Əsas səhifə Testlər TQDK inkişaf dinamikası 1998 Azərbaycan dili - II, V, VII qruplar, Variant B

Tapılan ümumi test sayı : 29

Ahəng qanununun Azərbaycan dilinin quruluşunda yeri:
A) Morfoloji hadisədir.
B) Sırf fonetik hadisədir.
C) Morfonoloji hadisədir.
D) Sintaktik hadisədir.
E) Söz yaradıcılığı hadisəsidir.
Nizaminin "Xosrov və Şirin" poemasında hansı obrazın təsvirinə daha çox yer verilmişdir?
A) Xosrovun
B) Hörmüzün
C) Məhinbanunun
D) Şirinin
E) Fərhadın
S.Ə.Şirvaninin hansı janrda yazdığı şerləri daha məşhurdur.
A) məsnəvi
B) rübai
C) müxəmməs
D) qəzəl
E) qəsidə
Qızılgül olmayaydı,
Saralıb solmayaydı,
Bir ayrılıq, bir ölüm
Heç biri olmayaydı.
Nümunə haqqındakı fikirlərdən hansı səhvdir?
A) Bayatıdır.
B) Hər misrası yeddi hecadan ibarətdir.
C) Əsas fikir son iki misrada verilib.
D) Şifahi xalq ədəbiyyatının lirik növünə daxildir:
E) Qafiyələri cinas sözlər üzərində qurulub.
Bu misralar C.Cabbarlının hansı şerindən götürülmüşdür?
Cahanda yox elə bir qüvvə baş əyim ona mən,
Fəqət nə güclü, zəif bir vücud var, yahu
Ki, hazıram yıxılıb xakı-payinə hər gün,
Öpüm ayağını icz ilə, kimdir o?
Nədir o?...
A) "Ana"
B) "Bahar"
C) "Üstünə"
D) "Qürub çağı bir yetim"
E) "Məhkum Şərqə"
Azərbaycan ədəbiyyatında povest janrının ilk nümunəsi:
A) "İbrahim bəyin səyahətnaməsi"
B) "Kitabi-Əsgəriyyə"
C) "Aldanmış kəvakib"
D) "Rəşid bəy və Səadət xanım"
E) "Şikayətnamə"
Oğlanlar sözünün fonetik təhlilində səhvə yol verilib:
A) 8 səsdən ([o], [ğ], [l], [a], [n], [n], [a], [r]) və 8 hərfdən (o,ğe, el, a, en, el, a, er) ibarətdir.
B) [o]-qalın, dodaqlanan, açıq; [a]-qalın, dodaqlanmayan, açıq saitdir.
C) [ğ] səsinin kar qarşılığı [q] səsidir, [l], [n], [r] samitlərinin isə kar qarşılığı yoxdur.
D) üç hecalıdır (oğ-lan-lar) və vurğu III hecaya düşür.
E) [ğ], [l], [n], [r] səsləri cingiltili samitlərdir.
N.Nərimanovun "Nadir şah" əsərində Nadirin göstərdiyi rəşadət nə üçün Şah Təhmas sarayında layiqincə qiymətləndirilmişdi?
A) Şah Təhmas sarayı Nadirin qələbələrindən xəbərsiz idi.
B) Sarayda daxili çəkişmələr olduğundan şahın Nadirin qələbələrini qiymətləndirməyə vaxtı yox idi.
C) Nadir elə bilirdi ki, onun böyük qələbələrindən şah onsuz da xəbər tutur, buna görə məktub göndərməyi vacib hesab etmirdi.
D) Şah Təhmas Nadirdən ehtiyat etdiyinə görə onun qəhrəmanlığını kiçiltməyə çalışırdı.
E) Heydər xan paxıllıq ucbatından döyüşdən göndərdiyi qələbə soraqlı məktublarını şaha çatdırmırdı.
