Əsas səhifə Testlər TQDK inkişaf dinamikası 1995 Azərbaycan dili - IV qrup, Variant B

Tapılan ümumi test sayı : 27

"Xəmsə"ni və müxəmməsi birləşdirən ümumi cəhət nədir ?
A) "Xəmsə" müxəmməs janrında yazılmışdır.
B) Hər ikisinə yalnız Nizami yaradıcılığında təsadüf edilir.
C) Hər ikisi şe`r janrıdır.
D) Hər ikisi beş rəqəmi ilə bağlıdır
E) Hər ikisi yalnız Azərbaycan ədəbiyyatına xasdır.
S.Vurğun Nizami Gəncəvinin hansı poemasını Azərbaycan dilinə tərcümə etmişdir ?
A) "İsgəndərnamə"
B) "Leyli və Məcnun"
C) "Yeddi gözəl"
D) "Xosrov və Şirin"
E) "Sirlər xəzinəsi"
Verilmiş şe`r parçası əruz vəzninin hansı bəhrindədir:
Millət necə tarac olur olsun, nə işim var ?
Düşmənlərə möhtac olur olsun, nə işim var ? (M.Ə.Sabir)
A) xəfif
B) rəməl
C) həcəz
D) səri
E) rəcəz
Verilmiş şe`r parçasında misralar hansı qayda ilə bölgülərə ayrılmalıdır ?
Yaxşı gündə yarı yoldaş çox olur,
Yaman gündə heç bulunmaz, yox olur.
Yad ellərin tə`nə sözü ox olur,
Bir gün olur "vətən" deyib ağlarsan. (Vidadi)
A) 4+3+4
B) 6+5
C) 3+4+4
D) 4+4+3
E) 5+6
"Ustad dərin, kamal dərin, söz dərin;
Birin boşa, birin boşla, birin sat" - misralarında işlənmiş bədii ifadə vasitəsi hansıdır ?
A) litota
B) mübaliğə
C) təzad
D) təkrir
E) bədii sual
"Məndə sığar iki cahan..." qəzəlində Nəsimi nəyi göstərmək istəmişdir ?
A) Eşqin ucalığını
B) insan elminin gücünü
C) insan duyğularının saflığını
D) insanın böyüklüyünü
E) ədalətin qələbə çalmasını
C.Məmmədquluzadənin "Danabaş kəndinin əhvalatları" əsərindən götürülmüş aşağıdakı parçada nöqtələrin yerinə hansı surətin adı yazılmalıdır ?
"... ortabab, qara və arıq övrətdi. Yaşı olar qırx, bəlkədə bir az artıq. Xudayar bəyə gələn vaxtlarda atası Xudayar bəyin atasından heç bir cəhətdə əskik deyil idi. Amma rüzigar belə gətirdi ki, atası öldü, sonra anası öldü, iki qardaşı öldü, qaldı tək Xudayarın ümidinə. Xudayar bəy də axır vaxtda oldu katda, yə`ni hörməti artdı və övrətinə nisbətən özü oldu ağa, övrəti oldu qaravaş".
A) Ziba
B) Zeynəb
C) Şərəf
D) Fizzə
E) İzzət
On yaşa girəndə bu nadir cavan
Otuz yaşlıları qoyurdu heyran.
Şirlər pəncəsinə pəncə verərdi,
Qılıncla sütunu yerə sərərdi.
Beytlərdə Nizaminin "Xosrov və Şirin" poemasının hansı qəhrəmanı təvsir edilir ?
A) Şirin
B) Şiruyə
C) Şapur
D) Xosrov
E) Fərhad
Yalnız məhəbbət dastanları verilmiş cərgəni göstərin:
A) "Şah İsmayıl", "Qaçaq Nəbi"
B) "Aşıq Qərib", "Abbas və Gülgəz"
C) "Dastani-Əhməd Hərami", "Koroğlu"
D) "Koroğlu", "Aşıq Qərib"
E) "Kİtabi-Dədə Qorqud", Qaçaq Nəbi"
Azərbaycan dilində rübai yazan şair kimdir ?
