Əsas səhifə Testlər TQDK inkişaf dinamikası 2002 Azərbaycan dili - II qrup, Variant A

Tapılan ümumi test sayı : 25

beytin müəllifi kimdir?
Tərk edər ləzzəti-dünyanı, keçər canından,
Sikkəni dağ qılar, talibi-dinar olmaz.
A) S.Ə.Şirvani
B) M.Ş.Vazeh
C) S.Ə.Nəbati
D) X.Natəvan
E) Q.Zakir
M.Şəhriyarın "Heydərbabaya salam" əsərində öz əksini tapmışdır:
1. Şairin uşaqlıq xatirələri
2. Doğulduğu yerin gözəl mənzərələri
3. Atom sınağının dəhşətləri
4. Xalqın adət-ənənələri
5. İstedadlı rəssam, şair və alimlərinacınacaqlı taleyi
A) 1, 2, 4
B) 2, 3
C) 3, 5
D) 1, 2, 3
E) 3, 4, 5
Biri müxəmməs janrında deyil:
A) S.Ə.Şirvani. "Guş qıl..."
B) M.Ə.Sabir. "Səttarxana"
C) Q.Zakir. "Eylər"
D) M.P.Vaqif. "Görmədim"
E) M.P.Vaqif. "Var"
Müxtəsər kim, böylə dünyadan gərək etmək həzər,
Ondan ötrü kim deyildir öz yerində xeyrü şər.
Müxəmməs janrında yazılmış bu şerin müəllifini göstərin.
A) İ.Nəsimi
B) M.V.Vidadi
C) M.P.Vaqif
D) Q.Zakir
E) M.Füzuli
Alleqoriya haqqındakı fikirlərdən biri yanlışdır:
A) Alleqoriya bədii əksetdirmənin müxtəlif ədəbi növlərədə özünü göstərən bir formasıdır.
B) Alleqoriyada insanlara xas olan xüsusiyyətlər cansızların, bitkilərin, heyvanların timsalında təsvir olunur.
C) Alleqoriya ədəbi janrdır.
D) Təmsil alleqorik janrdır. A.Bakıxanov, Q.Zakir, S.Ə.Şirvani bu janrın klassik nümunələrini yaratmışlar.
E) Alleqorik əsərlərdə həm romantik, həm də realist ədəbiyyatda rast gəlmək olar.
"Koroğlu" və "Dədə-Qorqud" dastanları üçün ortaq xüsusiyyət hansılar sayıla bilər?
1. Eyni tarixi dövrdə və şəraitdə yaranmaları
2. Hər ikisində ayrı-ayrı qəhrəmanlarla bağlı müxtəlif əhvalatların toplanması
3. Həm Dədə-Qorqud, həm də Koroğlunun iki funksiyani-qəhrəman və aşıq funksiyalarını özündə birləşdirmələri
4. Eyni janrlarda şerlərin verilməsi
5. Eyni ideya və mənəviyyatın əks olunması
6. Aşıq - ozan obrazının verilməsi
A) 1, 2, 3
B) 2, 5, 6
C) 1, 4
D) 2, 4
E) 3, 5, 6
XIX əsrin sonlarında Tiflisdə nəşr edilən qəzetlər:
A) "Azərbaycan", "Hümmət", "Açıq söz"
B) "Ziya", "Ziyayi - Qafqaziyyə", "Kəşkül"
C) "Tazə həyat", "Həyat", "İrşad"
D) "Kəşkül", "Açıq söz", "Hümmət"
E) "Tazə həyat", "Kəşkül", "Əkinçi"
N.Nərimanovun "Nadir şah" faciəsi iə bağlı fikirlərdən biri yanlışdır:
A) Əsərdə dramaturqun dövlət quruluşu haqqındakı ideyaları öz əksini tapmışdır.
B) 1905-ci ilə qədər əsərin tamaşaya qoyulmasına icazə verilməmişdir.
C) Əsər Nadirin yalnız şahlıq dövrünü əhatə edir.
D) Əsərdə hakimiyyət uğrunda gedən saray çəkişmələrinin təsirinə də rast gəlirik.
