Əsas səhifə Testlər TQDK inkişaf dinamikası 2000 Azərbaycan dili - I qrup, Variant B

Tapılan ümumi test sayı : 27

Q.Zakirin "Durnalar" əsəri haqqında düzgün olan fikirləri seçin:
1. Qoşmada qürbət sıxıntısı, vətən həsrəti təsirli bir dillə əks etdirilib.
2. "Durnalar" mövzusunda yazılan digər qoşmalardan fərqli olaraq, bu əsərdə ictimai məzmun daha güclüdür.
3. Şair "Laçın yatağıdır bizim məkanlar" deməklə yurdunun mərdlər diyarı olmasını nəzərdə tutur.
4. Əsər qoşma janrında yazılmışdır.
5. Bu şeri Q.Zakir və M.F.Axundzadəyə müraciətlə yazmış və ağır həbsxana şəraitindən şikayətlənmişdir.
A) 1, 3, 5
B) 2, 3
C) 1, 4, 5
D) 1, 2, 5
E) 1, 2, 4
Şifahi xalq ədəbiyyatının lirik növünə daxildir:
1. mahnılar                 2. əsatirlər                   3. laylalar
4. nağıllar                   5. oxşamalar
A) 1, 3, 4
B) 2, 3, 4
C) 1, 3, 5
D) 3, 4, 5
E) 1, 2, 5
C.Cabbarlı yaradıcılığının birinci dövrünə aid əsəri göstərin:
A) "Dönüş"
B) "Od gəlini"
C) "Nəsrəddin şah"
D) "Sevil"
E) "Oqtay Eloğlu"
"Bax" qəzəlinin müəllifi:
A) Molla Vəli Vidadi
B) İmadəddin Nəsimi
C) Şah İsmayıl Xətai
D) Molla Pənah Vaqif
E) Məhəmməd Füzuli
S.Vurğunun "Azərbaycan" və S.Rüstəmin "Təbrizim" şerlərinin ortaq cəhətləri iə bağlı fikirlərdən biri yanlışdır:
A) Hər iki şerdə bəndlərin qafiyə quruluşu eynidir.
B) Hər iki şer beşlik formasında, heca vəznindədir.
C) Hər iki şer lirik-emosional üslubda, obyektə müraciətlə yazılmışdır.
D) Hər iki şerdə bütöv Azərbaycan idealından söhbət gedir.
E) Hər iki şer bəndlər şəklindədir.
XIX əsrin sonlarında yaranmış bədii nəsr əsərlərini göstərin:
A) "Müsibəti-Fəxrəddin", "Dağılan tifaq", "Nadir şah"
B) "Kitabi-Əsgəriyyə", "Rəşid bəy və Səadət xanım", "Aldanmış kəvakib"
C) "Poçt qutusu", "Qurbanəli bəy", "Usta Zeynal"
D) "Danabaş kəndinin əhvalatları", "Bahadır və Sona", "Məktubatı-Şeyda bəy Şirvani"
E) "Sələbiyyə", "Pir", "İnsanların tarixi faciələri"
Ağıllı, ədalətli və igid hökümdardır. Ölkədə aclıq olarkən, dövlət xəzinəsini açaraq xalqa kömək edir. Lakin sonralar başı bir müddət eyş-işrətə qarışır, ölkənin idarəsi unudulur.    Bu sözlər Nizami Gəncəvinin hansı qəhrəmanını səciyyələndirir?
A) İsgəndəri
B) Şirini
C) Hörmüzü
D) Bəhramı
E) Xosrovu
"-Sən Həzrət Abbas, Həsən ağanın qohumusan?
-Həzrət Abbas haqqı, Həsən ağanın qohumuyam.
-Bəs elə isə gəl min boynuma.
Neyləyim Həsən ağanın qohumusan, gözlə, vaxtında kağız hazır olar, apararsan".
Bu sözləri deyən obraz kimdir?
A) Vəli xan (C.Məmmədquluzadə)
B) Heydər bəy (M.F.Axundzadə)
C) Usta Zeynal (C.Məmmədquluzadə)
D) Novruzəli (C.Məmmədquluzdə)
E) Mirzə Səfər (Ə.Haqverdiyev)
Qafiyə quruluşuna görə qəzəllə eyni olan şer növü hansıdır?