A) Qətran Təbrizi
B) Məhsəti Gəncəvi
C) Nizami Gəncəvi
D) İmadəddin Nəsimi
E) Əfzələddin Xaqani
Verilmiş tabeli mürəkkəb cümlənin birirnci tərəfi nədir:
Biz sahildən yenicə aralanmışdıq ki, duman çökməyə başladı.
A) mübtəda budaq cümləsi
B) baş cümlə
C) yer budaq cümləsi
D) zaman budaq cümləsi
E) səbəb budaq cümləsi
"Biz hamımız qarşıdakı imtahanlara ciddi hazırlaşırıq" - nümunəsində cümlə üzvlərinin düzümünü göstərin:
A) mübtəda - tə`yin - tamamlıq - zərflik - xəbər
B) mübtəda - tamamlıq - tə`yin - zərflik - xəbər
C) tə`yin - mübtəda - zərflik - xəbər
D) mübtəda -tamamlıq - tə`yin - xəbər
E) mübtəda - zərflik - tamamlıq - xəbər
"Azərbaycan tanımışdır vaxtsız qapı döyənləri" - cümləsində tamamlıq nə ilə ifadə olunmuşdur ?
A) fe`li sifət tərkibi ilə
B) ismi birləşmə ilə
C)  fe`llə
D) sifətlə
E) fe`li sifətlə
Hansı cümlədə fe`li sifətlə ifadə olunmuşdur ?
A) Ata nə qədər ciddi və tələbkar olarsa, oğul bir o qədər tərbiyəli və intizmlı olar.
B) Sizin sözünüzün kəsəri azdır.
C) Oxuyan bülbüldür, dinləyən qazdır.
D) Söz var, gələr keçər, söz var, dələr keçər.
E) Dünyanın hər bir bucağına səpələnən soydaşlarımızın əsas dərdi vətən dərdidir.
Aşağıdakı cümlədə II növ ismi birləşməni (tə`yini söz birləşməsini) göstərin:
Mənim yaxın dostum Faiq də şahmat yarışında iştirak etmək istəyir.
A) mənim dostum
B) iştirak etmək
C) dostum Faiq
D) şahmat yarışında
E) yaxın dostum
Yalnız təqlidi sözlərdən ibarət olan cərgəni göstərin:
A) zarıltı, tapıntı, çıxıntı, mələmək
B) mışıltı, sıxıntı, çöküntü, göyümtül
C) hey, vay, paho, axıntı
D) yumru-yumru, yastı-yastı, miyoltu, xorultu
E) şırıltı, gurultu, civilti, nərilti
Tərkibində zaman zərfi olan cümləni göstərin:
A) İstidən nəfəsi tutulurdu.
B) Firidun cəld ayağa durdu.
C) Ordumuz cəsarətlə irəliləyirdi.
D) Samirə içəri daxil oldu.
E) Axşam güclü yağış yağdı.
Hansı cümlədə məsdər vardır ?
A) Yemək dostundan uzaq ol.
B) Burda çimmək qadağandır.
C) Dümək, evi tapmadınız ?
D) Dadaş qardaşına kömək etdi.
E) Əmək insanı ucaldır.
Cümlələrin hansında nəqli keçmiş zamana aid nümunə yoxdur:
A) Gözəl, səndə bir nişanə görmüşəm.
B) İlahim veribdi dərdi bol mana.
C) Neçə şair yola salıb.
D) Bir qaməti əlif bağrımı dəlib.
E) İşarət eylədim, dərdimi bildi.
Yalnız məchul növdə olan fe`llərin verildiyi cərgəni göstərin:
A) Verilmək, atılmaq, yazılmaq.
B) Qucaqlaşmaq, toplaşmaq, oynaşmaq.
C) Yedirtmək, gəzdirmək, daşıtmaq.
D) Vurulmaq, yorulmaq, evlənmək.
E) Yazışmaq, gəzişmək, qaçışmaq
Yoxlamadan sonra nəticə burada göstəriləcək
Top