"Koroğlu" dastanında xalq içərisindən çıxmış, öz fərasəti, çətin vəziyyətlərdən çıxmaq bacarığı ilə seçilən, həm mənfi, həm də bəzi müsbət cəhətləri ilə verilən obraz:
A) Aşıq Cünun
B) Eyvaz
C) Bəlli Əhməd
D) Dəmirçioğlu
E) Həmzə
"Kitabi-Dədə Qorqud" dastanlarından götürülən
"Qarla yağış yağanda ər kimi duran"
nümunəsində hansı məcaz növü işlənmişdir?
A) metonimiya
B) təşbeh
C) metafora
D) bədii sual
E) təzad
O, adamlardan rüşvət qoparmağa bir "mədəniyyət" statusu vermişdir. Bu barədə onun xüsusi fəlsəfəsi var. Həmin fəlsəfəyə görə, hədiyyə rüşvət deyil, humanizmdir." Bu cəhətlər İ.Əfəndiyevin "Qəribə oğlan" komediyasında hansı surətə aid edilə bilər?
A) Dadaşa
B) Əhmədcana
C) Ümidə
D) Məlahətə
E) Barsuka
"Dastani-Əhnəd Hərami" əsəri ilə bağlı fikirlər hansıdır?
1. Həyatın mənfilikləri, insan təbiətində olan pis sifətlər tənqid olunur.
2. Ana dilimizdə yazılan ilk məsnəvidir.
3. Əhməd Hərami ilə Güləndamın məhəbbət macərasından bəhs olunur.
4. Əsərdə göstərilir ki, Güləfrux Güləndamı ölümdən qurtarır və Şiraz şəhərinə gətirir.
5. Həcəz bəhrində yazılmış anadilli epik şer nümunəsidir.
A) 1, 2
B) 3, 4
C) 1, 3
D) 2, 5
E) 3, 5
Mürəkkəb söz hansıdır?
A) Bakı Dövlət Universiteti
B) Qız qalası
C) Həsənzadə
D) 28 may
E) ağacdələn
Sözlərdən biri sifət deyil:
A) qırıq
B) çürük
C) uçuq
D) batıq
E) bilik
Toplu isimləri göstərin:
    1         2            3           4        5      6      7         8        9
çiçək, camaat, yoldaşlıq, naxır, təpə, göl, millət, torpaq, kol
A) 2, 4, 7
B) 1, 5, 7
C) 2, 5, 6, 8
D) 1, 3, 7, 9
E) 2, 3, 4, 5
Cərgələrdən birində yalnız dilçilik elminə aid terminlər verilmişdir:
A) üslub, morfologiya, idarə, söz
B) leksika, morfem, sintaktsis, fonetika
C) sifət, orfoepiya, qoşma, uzlaşma
D) xəbər, forma, ədat, nitq mədəniyyəti
E) təyin, fel, nida, funksiya
"Böyük otaq" və "böyük vəzifə" birləşmələrindəki "böyük" sözü leksik səciyyəsinə görə nədir?
A) omonim
B) sinonim
C) təkmənalı söz
D) antonim
E) çoxmənalı söz
Hansı cərgədəki qoşasamitli sözlərin yazılışı ilə tələffüzüfərqlənmir?
A) rəssam, güllə, qüvvə
B) toqqa, doqquz, hətta
C) əlli, mütəkkə, saqqal
D) addım, hoppanmaq, səkkiz
E) ittiham, tappıltı, əlbəttə
"Həyata ən mahir nəqqaşdır qadın,
Qara daşlara da o zinət verir.
Anadır, bacıdır, yoldaşdır qadın,
Hər ömrə nur verir, hərarət verir"
nümunəsində neçə ismi xəbər işlənmişdir?
A) 3
B) 1
C) 4
D) 5
E) 2
"Salam, xanım! Xoş gördük! Gün aydın! Axşamınız xeyir!" sözləri nitq etiketlərinin hansı növünə aiddir?
A) görüşmə
B) ayrılma
C) alqış
D) təbrik
E) müraciət
Yoxlamadan sonra nəticə burada göstəriləcək
Top