A) qitə
B) rübai
C) müxəmməs
D) mürəbbe
E) qəsidə
Aşağıdakılardan biri məişət üslubunun əlamətlərindən sayıla bilməz:
A) dialoji nitq şəklində olması
B) intonasiya, jest-hərəkət-mimika
C) sərbəstlik
D) daha çox bütöv cümlələrdən istifadə
E) yığcamlıq
Zaman zərflərindən ibarət cərgəni göstərin:
A) bərkdən, sonra, yavaşca
B) asta, bu gün, qəfildən
C) dünən, xeyli, əlüstü
D) yuxarı, istidən, axşam
E) həmişə, indi, çoxdan
Səhv fikir hansıdır?
A) Qeyri-müəyyən yiyəlik hal ayrılıqda heç bir cümlə üzvü ola bilməz.
B) Yerlik halda olan söz qoşmalarla işlənə bilmir.
C) Təsirli halda olan sözlər cümlənin xəbəri ola bilməz.
D) Mübtəda ancaq adlıq halda ola bilər.
E) Yerlik və çıxışlıq halda olan isimlər cümlənin yalnız tamamlığı və zərfliyi ola bilirlər.
Mürəkkəb yer zərfliyi işlənmiş cümlələri göstərin:
1. Dayımgil Cəlilabadda yaşayır.
2. Gündəliyim Həsən müəlimdə qalmışdı.
3. Bağımız dəniz kənarında yerləşir.
4. Kənd yerində yaşayan bunu bilməz.
5. Təzə evlər Babək prospektində yerləşir.
A) 2, 4
B) 1, 4, 5
C) 3, 5
D) 1, 5
E) 2, 3
Biz gündəlik nitqimizdə, əsasən, hansı sözlərdən istifadə edirik?
A) ümumişlək sözlərdən
B) alınma sözlərdən
C) neologizmlərdən
D) dialekt sözlərdən
E) terminlərdən
"Tüstü" sözünün fonetik təhlilindəki səhvləri göstərin:
1. 5 səs, 5 hərfdən ibarətdir.
2. İkihecalı sözdür,  vurğu birinci hecaya düşür.
3. İki incə, dodaqlanan, qapalı sait işlənmişdir.
4. Sözdə üç kar samit səs işlənmişir.
5. Ahəng qanunu gözlənilmişdir.
A) 1, 2
B) 2, 4
C) 2, 3
D) 4, 5
E) 1, 5
Sözlərin və ya cümlələrin təsir gücünü artıran nitq hissəsi:
A) modal söz
B) sifət
C) ədat
D) nida
E) qoşma
"Onu nahaq yerə gözdən salıblar" cümləsinin növünü müəyyənləşdirin:
A) cüttərkibli cümlə
B) şəxssiz cümlə
C) qeyri-müəyyən şəxsli cümlə
D) adlıq cümlə
E) ümumi şəxsli cümlə
"Demişdim" felində "-di" nədir?
A) nəqli keçmiş zaman şəkilçisi
B) şühudu keçmiş zaman şəkilçisi
C) xəbər şəklinin şəkilçisi
D) "-dir" şəkilçisinin tələffüz variantı
E) "idi" hissəciyinin qısaldılmış forması
"Qoyun sözümü deyim də" cümləsinin morfoloji təhlilində yol verilmiş səhvi göstərin:
A) "qoyun" sözü əmr ədatıdır.
B) "sözümü" - bu sözdə həm mənsubiyyət, həm də hal şəkilçisi işlənib.
C) Cümədə iki ədat işlənmişdir.
D) "deyim" sözü felin əmr şəklindədir.
E) "deyim" sözündəki "-im" mənsubiyyət şəkilçisidir.
Hansı xüsusiyyət sabit söz birləşmələrinə aid edilə bilməz?
A) vahid məna bildirir;
B) təhlil zamanı bütöv götürülür;
C) leksik vahid sayılır;
D) onları əmələ gətirən sözlər ilkin mənalarından uzaqlaşır;
E) onların qarşılığını bir sözlə ifadə etmək mümkün olmur.
Yoxlamadan sonra nəticə burada göstəriləcək
Top