Əsas səhifə Testlər TQDK inkişaf dinamikası 2000 Azərbaycan dili - III qrup, Variant B

Tapılan ümumi test sayı : 25

Bir bəndi verilmiş aşağıdakı şer lirik növün hansı janrında yazılıb?
"İpək nazbalışa Mina dayandı,
Həcər nalə çəkdi, Mina da yandı,
Həsrətimdən dərdim minə dayandı,
Sən gəlsən, əysilər də bir üz, bir üz.
A) gəraylı
B) rübai
C) bayatı
D) təcnis
E) mürəbbe
"Mən, sən və müəllimlər iclasda iştirak edəcəklər" cümləsində ədəbi dilin hansı norması pozulmuşdur?
A) leksik və fonetik
B) fonetik və qrammatik
C) fonetik
D) qrammatik
E) leksik
Təyin vəzifəsində işlənmiş əvəzliyi göstərin.
A) Elə danış ki, səni yaxşı başa düşsünlər.
B) Haçan gəlmisən?
C) Bəzi adamlar zehni əməkdən tez yorulurlar.
D) Baykal gölünü xəritədə kim göstərə bilər?
E) İndi vəziyyət belədir.
Mürəkkəb sözlərdən ibarət cərgəni göstərin.
A) əlüzyuyan, qoyun-quzu, günorta
B) mer-meyvə, qeyri-dəqiq, narazı
C) bimərifət, toyuq-cücə, topa-topa
D) cəfakeş, üzümçü, kağız-kuğuz
E) bisavad, el-oba, çör-çöp
Tələffüzü ilə yazılışı fərqlənməyən qoşasamitli sözləri göstərin.
1. xallı, qüvvə                2. doqquz, səkkiz
3. saqqal, hətta             4. qüllə, zərrə
5. təqsir, rəqqasə
A) 3, 5
B) 2, 3
C) 1, 3
D) 1, 4
E) 2, 4
"Xəzər dənizi" birləşməsindəki asılı tərəfin morfoloji təhlilindəki səhvi tapın.
A) isimdir, quruluşuna görə sadədir
B) təkdir
C) konkret isimdir
D) xüsusi isimdir
E) adlıq haldadır
Nümunədə işlənmiş bədii təsvir vasitəsini göstərin.
Göylərində at oynadır şimşəklər,
Bir an olur gur yağışı, dolusu.
A) epitet
B) təşbeh
C) simvol
D) metonimiya
E) metafora
M.V.Vidadinin yaradıcılığının məzmunca əsas xüsusiyyəti hansı cavabda düzgün verilmişdir?
A) həyat eşqinin tərənnümü
B) ədalətli  hökmdar ideyasının təbliği
C) ictimai eybəcərliyin kəskin tənqidi
D) ictimai kədər
E) təbiətə vurğunluq
Q.Zakirin lirik yaradıcılığı ilə bağlı düzgün fikirləri seçin.
1. Lirikasının bir hissəsi məhəbbət, digər hissəsi isə ictimai mövzudadır.
2. Şerlərində daha çox real məhəbbət tərənnüm olunur.
3. Lirik şerlərində ən çox Füzuli və Vaqif  yaradıcılığının təsiri duyulur.
4. Lirik şerlərin hamısına heca vəznində, qoşma janrında yazmışdır.
5. Qəzəllərində sufi məhəbbətin izləri daha qabarıqdır.
A) 1, 5
B) 2, 3, 4
C) 1, 2, 3
D) 4, 5
E) 3, 4, 5
C.Cabbarlının "Oqtay Eloğlu" faciəsində baş qəhrəmanın düşmənləri onun yenidən teatra qayıtmaması üçün ilk növbədə nəyə əl atırlar?
A) Ona hədə-qorxu gəlirlər.
B) Ona külli miqdarda pul təklif edirlər.
C) Amalya rolunu oynayan aktrisanı öyrədirlər ki, xəstələndiyini bəhanə edib səhnəyə çıxmasın.
D) Biletlərin satılmasına maneçilik törətməklə tamaşanı pozmağa çalışırlar.
E) Tamaşaçılara Oqtayın ruhi xəstə olduğunu söyləyirlər.
