Əsas səhifə Testlər TQDK inkişaf dinamikası 1999 Azərbaycan dili - VI, VII, VIII qruplar, Variant B

Tapılan ümumi test sayı : 28

M.P.Vaqif və Q.Zakir yaradıcılığı üçün ortaq cəhətlər:
1. Həm lirik, həm də epik əsərlərin yazılması
2. İctimai motivli satirik şerlərin yazılması
3. Həm əruz, həm də heca vəznində şerlərin yazılması
4. Məhəbbətin və real gözəlliyin tərənnümü
5. Həm nəzmlə, həm də nəsrlə əsərlərin yazılması
A) 3, 4
B) 4, 5
C) 1, 3
D) 1, 2, 4
E) 2, 4, 5
"Yerdən ayağını quş kimi üzüb,
Yay kimi dartılıb, ox kimi süzüb,
Yenə öz sürünü nizamla düzüb,
Baş alıb gedirsən hayana, ceyran?"
Misralarında hansı bədii təsvir vasitəsindən istifadə edilmişdir.
A) mübaliğə
B) epitet
C) metafora
D) metonimiya
E) təşbeh
"Füyuzat" jurnalının redaktoru:
A) Məhəmməd Hadi
B) Əli bəy Hüseynzdə
C) Əhməd bəy Ağaoğlu
D) Həsən bəy Zərdabi
E) Ömər Faiq Nemanzadə
"Kitabi-Dədə Qorqud" dastanından götürülmüş aşağıdakı parçada hansı obrazdan bəhs olunur?
"Oğuzun ol kişi tamam bilicisiydi. Nə dersə olardı, qayibdən dürlü xəbər söylərdi ... oğuz qövmünün müşkülünü həll edirdi. Hər nə olsa ... danışmayınca işləməzlərdi. Hər nə ki buyursa, qəbul edərlərdi. Sözün tutub tamam edərlərdi."
A) Beyrək
B) Dirsə xan
C) Qazan xan
D) Dədə Qorqud
E) Bayandır xan
Bəndlə bağlı verilən izahlardan biri doğru deyil:
Darğınam mən belə baxta,
Ürəyim qan laxta-laxta,
Bax ki, kimlər çıxdı taxta,
Küsdü kimin baxtı, bağlar?
A) Heca vəznindədir.
B) Xalqın naləsi, qəsbkara nifrəti öz əksini tapmışdır.
C) Janrına görə qoşmadır.
D) Saranın dilindən verilmişdir.
E) Ə.Cavadın "Səsli qız" poemasındandır.
Məsnəvi formasında yazılmış bu əsərin mərkəzində Tülkü surəti dayanır:
A) S.Ə.Şirvani. "Aslan və iki öküz"
B) M.B.Xalxali. "Sələbiyyə"
C) B.Şirvani. "Töhfətül-əhbab"
D) A.Bakıxanov. "Mişkatül-ənvar"
E) M.Füzuli. "Söhbətül-əsmar"
Lirik növün janrları hansı sıradadır?
A) təmsil, nağıl, təcnis
B) qəsidə, roman, poema
C) qoşma, rübai, gəraylı
D) hekayə, təmsil, qəzəl
E) poema, povest, əfsanə
XI əsrdə yaşamış bu sənətkarın lirik şerlər "Divan"ı və "Ət-təfasir" adlı farsca lüğəti vardır:
A) Məhsəti Gəncəvi
B) Əfzələddin Xaqani
C) Mücirəddin Beyləqani
D) İzzəddin Şirvani
E) Qətran Təbrizi
Epik əsər yazmış sənətkarları göstərin.
I. Qazi Bürhanəddin
II. Arif Ərdəbili
III. İmadəddin Nəsimi
IV. Şah İsmayıl Xətai
A) II, IV
B) I, II
C) I, III
D) III, IV
E) II, III
M.Hüseynin  "Yeraltı çaylar dənizə axır" romanındakı Səmirə Aydın surəti ilə bağlı fikirlərdən biri səhvdir:
A) Həssas, iradəli və cəsarətli bir qadındır.
