstəriləcək
Top