Əsas səhifə Testlər TQDK inkişaf dinamikası 2002 Azərbaycan dili - V qrup, Variant A

Tapılan ümumi test sayı : 21

S.Vurğunun "Vaqif" həyatın sınağından şərəflə çıxa bilməyən, saray intriqalarının qurbanı olan surət:
A) Qacar
B) Gülnar
C) Xuraman
D) Tükəzban
E) İbrahim xan
XIX əsrdə yaşamış bu şair farsca yazdığı şerində özünün daxili ziddiyyətlərini belə verir:
Gah ağıllı, gah divanə oldum,
Gah abad, gah viranə oldum.
...Gah dərviş oldum, gah qələndər,
Gah məst, gah da məstanə oldum.
 
A) M.B.Nadim
B) S.Ə.Nəbati
C) Q.Zakir
D) M.Ş.Vazeh
E) S.Ə.Şirvani
"Dastani-Əhməd Hərami" əsəri ilə bağlı fikirlərdən biri səhvdir:
A) Güləndam surəti "Kitabi-Dədə Qorqud" eposundakı mübariz qadınları yada salır.
B) Poema əruzun həzəc bəhrində yazılmışdır.
C) Əsərdə hadisələr məclislər şəklində təsvir olunur.
D) Poema fars dilindədir.
E) Şarə, zülmə qarşı mübarizə əsərin əsas ideyasıdır.
M.Hadinin "El fəryadı" şeri hansı mövzudadır?
A) təbiət gözəlliyinin tərənnümü
B) qəhrəmanlıq
C) vicdan və söz azadlığı
D) müharibə
E) məhəbbət
Klassik poeziyaya və aşıq ədəbiyyatına aid şerlərin adını hansı prinsip əsasında müəyyənləşdiririk? Daha dolğun cavabı seçin.
A) yalnız birinci misra əsasında
B) rədif və ya birinci misra əsasında
C) birinci misranın birinci sözü əsasında
D) sonuncu misra əsasında
E) yalnız rədif əsasında
H.Cavidin "İblis" əsərində Arifin faciəsinin əsas səbəbi:
A) dini mövhumat və fanatizm
B) köhnə adət-ənənələr
C) hakimlərin zülmü, ədalətsizlik
D) cəmiyyətin siyasi sistemindəki çatışmazlıqlar
E) təbiətindəki çirkin, alçaq ehtirasları boğa bilməməsi
M.Füzulinin aşağıdakı əsərlərindən biri məsnəvi formasında yazılmamışdır:
A) "Leyli və Məcnun"
B) "Bəngü Badə"
C) "Söhbətül-əsmar"
D) "Ənisül-qəlb"
E) "Yeddi cam"
Aşıq Əlsgər yaradıcılığı ilə bağlı fikirlərdən biri yanlışdır?
A) "Görmədim", "Çıxıbdı", "Olmaz" şerləri Aşıq Ələsgərin təbiət mövzulu şerlərinin ən yaxşı nümunələri sayılır.
B) Yaradıcılığının əsas qolunu məhəbbət lirikası təşkil edir.
C) "Gedibdi", "Dönübdü", "Sevdiyim" qoşmaları məhəbbət mövzusundadır.
D) "Güllü", "Güləndam", "Gülpəri" qoşmalarında gözəlin tərifi əsas yer tutur.
E) "Dağlar" rədifli 2 qoşması vardır.
C.Məmmədquluzadənin "Anamın kitabı" əsərində Rüstəm bəyin dilindən verilmiş bu nümunədə bədii dilin hansı elementi özünü göstərir?
"...Smetni statyaları o qədər sokratik edirlər ki, il axırında hesab düz gəlmir..."
A) dialektizm
B) varvarizm
C) arxaizm
D) neologizm
E) vulqarizm
N.Vəzirovun bu əsərlərindən hansılar janrına görə dramdır?
1. "Daldan atılan daş topuğa dəyər"
2. "Nə əkərsən, onu biçərsən"
3. "Yağışdan çıxdıq, yağmura düşdük"
4. "Müsibəti-Fəxrəddin"
5. "Təzə əsrin ibtidası"
A) 1, 2, 4
B) 2, 4
C) 2, 5
D) 3, 5
E) 1, 3, 5
Birinci tərəfi isim olmayan I növ təyini söz birləşmələri cərgəsini göstərin.
A) isti çörək, yağlı fətir, qızıl saat
B) nurlu baxış, xoş xatirə, daş qəlbli
C) dar keçid, hər şagird, çoxlu kitab
D) ağıllı fikir, tunc atlı, köhnə söhbət
E) taxta qaşıq, şirin söhbət, gur şəlalə
"Müfəttiş" sözünün  təhlilindəki səhvi göstərin.
A) Sözdəki sait səslərin üçü də incidir.
B) 8 hərf, 8 səsdən ibarətdir.
C) [ş]-kar samitdir, cingiltili qarşılığı [j] samitidir.
D) Sözün deyilişi ilə yazılışı fərqlənmir.
E) [m]-cingiltili samitdir, kar qarşılığı yoxdur.
Həmcins mübtədalı sadə cümləni göstərin.
A) Nizamilər, Füzulilər bu torpağın qürurudur, fəxridir.
B) Sənsən xəlq eyləyən bu yeri, göyü.
C) Hamı gözləyir, amma gələn yoxdur.
D) Ana həyat verər öz övladına,
  Həm də öz ömründən ömür bağışlar.
E) O, gözəl, girdəsifət, gənc bir qız idi.
"Nəhayət, bu fikirlər onu inqilabi mübarizəyə çəkmişdi" cümləsində nitq hissələri hansı ardıcıllıqla düzülmüşdür?
A) sifət - şəxs əvəzliyi - isim - işarə əvəzliyi - isim - fel
B) modal söz - isim - isim - şəxs əvəzliyi - sifət - isim - fel
C) şəxs əvəzliyi - isim - işarə əvəzliyi - sifət - zərf - fel
D) isim - şəxs əvəzliyi - zərf - işarə əvəzliyi - say - fel
E) modal söz - işarə əvəzliyi - isim - şəxs əvəzliyi - sifət - isim - fel
Bunlardan biri mürəkkəb adlarla daxil edilə bilməz:
A) dövlət təltiflərinin adı
B) idarə və təşkilat adı
C) respublika bayramlarının adı
D) coğrafi adlar
E) mürəkkəb xüsusi isimlər
Üslub nədir?
A) fikrin ifadəsi üçün bilavasitə tələb olunan dil vasitəsinin seçilməsi
B) dilin ifadə imkanlarının genişliyi
C) dildən ünsiyyət vasitəsi kimi istifadə qaydalarının öyrənilməsi
D) nitq prosesində dilin fonetik, leksik, qrammatik qayda-qanunlarının gözlənilməsi
E) dil vasitələrindən məqsədəuyğun istifadə üsulu
Bəndin hansı misralarında fel işlənmişdir?
Çən dağlardan aranlara süründü,
Yaşıl dağlar ağ dumana büründü,
Budaqlarda sarı yarpaq göründü,
Qatarlaşdı qızıl telli durnalar.
 
