Əsas səhifə Testlər TQDK inkişaf dinamikası 1998 Azərbaycan dili - I, VI qrup, Variant B

Tapılan ümumi test sayı : 27

Altından xətt çəkilmiş sözlər hansı sırada omonimdir?
A) Kağız torba davamsız olur. Bu qədər kağız nəyinə lazımdır?
B) Uşağın dişi çıxır. Darağın dişi sındı
C) Yüz ölç, bir biç.
D) Uşağın boğazı ağrıyır. Qrafinin boğazı rənglidir.
E) Axşam  dolu yağdı. Ovçunun belindəki qatar patronla dolu idi.
C.Cabbarlıya aid edilmiş fikirlərdən biri səhvdir:
A) "Ana" şerinin müəllifidir.
B) Yalnız lirik və dramatik növdə əsərlər yazıb.
C) Yaradıcılığa "Bahar" adlı şerlə başlayıb.
D) Tarixi mövzulara həsr olunmuş əsərlər müəllifidir.
E) "Babayi-Əmir" jurnalında satirik şerləri çap olunmuşdur.
Bədii əsərdə təsvir edilən hadisələrin müəyyən xətt üzrə inkişaf etdirilməsi nə adlanır?
A) ekspozisiya
B) süjet
C) kulminasiya nöqtəsi
D) kompozisiya
E) final
Yaradıcılığının ilk dövründə "Hüseyni", "Seyyid Hüseyni", "Seyyid" təxəllüsü ilə yazıb-yaradan sənətkar:
A) Həbibi
B) F.Nəimi
C) İ.Nəsimi
D) İ.Həsənoğlu
E) Ş.İ.Xətai
Sən sənət eşqiylə vəcdə gələndə,
Bir Səməndər kimi odlara qalan.
Qoy bir el məsəli düzəldim mən də:
Dağ olmaq istəsən, dağa arxalan.
Bənddə hansı bədii təsvir vasitəsi işlənib?
A) bədii təzad
B) litota
C) epitet
D) təşbeh
E) metafora
N.Gəncəvini "Xosrov vəŞirin" poeması ilə bağlı fikirlərdən biri səhvdir:
A) Xosrov Şirinin təsiri ilə dəyişir və nəcib bir insana çevrilir.
B) Saf məhəbbətin tərənnümünə həsr olunub.
C) "Xəmsə"yə daxil olan ikinci poemadır.
D) Fərhad Çin hökümdarının oğlu kimi təqdim olunur.
E) Məsnəvi şəklində yazılıb.
S.Ə.Şirvaninin  bu təmsillərindən birində "Yaxşılıq itmir" ideyası təbliğ olunur:
A) "Aslan və iki öküz"
B) "Xoruz və Çaqqal"
C) "Qaz və Durna"
D) "Siçan və Pişik"
E) "Ayı və Siçan"
Əzizim, kətan sarı,
Ağ sarı, kətan sarı,
Çıxaydım Şah dağına,
Baxaydım Vətən sarı.
Şerin janrını və necə qafiyələndiyini göstərin.
A) Sayaçı sözüdür, aaba şəklində qafiyələnmişdir.
B) Holavardır, aaba şəklində qafiyələnmişdir.
C) Mərasim nəğməsidir, aaba şəklində qafiyələnmişdir.
D) Rübaidir, aaba şəklində qafiyələnmişdir.
E) Bayatıdır, aaba şəklində qafiyələnmişdir.
N.Vəzirovun "Müsibəti-Fəxrəddin" faciəsindən götürmüş aşağıdaki sözlər kimin dilindən deyilir?
"... həkimi çağır... Xudaya, şükür... Qəribə müsibətdir! Müsibəti-müsəlman! Vəhşilik, elmsizlik, nadanlıq! Bəli, nə eyləmək, qəza işidir..."
A) Fəxrəddin bəy
B) Rüstəm bəy
C) Gülbahar
D) Səadət xanım
E) Cahangir bəy
R.Rza şerlərinin birində "O kəs ki, torpağa, xalqa bağlıdır, kökü xalq mənəviyyatının dərinliklərindədir, onu əymək olmaz" qənaətinə gəlir:
A) "Rənglər"
B) "Vətən"
C) "Pəncərəmə düşən işıq"
D) "Çinar"
E) "Bu gün"
Aşağdakılardan biri romantizm ədəbi cərəyanın nümayəndəsi deyil:
A) Abdulla Şaiq
B) Məhəmməd Hadi
C) H.Cavid
D) Əliqulu Qəmküsar
E) Abbas Səhhət
Konkret isimləri göstərin:
A) ətək, ağac
B) xeyirxahlıq, istək
C) düşüncə, duyğu
D) sevgi, həyat
E) dostluq, kədər
Hansı cümlədə həm hal, həm də mənsubiyyət şəkilçisi qəbul etmiş məsdərlər vardır?
1. Görüşməyimizdən bir həftə sonra getdi.
2. Atam tapşırdı ki, dərsə gecikməyim.
3. O, yaxşı oxumağımız üçün heç nəyi əsirgəmirdi.
4. Deməyindən belə çıxırdı ki, xəbəri yoxdur.
A) 1, 4
B) 1, 3
C) 3, 4
D) 1, 2
E) 2, 4
Felin aşağıdakı növlərindən birində iş görən qrammatik cəhətdən məlum olmur:
A) qarşılıq-birgəlik
B) icbar
C) qayıdış
D) məchul
E) məlum
Bədii üslubda müəllifin dilində (təhkiyədə) yol verilmir:
A) dialektizmlə, vulqar və loru sözlərlə, valvarizmlə
B) sinonim, omonim və antonimlərdən istifadəyə
C) obrazlıq və emosionallıq yaradan ifadələrə
D) bədii təsvir və ifadə vasitələrinə
E) məcaziliyə, çoxmənanılığa
Birinci növ təyini söz birləşmələrinin asılı tərəfi, əsasən, cümlənin hansı üzvü olur?
A) zərflik
B) xəbər
C) mübtəda
D) tamamlıq
E) təyin
"Ürəyindən keçir ki, böyüyəndə zabit olsun" tabeli mürəkkəb cümlənin növünü göstərin:
A) tamamlıq budaq cümləsi
B) məqsəd budaq cümləsi
C) mübtəda budaq cümləsi
D) xəbər budaq cümləsi
E) səbəb budaq cümləsi
"Seçki" sözünün fonetik təhlilindəki səhv hansı sıradadır?
A) İki hecalıdır, vurğu sonuncu hecaya düşür.
B) [i]-incə, qapalı, dodaqlanmayan saitdir.
C) Beş hərf, beş səsdən ibarətdir.
D) [e]-incə, açıq, dodaqlanmayan saitdir.
E) Samitlərin hər üçü kardır.
Elə,məhz,əsl, ədatlarının mənaca növünü göstərin:
A) Dəqiqləşdirici
B) Əmr
C) Sual
D) Qüvvətləndirici
E) Məhdudlaşdırıcı
Təyinin feli sifət tərkibi ilə ifadə olunduğu cümləni göstərin.
A) Keçilməz dağ kimi kəsdik yolunu.
B) İşin düşər-düşməzi olar.
C) Məmməd deyəcəyi mətləbi çox uzadırdı.
D) Çox oxuyan adam məlumatlı olar.
E) Bal tutan barmaq yalar.
Yoxlamadan sonra nəticə burada göstəriləcək
Top