Əsas səhifə Testlər TQDK inkişaf dinamikası 1995 Azərbaycan dili - II, V qruplar, Variant B

Tapılan ümumi test sayı : 30

İncə saitlərin yerləşdiyi sıranı göstərin:
A) ı, ə, e, u, a
B) a, ö, ü, e, ı
C) i, u, ə, ö, a
D) u, i, o, a, ü
E) ə, e, ö, ü, i
"Xəmsə"ni və müxəmməsi birləşdirən ümumi cəhət nədir ?
A) Hər ikisi beş rəqəmi ilə bağlıdır.
B) Hər ikisi şe`r janrıdır.
C) "Xəmsə" müxəmməs janrında yazılmışdır.
D) Hər ikisinə yalnız Nizami yaradıcılığında təsadüf edilir.
E) Hər ikisi yalnız Azərbaycan ədəbiyyatına xasdır.
S.Vurğun Nizami Gəncəvinin hansı poemasını Azərbaycan dilinə tərcümə etmişdir ?
A) "Sirlər xəzinəsi"
B) "Leyli və Məcnun"
C) "İsgəndərnamə"
D) "Yeddi gözəl"
E) "Xosrov və Şirin"
Verilmiş şe`r parçası əruz vəzninin hansı bəhrindədir:
Millət necə tarac olur olsun, nə işim var ?
Düşmənlərə möhtac olur olsun, nə işim var ?    (M.Ə.Sabir)
A) rəcəz
B) rəməl
C) həcəz
D) xəfif
E) səri
Verilmiş şe`r parçasında misralar hansı qayda ilə bölgülərə ayrılmalıdır ?
Yaxşı gündə yarı yoldaş çox olur,
Yaman gündə heç bulunmaz, yox olur.
Yad ellərin tə`nə sözü ox olur,
Bir gün olur "vətən" deyib ağlarsan. (Vidadi)
A) 6+5
B) 4+3+4
C) 4+4+3
D) 3+4+4
E) 5+6
"Ustad dərin, kamal dərin, söz dərin;
Birin boşa, birin boşla, birin sat" - misralarında işlənmiş bədii ifadə vasitəsi hansıdır ?
A) təkrir
B) bədii sual
C) litota
D) təzad
E) mübaliğə
"Məndə sığar iki cahan..." qəzəlində Nəsimi nəyi göstərmək istəmişdir ?
A) Eşqin ucalığını
B) insanın böyüklüyünü
C) insan duyğularının saflığı
D) insan elminin gücünü
E) ədalətin qələbə çalmasını
C.Məmmədquluzadənin "Danabaş kəndinin əhvalatları" əsərindən götürülmüş aşağıdakı parçada nöqtələrin yerinə hansı surətin adı yazılmalıdır ?
"... ortabab, qara və arıq övrətdi. Yaşı olar qırx, bəlkə də bir az artıq.
... Xudayar bəyə gələn gələn vaxtlarda atası Xudayar bəyin atasından heç bir cəhətdə əskik deyil idi. Amma rüzigar belə gətirdi ki, atası öldü, sonra anası öldü, iki qardaşı öldü, qaldı tək Xudayarın ümidinə. Xudayar bəy də axır vaxtda oldu katda, yə`ni hörməti artdı və övrətinə nisbətən özü oldu ağa, övrəti oldu qaravaş".
A) Zeynəb
B) İzzət
C) Ziba
D) Şərəf
E) Fizzə
On yaşa girəndə bu nadir cavan
Otuz yaşlıları qoyurdu heyran.
Şirlər pəncəsinə pəncə verərdi,
Qılıncla sütunu yerə sərərdi.
Beytlərdə Nizaminin "Xosrov və Şirin" poemasının hansı qəhrəmanı təsvir edilir ?
