Əsas səhifə Testlər TQDK inkişaf dinamikası 1998 Azərbaycan dili - III qrup, Variant A

Tapılan ümumi test sayı : 26

Sözlərdən birində səslərin sayı hərflərin sayından azdır:
A) minnət
B) suverenlik
C) addım
D) sərbəstlik
E) müstəqillik
Hansı sözlərdə -dan2 leksik şəkilçidir?
1. qəsdən
2. ucadan
3. çoxdan
4. hərdən
5. əzəldən
6. yorulmadan
7. hamıdan
A) 2, 3, 4
B) 1, 2, 5
C) 3, 4, 5, 6
D) 1, 2, 6, 7
E) 4, 6, 7
"Heca vəzninin işlənmə tarixi daha qədimdir. Azərbaycan dilinin fonetik təhlilinə uyğun yaranan heca vəzni ədəbiyyatşünaslıqda milli şer ölçüsü hesab edilir."
Yuxarıdakı mətn hansı üsluba aiddir?
A) məişət
B) rəsmi-işgüzar
C) bədii
D) elmi
E) publisistik
M.Ə.Sabir aşağıdakı şerlərindən birində İran Milli Məclisinin acınacaqlı taleyini türk zəhmətkeşlərinə xatırladırdı:
A) "Ruhum"
B) "Yatmayın, allahı sevərsiz!"
C) "Səbr eylə"
D) "Aldanmaram"
E) "Ürəfa marşı"
Verilmiş nümunədə hansı bədii təsvir vasitəsindən istifadə edilmişdir?
Yalqızlıq içində sıxılır ürək,
Atını dördnala çapdırır külək.
A) təzad
B) epitet
C) təşbeh
D) metafora
E) metonimiya
R.Rzanın "...İtkisi əhəmiyyətsizdir" şerinin lirik qəhrəmanını narahat edən nə idi?
A) milli mədəniyyət abidələrinin baxımsız vəziyyətə düşməsi
B) atom sınağının fəlakətləri və buna laqeyd münasibət
C) repressiya qurbanlarının acı taleyi
D) canlı təbiətə qəsd
E) qanlı müharibələr və ölüm düşərgələri
XIX əsrin əvvəllərində yaranan Azərbaycan poeziyası haqqında hansı fikir səhvdir?
A) Bu dövrdə poeziyada yeni bir ədəbi cərəyan - satira meydana gəlir.
B) Poeziyanın aparıcı xətti lirika idi.
C) Əsərin əvvəllərində poeziya ədəbiyyatda başlıca yer tuturdu.
D) Bu dövrün poeziyasında epik və epik-lirik janrlara təsadüf olunmur.
E) Şairlərin çoxunun yaradıcılığında sufizm dünyagörüşü geniş yer tutmurdu.
XIII əsrə qədərki saray ədəbiyyatı ilə bağlı fikirlərdən biri səhvdir:
A) Bu ədəbiyyat, əsasən, fars dilində yaranırdı.
B) Saraylarla bağlı olduğu üçün bülə adlanır.
C) Qəsidə yazmaq ənənəsi daha çox yayılmışdı.
D) XII əsrin ədəbi qüvvələri daha çox Şirvanşahlar sarayında toplaşmışdı.
E) Yalnız hökümdarların tərifi ilə məhdudlaşırdı.
Hansı sənətkarlar Ş.İ.Xətayinin həyatından bəhs edən roman yazmışlar?
1. M.İbrahimov             2. Ə.Cəfərzadə
3. Ə.Nicat                     4. İ.Hüseynov
5. F.Kərimzadə
A) 3, 4, 5
B) 2, 3, 5
C) 2, 3, 4
D) 1, 4, 5
E) 1, 2, 3
Boynunu mən yağlaram,
Yaman gözü dağlaram.
Tez çək, maral öküzüm,
Geri qalsan ağlaram.
Şerin janrını və misradaxili bölgüsünü müəyyənləşdirin.
