Əsas səhifə Testlər TQDK inkişaf dinamikası 1996 Azərbaycan dili - III qrup, Variant B

Tapılan ümumi test sayı : 27

H.Cavidin "İblis" əsərində Arifin faciəsinin əsas səbəbi:
A) dini mövhumat və fanatizm
B) hakimlərin zülmü, ədalətsizlik
C) köhnə adət-ən`ənələr
D) təbiətindəki çirkin, alçaq ehtirasları boğa bilməməsi
E) cəmiyyətin siyasi sistemindəki çatışmazlıqlar
Ailə-məişət problemlərini geniş epik lövhələrlə əks etdirən nəzm əsəri hansıdır?
A) S.Rüstəm "Ana və poçtalyon"
B) H.Cavid "Səyavuş"
C) R.Rza "Qızılgül olmayaydı"
D) C.Cabbarlı "Solğun çiçəklər"
E) S.Vurğun "Aygün"
"Molla Nəsrəddin" jurnalını sevdirən, məşhurlaşdıran səbəblərdən biri səhvdir:
A) Onun tənqid hədəfi böyük ictimai qüsurlar idi.
B) Jurnalın ətrafında dövrün ən qüdrətli qələm sahibləri toplaşmışdı.
C) Senzura zəif olduğundan hökumət nümayəndələri jurnalın məzmunundan xəbərsiz idilər.
D) Jurnal fəaliyyəti müddətində həyat həqiqətinə həmişə sadiq qalmışdır.
E) Müasirlik, aktuallıq jurnalın əsas ruhunu təşkil edirdi.
A. Bakıxanov, İ.Qutqaşınlı, M.Ş.Vazehin yaradıcılığı üçün ortaq cəhət hansıdır?
A) Xalq ədəbiyyatından və  aşıq şe`rindən geniş istifadə etmələri
B) Realist-maarifçi ədəbi cərəyanın nümayəndəsi olmaları
C) Çar hakimlərinin zülmü əleyhinə mübarizə mövzusu
D) Klassik üslubda şe`r yazmaları
E) Yaradıcılıqlarında romantik üslubda əsərlərə geniş yer verilməsi
N.Vəzirovun "Müsibəti Fəxrəddin" əsəri ilə bağlı düzgün fikirləri seçin:
1. Azərbaycan ədbiyyatı tarixində ilk faciədir.
2. Əsərdə Mələk xanım və Şahmar bəy müsbət obraz kimi təsvir olunmuşdur.
3. Müəllif Rüstəm bəy obrazını yaratmaqla qan intiqamına susamış nadan bəylərə ibrət dərsi verir.
4. Sujeti iki mülkədar    ailəsi arasında gedən qan davası üzərində qurulmuşdur.
5. Əsər Fəxrəddin bəyin monoloqu ilə başlayır.
A) 1, 2, 3
B) 1, 3, 4
C) 2, 4, 5
D) 2, 3, 4
E) 1, 4, 5
Füzulinin "Məni candan usandırdı..."
qəzəlindən verilmiş aşağıdakı beyt haqqındakı fikirlərdən hansı səhvdir?
"Şəbi-hicran yanar canım, tökər qan çeşmi-giryanım,
Oyadar xəlqi əfqanım, qara bəxtim oyanmazmı?"
A) Beytdə daxili qafiyələr vardır.
B) Beytdə aşiq özünü gecələr yanan şama bənzətmişdir.
C) Qəzəlin mətlə beytidir.
D) Beytdə bədii sualdan istifadə olunmuşdur.
E) Beytdə mübaliğə işlədilmişdir.
Bu əsərlərdən birində ədaətli hökmdar ideyası əsas yer tutur:
A) Nizami "Yeddi gözəl"
B) Nizami "Leyli və Məcnun"
C) Məsihi "Vərqa və Gülşa"
D) Xətai "Dəhnamə"
E) Füzuli "Şikayətnamə"
"Hey, ana! Ərəbi atlar olan yerdə
Bir qulunu olmazmı olur?
Qızıl dəvələr olan yerdə
Bir köşəyi olmazmı olur?
Ağca qoyunlar olan yerdə
Bir quzusu olmazmı olur?" - sözlərini "Kitabi-Dədə Qorqud" dastanının hansı qəhrəmanı deyir?
A) Salur Qazan
B) Qaraca Çoban
C) Dəli Dondar
D) Uruz
E) Qaragünə oğlu Qarabudaq
Əzizim bağda dara,
Zülfünü bağda dara.
