Əsas səhifə Testlər TQDK inkişaf dinamikası 1998 Azərbaycan dili - II, V, VII qruplar, Variant B

Tapılan ümumi test sayı : 29

"Ax, bu uşaqlar necə bədzatdırlar,
Lap, deyəsən, cin kimi bir zatdırlar"
nümunəsində köməkçi nitq hissələrindən hansılar işlənmişdir?
A) qoşma, modal söz
B) qoşma, bağlayıcı, ədat
C) ədat, modal söz, qoşma
D) bağlayıcı, ədat, modal söz
E) qoşma, ədat
"İbrahim xan Xəzinə qayasının üstündə qürurla dayanmışdı" cümləsində Xəzinə sözünün qrammatik şərhi ilə bağlı fikirlərdən biri səhvdir:
A) qayasının üstündə sözləri ilə birlikdə cümlənin yer zərfliyidir
B) Adlıq haldadır.
C) Quruluşuna görə sadə isimdir.
D) Xüsusi isimdir.
E) Tək və konkret isimdir.
Hansı sözün tələffüzü düzgün göstərilməmişdir?
A) [inşa:t]
B) [sönməx]
C) [annamaq]
D) [sürtgü]
E) [söyüt]
Hansı lüğətə izahlı lüğət deyilir?
A) sözün düzgün tələffüzünü əks etdirən lüğətə
B) sözün qrammatik mənalarını izah edən lüğətə
C)  düzgün yazı qaydalarını izah edən lüğətə
D) sözlərin leksik mənalarını izah edən lüğətə
E) sözlərin mənşəyini izah edən lüğətə
Cüttərkibli cümlələri müəyyənləşdirin:
1. Tarixdə qalacaq ömür yaşadım.
2. Nə gözəl havadır?!
3. Vurğunun şerlərini çox sevirəm.
4. Adama çox söz deyərlər.
5. Belə işdə gərək heç kimə ümid olmayasan.
A) 2, 3
B) 3, 5
C) 1, 2
D) 1, 3
E) 1, 4
Göstərilənlərdən yalnız birində uzlaşma əlaqəsi var:
A) Kitabları qaytardıq.
B) Xeyirxahlıq savabdır.
C) rütubətli hava
D) Ucadan danışmayın.
E) İndicə gedirik.
Hansı cərgədəki sinonimlər həmişə bir-birini əvəz edə bilir?
A) dava, müharibə
B) yoxlamaq, sınamaq
C) eynək, çeşmək
D) ürək, könül
E) gözəl, göyçək
Cümlələrdən hansında -mış4 şəkilçisi feli sifət şəkilçisidir?
A) Mən atamı ötmüşəm, məni ötür övladım.
Bu, belə də olmalı, axı dünya fırlanır.
B) Elin biçilməmiş taxılı zəmində qaldı.
C) Əsgərin ayağından axan qan yanında göllənmişdi.
D) Aygün orta məktəbi əla qiymətlərlə bitirmişdi.
E) Kiminsə əzabı, fəlakətiymiş
Səadət quşunun yemi, sən demə.
"Çatışmazlıqların əsas səbəbi bu idi ki, kişilər can-dildən işləmir, bütün ağırlıq qadınların üzərinə düşürdü" tabeli mürəkkəb cümləsinin növünü müəyyən edin:
A) təyin budaq cümləsi
B) tamamlıq budaq cümləsi
C) xəbər budaq cümləsi
D) tərzi-hərəkət budaq cümləsi
E) mübtəda budaq cümləsi
Yoxlamadan sonra nəticə burada göstəriləcək
Top