Əsas səhifə Testlər TQDK inkişaf dinamikası 1997 Azərbaycan dili - IV, VIII qrup, Variant B

Tapılan ümumi test sayı : 28

"O, namuslu, qeyrətli, sözü həmişə üzə deyən, həqiqəti bütün varlığı ilə müdafiə edən, dostluqda sədaqətlidir. İkiüzlülük, saxtakarlıq onun gözünün düşmənidir..."
Bu keyfiyyətlər İ.Əfəndiyevin "Qəribə oğlan" komediyasında hansı surəti səciyyələndirir?
A) Muratovu
B) Valehi
C) Otarı
D) Batını
E) Əhmədcanı
Hansı cərgədə epik növün janrları düzgün göstərilib?
A) roman, povest, komediya
B) povest, hekayə, qitə
C) hekayə, povest, müxəmməs
D) rübai, roman, qoşma
E) hekayə, povest, təmsil
Aşıq Ələsgərin "Güləndam" qoşmasından verilmiş aşağıdakı bənd haqqında fikirlərdən hansı səhvdir?
"Səni gördüm, əl götürdüm dünyadan,
Qara gözlü, qələm qaşlı Güləndam.
Alma yanağına, bal dodağına
Baxan kimi ağlım çaşdı, Güləndam.."
A) 2-ci və 4-cü misralar "qaşlı, çaşdı" sözləri ilə qafiyələnmişdir.
B) Qoşmanın 1-ci bəndidir.
C) "Qara gözlü, qələm qaşlı" sözləri bənzətmədir.
D) 1-ci və 3-cü misralar sərbəstdir.
E) "Güləndam" sözü rədifdir.
"Koroğlu" dastanının hansı qolunda Koroğlu düşmənə qarşı təkbaşına mübarizə aparıb qalib gəlir?
A) "Koroğlunun Dərbənd səfəri"
B) "Durna teli" ("Bağdad səfəri")
C) "Koroğlunun Ərzurum səfəri"
D) "Koroğlunun Qars səfəri"
E) "Həmzənin Qıratı aparması" ("Toqat səfəri")
"Xeyir və Şər" mənzum hekayəsi Nizami Gəncəvinin hansı əsərinə daxildir?
A) "Yeddi gözəl"
B) "İsgəndərnamə"
C) "Leyli və Məcnun"
D) "Xosrov və Şirin"
E) "Sirlər xəzinəsi"
Sabirin aşağıdakı şerlərindən hansı satira deyil?
A) "Əkinçi"
B) "Səttarxana"
C) "Bakı fəhlələrinə"
D) "Yaşamaq istər istək..."
E) "Ürəfa marşı"
S.Vurğunun "Aygün" mənzum romanı ilə bağlı fikirlərdən biri səhvdir:
A) Əsər məhəbbət mövzusuna həsr edilib.
B) Şair oxucunu inandırır ki, insanda rəzil, xudbin hisslər deyil, işıqlı, nəcib duyğular qələbə çalmalıdır.
C) Romanda Əmirxanın həyəcanlarına geniş yer verilmişdir.
D) Şair Aygünün simasında sevgisinə sonadək sadiq qalan bir qadın obrazı yaradıb.
E) Roman ailənin dağılması, məhəbbətin məhvi ilə sona çatır.
M.F.Axundzadənin "Hekayəti-mərdi-xəsis" komediyası ilə əlaqədar fikirlərdən hansı doğru deyil?
A) Hacı Qara ciddi dramatik, Heydər bəy isə komik planda verilmişdir.
B) Heydər bəylə Hacı Qaranı pul tapmaq məqsədi birləşdirir.
C) Heydər bəy keçmiş günlərin həsrətini çəkən, cəsur, mərd gəncdir.
D) Əsərdə Tükəz və Sona xanım kimi ağıllı, gözəl qadın surətləri yaradılmışdır.
E) Hacı Qara tamahkar və acgözdür, var-dövləti çox olsa da xəsisdir.
Q.Zakirin "Eylər" rədifli şerinin janrı:
A) qoşma
B) qəzəl
C) müxəmməs
D) qitə
E) gəraylı
Bülbül gül üçün qılanda nalə,
Dərdinə dəva olurmu lalə?!
Xosrov deyiləm ki, mənə dilbər
Şirin ola gah, gah Şəkkər.
Bu sözləri M.Füzulinin "Leyli və Məcnun" poemasında kimin dilindən deyilir?
A) Nofəlin
B) Məcnunun
C) Şairin özünün
D) İbn Salamın
E) Zeydin
"T" ilə yazılıb [d] ilə tələffüz edilən sözlərin cərgəsini göstərin:
A) otuz, metal, həyat
B) taxta, avtomat, material
C) stadion, doktor, xətt
D) mütəkkə, bitki, nöqtə
E) dəftər, astar, yastıq
Şifahi ədəbi dil, əsasən, hansı normalara tabe olur?
A) morfoloji
B) orfoqrafik
C) orfoepik
D) sintaktik
E) leksik-semantik
Hansı qoşmalar sinonim deyil?
A) kimi, qədər
B) kimi, tək
C) tərəf, sarı
D) əvvəl, qabaq
E) kimi, doğru
Hansı şəkilçi vasitəsilə indiki zaman mənalı feli sifətlər düzəldilir?
A) -malı2
B) -an2
C) -ası2
D) -mış4
E) -acaq2
Aşağıdakı variantların hansında antonim sözlər yoxdur?
A) Varlıqda dost olma, yoxluqda-kənar,
İyidəm deyəndə bu adət olmaz.
B) Axşam-sabah, çeşmə, cənin başına,
Bilirsənmi, necə canlar dolanır?!
C) Gecə-gündüz qaldım zülmət içində,
Mənim tək zülmətdə qalan varmı heç?
D) Gəlimli-gedimli dünya,
Son ucu ölümlü dünya.
E) Su deyibdir mənə əvvəldə anam, ab ki yox,
Yuxu öyrətdi uşaqlıqda mənə, xab ki yox.
Aşağıdakı cümlələrin birində altından xətt çəkilmiş söz adlıq haldadır:
A) Mən mağazadan qələm aldım.
B) Onun qələminin rəngi bənövşəyidir.
C) Qələmin qiyməti çox baha idi.
D) Qələmin yaxşı yazır.
E) Qələm sahibi hər sözü ölçüb-biçməlidir.
Qeyri-müəyyən əvəzliklər hansı sırada verilmişdir?
A) biz, siz, onlar
B) mən, sən, o
C) o, bu, elə
D) biri, hamı, hərə
E) öz, hərə, bütün
"Həftə" sözünün fonetik təhlilində səhv haradadır?
A) [ə] incə, dodaqlanmayan, açıq saitdir.
B) [h] və [f] samitləri kar, [d] cingiltili samitdir
C) 5 səs və 5 hərfdən ibarətdir.
D) Vurğu birinci hecaya düşür.
E) [h] samitinin cingiltili qarşılığı yoxdur, [f] səsinin cingiltili qarşılığı isə [v] samitidir.
Aşağıdakı modal sözlərdən biri söz-cümlə kimi işlənə bilmir:
A) yəqin ki
B) şübhəsiz
C) bəlkə də
D) deməli
E) əlbəttə
Bədii əsərlərdəki müxtəlif regionlar üçün səciyyəvi məhəlli sözlər nə adlanır?
A) alınma sözlər
B) yeni sözlər
C) ümumişlək sözlər
D) dialektizmlər
E) köhnəlmiş sözlər
Yoxlamadan sonra nəticə burada göstəriləcək
Top