A) Fərhad
B) Şiruyə
C) Şapur
D) Xosrov
E) Şirin
Yalnız məhəbbət dastanları verilmiş cərgəni göstərin:
A) "Şah İsmayıl", "Qaçaq Nəbi"
B) "Aşıq Qərib", "Abbas və Gülgəz"
C) "Koroğlu", "Aşıq Qərib"
D) "Dastani-Əhməd Harami", "Koroğlu"
E) "Kitabi-Dədə Qorqud", "Qaçaq Nəbi"
Azərbaycan dilində rübai yazan şair kimdir ?
A) Məhsəti Gəncəvi
B) Nizami Gəncəvi
C) Qətran Təbrizi
D) İmadəddin Nəsimi
E) Əfzələddin Xaqani
Verilmiş tabeli mürəkkəb cümlənin birinci tərəfi nədir: Biz sahildən yenicə aralanmışdıq ki, duman çökməyə başladı.
A) səbəb budaq cümləsi
B) baş cümlə
C) mübtəda budaq cümləsi
D) yer budaq cümləsi
E) zaman budaq cümləsi
"Biz hamımız qarşıdakı imtahanlara ciddi hazırlaşırıq" - nümunəsində  cümlə üzvlərinin düzümünü göstərin:
A) mübtəda - tamamlıq - tə`yin - zərflik - xəbər
B) mübtəda - tamamlıq - tə`yin - xəbər
C) mübtəda - tə`yin - tamamlıq - zərflik - xəbər
D) tə`yin - mübtəda - zərflik - xəbər
E) mübtəda - zərflik - tamamlıq - xəbər
"Azərbaycan tanımışdır vaxtsız qapı döyənləri" - cümləsində tamamlıq nə ilə ifadə olunmuşdur ?
A) fe`llə
B) sifətlə
C) ismi birləşmə ilə
D) fe`li sifət tərkibi ilə
E) fe`li sifətlə
Hansı cümlədə mübtəda fe`li sifətlə ifadə olunmuşdur ?
A) Ata nə qədər ciddi və tələbkar olarsa, oğul bir o qədər tərbiyəli və intizamlı olar.
B) Dünyanın hər bir bucağına səpələnən soydaşlarımızın əsəs dərdi vətən dərdidir.
C) Söz var, gələr keçər, söz var, dələr keçər.
D) Oxuyan bülbüldür, dinləyən qazdır.
E) Sizin sözünüzün kəsəri azdır.
Aşağıdakı cümlədə II növ ismi birləşməni (tə`yini söz birləşməsini) göstərin:
Mənim yaxın dostum Faiq də şahmat yarışında iştirak etmək istəyir.
A) mənim dostum
B) dostum Faiq
C) şahmat yarışında
D) iştirak etmək
E) yaxın dostum
Yalnız təqlidi sözlərdən ibarət olan cərgəni göstərin:
A) şırıltı, gurultu, civilti, nərilti
B) yumru-yumru, yastı-yastı, miyoltu, xorultu
C) mışıltı, sıxıntı, çöküntü, göyümtül
D) zarıltı, tapıntı, çıxıntı, mələmək
E) hey, vay, paho, axıntı
Tərkibində zaman zərfi olan cümləni göstərin:
A) Firidun cəld ayağa durdu.
B) Samirə içəri daxil oldu.
C) Ordumuz cəsarətlə irəliləyirdi.
D) İstidən nəfəsi tutulurdu.
E) Axşam güclü yağış yağdı.
Hansı cümlədə məsdər vardır ?
A) Burada çimmək qadağandır.
B) Dadaş qardaşına kömək etti.
C) Əmək insanı ucaldar.
D) Yemək dostundan uzaq ol.
E) Demək, evi tapmadınız ?
Cümlələrin hansında nəqli keçmiş zamana aid nümunə yoxdur:
A) Bir qaməti əlif bağrımı dəlib.
B) Gözəl, səndə bir nişanə görmüşəm.
C) Neçə şair yola salıb.
D) İlahim veribdi dərdi bol mana.
E) İşarət eylədim, dərdimi bildi.
Yoxlamadan sonra nəticə burada göstəriləcək
Top