Aşağıdakı əlamətlərdən biri C.Cabbarlı və H.Cavid yaradıcılığı üçün ortaq sayıla bilməz:
A) həm lirik şerlərin, həm də dram əsərlərin yazılması
B) mənzum dramların yazılması
C) tarixi mövzuda əsərlərin yazılması
D) yaradıcılığa şerlə başlanılması
E) dram əsərlərinə üstünlük verillməsi
Səadət xanım ("Müsibəti-Fəxrəddin") Fəxrəddinin meyiti üzərində dediyi: "Ölsəm əziyyətdən xilas ollam, Fəxrəddin, onu istəmirəm..." sözləri ilə nə demək istəyirdi?
A) Sevgilisinin qədrini bilməyən "vəhşi nadanlara" özünün sağ qalması ilə Fəxrəddini xatırlatmaq istəyirdi.
B) Rahat ölüm istəmirdi.
C) Fəxrəddinin dərddən beli bükülmüş anası Mələk xanıma xidmət etmək, onun ömrünü uzatmaq üçün əziyyət çəkmək istəyirdi.
D) Fəxrəddinin nakam arzularını yerinə yetirmək üçün əziyyət çəkmək istəyir və ölümü bu əziyyətdən qaçmaq kimi başa düşürdü.
E) Fəxrəddin bəyin müsibətini bütün ömrü boyu öz məhrumiyyətləri və göz yaşları ilə yaşamaq istəyirdi.
Əfzələddin Xaqani ilə əlaqədar fikirlərdən hansı səhvdir?
A) "Mədain xərabələri" adlı fəlsəfi əsərində şairin məhəbbətlə bağlı fikirləri başlıca yer tutur.
B) Əvvəl sarayda yaşamış, lakin sonradan sarayla özü arasında ziddiyyəti dərk edərək oradan uzaqlaşmışdır.
C) Şirvanşahlar sarayında yaşayıb-yaratmış şairlərdəndir.
D) Ədəbiyyatımızda məsnəvi formasında yazılmış ilk poemanın müəllifi kimi tanınır.
E) Qəsidələri ilə məşhurdur.
"İnteligentlik, gəzərik naz ilə,
Ömr edərik nəşeyi-dəmsaz ilə" misraları M.Ə.Sabirin hansı şerindədir?
A) "Nə işim var"
B) "Səttarxana"
C) "Kim nə deyər bizdə olan qeyrətə?"
D) "Ruhum"
E) "Ürəfa marşı"
Şəkli yazıya aid olanı göstərin:
A) Toy zamanı ələ xına qoyulması
B) Aptekin qapısındakı ilan şəkli
C) Suyun H2O işarəsi ilə göstərilməsi
D) Ət mağazasının vitrinindəki inək kəlləsi şəkli
E) Nəqliyyat yolunda qoyulmuş nida işarəsi
"Hamı xalqa sədaqətlə xidmət etməyə çalışmalıdır" cümləsində tamamlıq nə ilə ifadə olunmuşdur?
A) məsdər tərkibi ilə
B) feli sifət tərkibi ilə
C) məsdərlə
D) isimlə
E) II növ təyini söz birləşməsi ilə
Nəqli cümləni müəyyənləşdirin:
A) Ana oğlunun  doluxsunmuş gözlərinə baxdı.
B) Siz öz vəzifənizi həmişə belə icra edin.
C) Günah kimdədir?
D) Səlim, pəncərəni aç.
E) Yaşasın Azərbaycan Respublikası!
Cümlələrdən birində birləşdirmə bağlayıcısı işlənmişdir:
A) Rəşid dostları ilə görüşməli idi.
B) Həm sevinir, həm də təəccüblənirdi.
C) Ariflə Vasif qardaşdırlar.
D) Mən çağırdım, ancaq sən eşitmədin.
E) Ay da, ulduz da sənə həsrətlə baxır.
Bunlardan ikisi daha çox elmi üslub üçün əlamətdardır:
1. Məcazilik
2. Obrazlılıq
3. Mürəkkəb cümlə tiplərindən daha çox istifadə
4. Bədii təsvir və ifadə vasitələrindən istifadə
5. Termin sıxlığı
6. Dialektizm və loru sözləin işlənməsi
A) 3, 5
B) 4, 6
C) 2, 4
D) 1, 6
E) 4, 5
Nümunələrədən yalnız birində idarə əlaqəsi var:
A) qızıl payız
B) Qış gəldi.
C) hərbi vəzifə
D) ana vətən
E) böyüklərə hörmət
Yoxlamadan sonra nəticə burada göstəriləcək
Top