Bülbülü güldən ötrü,
Çəkdilər bağda dara.
Bayatıda daxili bölgünü göstərin:
A) 4-3
B) 5-2
C) 3-2-2
D) 3-4
E) 2-5
Bayatıda hansı bədii ifadə vasitəsi işlədilmişdir?
Mən aşiqəm sal yana,
Dara zülfün, sal yana.
Necəsən bir ah çəkim,
Kür quruya, sal yana.
A) litota
B) mübaliğə
C) metafora
D) bənzətmə
E) epitet
Dəqiqləşdirici xüsusiləşmiş üzvlər hansı cümlələrdə verilmişdir?
1. O, bə`zi vaxtlarda ailəsini, hətta özünü belə unudardı.
2. İcazə ver, bircə piyalə su için, susuzluğumu söndürüm.
3. Hava təmizlənmişdi, Kürün qıjıltısından başqa, heç nə eşidilmirdi.
4. Hamı, o cümlədən ustə Ramazanla Vasilyev də ovqatı təlx dayanmışdılar.
5. Zabit öz sualını inadla təkrar eləyəndə Abuzər bəy cavab verməyə məcbur oldu.
A) 1, 3
B) 1, 4
C) 2, 5
D) 1, 2, 5
E) 3, 4
"Kim ki öyrənməyi ar bilmir, sudan dürr, daşdan gövhər çıxarır" tabeli mürəkkəb cümləsində budaq cümlənin növünü müəyyənləşdirin:
A) mübtəda budaq cümləsi
B) şərt budaq cümləsi
C) təyin budaq cümləsi
D) tamamlıq budaq cümləsi
E) xəbər budaq cümləsi
"Biz zamanlar anam onu - kiçik oğlunu çox əzizləyirdi" cümləsində hansı cümlə üzvünün əlavəsi var?
A) zərfliyin
B) mübtədanın
C) tamamlığın
D) xəbərin
E) tə`yinin
"Xaqaninin yaradıcılığı Azərbaycan ədəbiyyatında yeni bir hadisə kimi qiymətləndirmişdir" cümləsində III növ ismi birləşmə hansı cümlə üzvü rolunda çıxış edir?
A) zərflik
B) mübtəda
C) tamamlıq
D) xəbər
E) tə`yin
Tabesizlik əlaqəsi ilə bağlananlar hansılardır?
A) xəbərlə tamamlıq
B) həmcins üzvlər
C) təyinlə mübtəda
D) mübtəda ilə xəbər
E) xəbərlə zərflik
Hansı cümlədə "düz" sözü "birbaşa" zərfinin sinonimidir?
A) Anası düz deyirdi.
B) Əhməd dəftərə düz xətt çəkdi.
C) Son zamanlar nəsə işi düz gətirmirdi.
D) Bir düz söylə görək nə hadisə baş verib?
E) Bir kəpənək hardansa gəlib, düz çiçəyin üstünə qondu.
"Başqa, qeyri, savayı, özgə" qoşmalarının mə`na növünü göstərin:
A) məsafə
B) fərqlənmə
C) səbəb-məqsəd
D) zaman
E) birgəlik
Zərflə sifətin oxşar əlamətləri kimi verilmiş cəhətlərdən biri yanlışdır:
A) Hər ikisi əsas nitq hissəsidir.
B) Hər ikisi quruluşca sadə, düzəltmə, mürəkkəb olur.
C) Hər ikisi cümlə üzvü kimi çıxış edir.
D) Hər ikisi həm əşyaya, həm də hərəkətə aid olur.
E) Hər ikisi  necə? nə cür? suallarına cavab verir.
Cümlələrin birində birgəlik növdə olan fe`l vardır:
A) Bu, çox maraqlı yarış idi.
B) Geoloqların tonqalı çoxdan alınmışdı.
C) O, Türkiyədəki dostu ilə yazışırdı.
D) Bu səhnəni görən tamaşaçılar gülüşdülər.
E) Biz yazıçılara görüşə getdik.
İsimlə sifətin birləşməsindən düzələn mürəkkəb sifətlərin cərgəsini  göstərin:
A) çoxmərtəbəli, xoşqədəm
B) dilişirin, qəlbitəmiz
C) ala-yarımçıq, yaşıl-qırmızı
D) tünd-mavi, elmi-fantastik
E) qaraqaş, şirindilli
Yoxlamadan sonra nəticə burada göstəriləcək
Top