A) Sayaçı sözüdür, 3-4 bölgüsündədir.
B) Bayatıdır, 3-4 bölgüsündədir.
C) Holavardır, 4-3 bölgüsündədir.
D) Sayaçı sözüdür, 4-3 bölgüsündədir.
E) Holavardır, 3-4 bölgüsündədir.
Faciə yazmış sənətkarlar hansılardır?
1. N.Vəzirov
2. M.F.Axundzadə
3. N.Nərimanov
4. İ.Əfəndiyev
5. H.Cavid
A) 2, 3, 5
B) 3, 4, 5
C) 1, 4, 5
D) 2, 3, 4
E) 1, 3, 5
Y.V.Çəmənzəminlinin mühacirətdən qayıtdıqdan sonra çap olunmuş ilk kitabı:
A) "Studentlər"
B) "Keçmiş səhifələr"
C) "Qan içində"
D) "Qızlar bulağı"
E) "Azərbaycan ədəbiyyatına bir nəzər"
O, bu əvəzliklərinin hansından sonra durğu işarələri düzgün qoyulmamışdır?
1. Bu, ömür kitabımdır.
2. O, yerlərin meşələri çox səfalıdır.
3. Hələ o, günləri xeyli xatırlayacaqsan.
4. Demə, o, dostumdur, bu, düşmənimdir.
5. Bu, müəllim V kursda mühazirə oxuyacaqdır.
A) 1, 3
B) 1, 2, 3
C) 2, 3, 5
D) 3, 4, 5
E) 2, 3, 4
Xəbər budaq cümləli tabeli mürəkkəb cümləni göstərin:
A) Yaxşı yadımdadır ki, biz ilk dəfə qatarda tanış olmuşduq.
B) İgid odur ki, dərdli gündə özünü itirməsin.
C) Rica edirəm, içəri buyurasınız.
D) O yerdə ki, təmizlik var, orada xəstəlik olmaz.
E) Motor birdən elə guruldadı ki, qulaqlarımız tutuldu.
"Elan" sözünün leksik təhlili ilə bağlı fikirlərdən biri yanlışdır:
A) Sinonimi "bildiriş" sözüdür.
B) Antonimi yoxdur.
C) Alınma sözdür.
D) Ümumişlək sözdür.
E) Çoxmənalı sözdür.
Dialoji nitq hansı üslubda daha çox işlənir?
A) bədii və elmi
B) rəsmi-işgüzar üslubda
C) publisistik üslubda
D) elmi və publisistik üslubda
E) məişət üslubunda
Tərkibində yalnız qapalı saitlər işlənmiş, ahəng qanununa tabe olmayan əsl Azərbaycan sözlərini göstərin:
1. ilan               2. vücud             3. işıq
4. şüur             5. vacib               6. ildırım
A) 1, 6
B) 4, 5
C) 1, 2
D) 2, 5
E) 3, 6
"Canını oda yaxmaq" frazeoloji birləşməsinin sinonimi:
A) gözünün odunu almaq
B) mınəm-mənəm demək
C) burnunun ucu göynəmək
D) canına yağ kimi yayılmaq
E) dəridən-qabıqdan çıxmaq
Feli sifətin hansı əlaməti feli bağlamaya aid edilə bilməz?
A) təsirli və təsirsiz ola bilməsi
B) xəbərlik şəkilçisini qəbul etməsi və ismi xəbər olması
C) ətrafına söz toplaya bilməsi
D) felin müxtəlif məna növlərində ola bilməsi
E) təsdiq və inkarda ola bilməsi
"Belələrinə çox təsadüf edilir" cümləsindəki felin morfoloji təhlilində səhv harada buraxılmışdır?
A) III şəxsin təkindədir.
B) Xəbər şəklindədir.
C) İndiki zamandadır.
D) Məchul növdədir.
E) Tərkibi feldir.
Yoxlamadan sonra nəticə burada göstəriləcək
Top