E) Ədəbiyyatımızda ilk tarixi faciədir.
Bu sənətkarlardan biri Azərbaycan mühacirət ədəbiyyatının nümayəndəsi deyil?
A) C.Hacıbəyli
B) S.Mənsur
C) A.İldırım
D) Ə.Hüseynzadə
E) M.Rəsulzadə
Yalnız fars dilində yazan şairlərin cərgəsini göstərin.
A) Əfzələddin Xaqani, İzəddin Həsənoğlu, Qazi Bürhanəddin
B) Qətran Təbrizi, Məhsəti Gəncəvi, Nizami Gəncəvi
C) Əfzələddin Xaqani, Nizami Gəncəvi, Məhəmməd Füzuli
D) Məhsəti Gəncəvi, Məhəmməd Füzuli, İmadəddin Nəsimi
E) Fələki Şirvani, Əbül-Üla Gəncəvi, İmadəddin Nəsimi
Hansı birləşmənin birinci tərəfində iltisaqilik prinsipi pozulmuşdur?
A) məntiqi fikir
B) tibbi yardım
C) dini anlayışlar
D) fikri yazı
E) şərti işarə
-dıq4 şəkilçisi mənsubiyyət şəkilçisi ilə işlənərək aşağıdakılardan hansını əmələ gətirir?
A) sifəti
B) nəqli keçmiş zamanı
C) feli bağlamanı
D) keçmiş zamanın rəvayətini
E) feli sifəti
Hansı cümlə intonasiya əsasında yaranmış xəbər budaq cümləli tabeli mürəkkəb cümlədir?
A) Nə qədər Cahandar ağa sağdır, o, kənddə əl-qol aça bilməyəcəkdir.
B) Soruşan kimdir, buyursun.
C) Yaxşısı budur, görüləsi işlərimizi müəyyənləşdirək.
D) Adam var başına səpəsən güllər,
Adam var gözünə çəkəsən millər.
E) Nə qədər bacarırsan, qabağa get.
"Təyyarə görəndə biz uşaq kimi sevinərdik"   cümləsindəki isimlərin təhlili ilə bağlı səhv hansıdır?
A) Hər ikisi adlıq haldadır.
B) Hər ikisi ümumi isimdir.
C) Birinci isim fellə bağlıdır.
D) Hər ikisi quruluşca sadə isimdir.
E) Hər ikisi konkret isimdir.
Başqa dillərdən Azərbaycan dilinə hansı şəkilçilər keçmir?
A) ön şəkilçilər
B) leksik şəkilçilər
C) qrammatik şəkilçilər
D) isimdən isim düzəldən şəkilçilər
E) isimdən sifət düzəldən şəkilçilər
"Üzvlük" sözünün fonetik təhlilinəki səhvləri göstərin:
1. Səslərin sayı hərflərin sayından artıqdır.
2. Sözdə iki incə, qapalı, dodaqlanan sait var.
3. Bir kar, üç cingitili samit işlənmişdir.
4. Vurğu birinci hecaya düşür.
5. Sözdə incə saitlərin ahəngi gözlənilir.
A) 1, 2
B) 1, 3, 4
C) 3, 5
D) 2, 4
E) 1, 4, 5
Hansı birləşmənin birinci tərəfi sifət deyil?
A) ağıllı məsləhət
B) möhkəm divar
C) sınıq körpü
D) gümüş qaşıq
E) zoğalı rəng
"Başqa, özgə, qeyri" qoşmaları ilə cümlənin hansı üzvü xüsusiləşir?
A) zərflik
B) tamamlıq
C) mübtəda
D) təyin
E) xəbər
Hansı söz yalnız qoşma kimi işlənir?
A) kimi
B) ötrü
C) ilə
D) əlavə
E) qeyri
Cümlədə söz sırasına əməl olunmamışdırsa, ədəbi dilin hansı norması pozulmuş sayılır?
A) qrammatik
B) orfoepik
C) leksik
D) orfoqrafik
E) həm leksik, həm qrammatik
Yoxlamadan sonra nəticə burada göstəriləcək
Top