Əsas səhifə Testlər TQDK inkişaf dinamikası 1998 Azərbaycan dili - I, VI qrup, Variant A

Tapılan ümumi test sayı : 27

Bədii təsvir vasitəsini göstərin.
Bir yay kimi çatılmışdır Sarvanımın qaş-qabağı,
Bir-birinə qovuşdurur ayrı düşmüş iki dağı.
A) metafora
B) təzad
C) metonimiya
D) epitet
E) təşbeh
S.Ə.Şirvani yaradıcılığı haqqındakı fikirlərdən biri səhvdir:
A) "Rəbiül-ətfal" adlı dərsliyi vardır.
B) Maarifçilik ideyalarının təbliğinə, ictimai bəlaların tənqidinə dair şerlər yazmışdır.
C) Həm lirik, həm də epik əsərlər yazmışdır.
D) Ədəbi irsinin böyük bir hissəsi lirik şerlərdən ibarətdir.
E) Həm klassik üslubda, həm də aşıq şeri tərzində şerlər yazmışdır.
Ay həzarat, gəlin sizə söyləyim,
Bu dünyanın xəyanatı çıxıbdı.
İnsaflar azalıb, mürvət gödəlib,
Qazıların mazarratı çıxıbdı.
Bənd hansı sənətkarın əsərindəndir?
A) Aşıq Ələsgər
B) Abbas Tufarqanlı
C) Qasım bəy Zakir
D) Molla Vəli Vidadi
E) Molla Pənah Vaqif
M.Füzuli hansı əsərində Çaldıran müharibəsinə qarşı etiraz səsini qaldırır?
A) "Yeddi cam"
B) "Rindü Zahid"
C) "Bəngü Badə"
D) "Səhhət və Mərəz"
E) "Şikayətnamə"
Bunlardan biri M.Ə.Rəsulzadənin dramıdır:
A) "Qaranlıqda işıqlar"
B) "Ana"
C) "Pəri cadu"
D) "Nadanlıq"
E) "Keçmişdə qaçaqlar"
"Epik növün ən qədim janrlarından biridir. Həcmcə çox kiçik olur, lakin dərin məna ifadə edir. Tənqid, satira bu janrın ruhunu, canını təşkil edir. Sənətkar həyatda müşahidə etdiyi nöqsanları müəyyən  əşyalar, bitkilər və heyvanların simasında əks etdirir."
Bu, hansı janrdır?
A) hekayə
B) təmsil
C) novella
D) lətifə
E) nağıl
M.Ə.Sabirin ədəbi məktəbin Cənubi Azərbaycanda davamçısı:
A) M.S.Ordubadi
B) Ə.Nəzmi
C) M.Möcüz
D) M.Hadi
E) Ə.Qəmküsar
M.Hüseynin "Yeraltı çaylar dənizə axır" romanında Səmirə Aydının faciəsi nə vaxtdan başlayır?
A) cəbhədə əsir alınmış həyat yoldaşı Midhətin "vətən xaini" elan edildiyi gündən
B) institutda işdən azad edildiyi gündən
C) partiya sıralarından kənarlaşdırıldığı vaxtdan
D) Tacikistan çöllərinə sürgün edildiyi gündən
E) xəstəxanada Kamranla rastlaşdığı gündən
M.F.Axundzadənin şerlərində işlətdiyi təxəllüs:
A) Seyyid
B) Fani
C) Səbuhi
D) Qüdsi
E) "Vəkili-milləti-naməlum"
Hansı omonimlər müxtəlif nitq hissələrinə aiddir?
I göy      II bar       III dolu      IV kök      V əqrəb
A) I,II,III
B) I,III,IV
C) III,IV
D) I,IV
E) I, IV, V
Cüttərkibli geniş cümləni göstərin:
A) Uzun qış günlərindən biri idi.
B) Biz qəhrəmanları unutmayacağıq.
C) Bu günün işini sabaha qoymazlar.
D) Burada xəstələrə yaxşı baxırlar.
E) Mirzə Fətəli Axundzadə Azərbaycan dramaturgiyasının banisidir.
Şer parçasında işlənmiş əvəzliklərin məna növünü və sayını müəyyənləşdirin.
Deyirəm ki, uzaq yollarda susuzluq çəkən,
Bir insanın yollarında bulaq olaydım.
Bütün məslək dostlarımın  bu dünyada mən
Hər qəminə, nəşəsinə ortaq olaydım.
A) 1 sual, 1 işarə, 1 şəxs
B) 2 təyini, 1 işarə, 1 şəxs
C) 1 qeyri-müəyyən, 1 işarə, 1 şəxs
D) 1 təyini, 1 işarə, 1 şəxs
E) 1 təyini, 2 işarə, 1 şəxs
Mücərrəd mənalı düzəltmə ismi göstərin.
A) çöküntü
B) yaxşılıq
C) gözlük
D) soyutma
E) tikinti
"Bu sözü sizə deyirəm ha..." cümləsindəki "ha" sözü ədatın mənaca ha?
A) qüvvətləndirici
B) məhdudlaşdırıcı
C) arzu
D) sual
E) dəqiqləşdirici
"Bu tədbir ardıcıl olaraq davam etdiriləcək" nümunəsində cümlə üzvlərindən hansı işlənməmişdir?
A) tamamlıq
B) mübtəda
C) zərflik
D) təyin
E) xəbər
Aşağıdakı nümunələrin neçəsi frazeoloji birləşmədir?
təpəyə qalxmaq, çayın sahili, üzə vurmaq, başa salmaq, kitabın cildi, maraqlı kitab, qara yaxmaq, gözə gətirmək
A) 3
B) 2
C) 4
D) 5
E) 6
Hansı söz səhv yazılıb?
A) xeyirxah
B) zambaq
C) xoşbəxt
D) bitki
E) bünövrə
Nitqə aid edilən əlamətlərdən biri yanlışdır:
A) Nitq fəaliyyətinin məhsuludur.
B) Dəyişməzdir.
C) Törəmədir.
D) Ünsiyyət prosesidir.
E) Dil əsasında meydana çıxır.
"Sarayın darvazası açıldı, içəridə qaraltılar səyrişdi, cəsarətsiz, qırıq səslər eşidildi"
tabesiz mürəkkəb cümləsində tərkib hissələri arasında hansı məna əlaqəsi var?
A) qarşılaşdırma
B) səbəb-nəticə
C) ardıcıllıq
D) aydınlaşdırma
E) zaman
Dilçilik elminin məhəlli dil xüsusiyyətlərini öyrənən sahəsi:
A) leksikologiya
B) leksikoqrafiya
C) dialektologiya
D) orfoepiya
E) terminologiya
Yoxlamadan sonra nəticə burada göstəriləcək
Top