A) üçüncü
B) bütün misralarında
C) dördüncü
D) birinci
E) ikinci
Şair-şüəra (şairlər), sirr-əsrar, alim-üləma, şer-əşar.
Tək və cəm formalarında verilmiş belə sözlər morfoloji quruluşu baxımından hansı dillərə aiddir?
A) həm aqqültinativ, həm flektiv
B) həm kök, həm flektiv
C) aqqültinativ (iltisaqi)
D) flektiv
E) kök (amorf)
Hansı sözlərdə vurğu son hecaya düşər?
1. Almaniya           2. şlyapa
3. günbəgün          4. fərasət
5. təsadüfən          6. günəbaxan
7. perspektiv         8. kinoparat
A) 1, 2, 3, 5
B) 3, 4, 5, 6
C) 6, 7, 8
D) 4, 5, 7
E) 4, 6, 7, 8
Filologiya elminin bu sahəsi daha çox praktik səciyyə daşıyır və burada bu və ya digər dil faktı, dil hadisəsi yox, üsullar, qayda-qanunlar sistemi öyrənilir:
A) ədəbiyyatşünaslıq
B) tərcüməşünaslıq
C) üslubiyyat
D) qrammatika
E) nitq mədəniyyəti
Yoxlamadan sonra nəticə burada göstəriləcək
Top