B) Müdhət haqqında qara xəbər aldıqdan özünü öldürmək istəyir.
C) Ailəsinə, ocağına sadiq bir qadındır.
D) Xəstəxanada Kamranla tanış olur və sonra ona ərə gedir.
E) İxtisasca jurnalistdir və başına gələnləri sürgündə ikən qələmə alır.
"Doğru" sözünün qoşma vəzifəsində işləndiyi cümləni göstərin.
A) Könül, doğru yoldan gəl olma kənar.
B) Doğruya zaval yoxdur, çəksələr min divana.
C) Doğru büdrəyər, amma yıxılmaz.
D) Uşaq anasına doğru can atırdı.
E) Doğru söz acı olar, nəticəsi şirin.
Hansı cərgədə altından xətt çəkilmiş sözlərin hər ikisi təsirlik haldadır?
A) Gözünü açanda gördü ki, dostları ətrafında dayanıb.
B) Ayaqları sözünə baxmadı, çamadanı yerə qoydu.
C) Seyran göyərçin gördümü, dayanacaq, gözlərini göyə zilləyib duracaq.
D) Bir azdan avtobus gələcək, uşaqlar yola düşəcək.
E) Şahinin modeli yarışda birinci yeri tutdu.
"Yandırılacaq" sözünün morfoloji təhlilində buraxılmış səhvi göstərin.
A) Düzəltmə feldir, nə edəcəkdir? sualına cavab verir.
B) Yan feli sözün köküdür.
C) -acaq qəti gələcək zaman şəkilçisidir.
D) -dır icbar növün şəkilçisidir.
E) -ıl məchul növün şəkilçisidir.
"Quru odun" və "quru adam" birləşmələrindəki "quru" sözü aşağıdakılardan hansına uyğun gəlir?
A) sinonim
B) çoxmənalı söz
C) təkmənalı söz
D) omonim
E) antonim
Tabe tərəfi düzəltmə sifət olan I növ təyini söz birləşməsini göstərin.
A) çoxlu məsələ
B) ipək köynək
C) həmin tapşırıq
D) təcrübəli bağban
E) şirindil uşaq
"Bu da bir həqiqətdir ki, Azərbaycanın minillik tarixi üzrə ilk araşdırmalar əsas etibarilə əsrimizin ortalarından aparılmağa başlanmışdır" tabeli mürəkkəb cümləsində əvəzlik - qəlib baş cümlədə hansı sintaktik vəzifəni daşıyır?
A) mübtəda
B) təyin
C) tamamlıq
D) xəbər
E) zaman zərfliyi
Hansı fikir səhvdir?
A) Türklərin ilk ən böyük dilçisi XI əsr alimi M.Kaşğaridir.
B) Dilçiliyin dialekt və şivələri öyrənən sahəsi etimologiya adlanır.
C) Dilçilik elmi ictimai hadisə olan dili tədqiq edir.
D) Lüğətçilik dilçiliyin təcrübi sahələrindən biridir.
E) Fonetika, leksikologiya, qrammatika dilçiliyin şöbələridir.
"Biz övladlarımızı körpəlik çağlarından Vətəni sevməyə alışdırmalıyıq" cümləsindəki vasitəli tamamlıq nə ilə ifadə olunmuşdur?
A) məsdərlə
B) məsdər tərkibi ilə
C) isimlə
D) feli sifət tərkibi ilə
E) II növ təyini söz birləşməsi ilə
"Ömrün uzun olsun!", "Canın sağ olsun!", "Bəxtin ağ olsun!" nümunələri nitq etiketlərinin hansı növünə aiddir?
 
A) təbrik
B) görüşmə
C) alqış
D) müraciət
E) ayrılma
Hansı cərgədəki antonim sözlər əsl Azərbaycan sözlərindən ibarətdir?
A) nainsaf-rəhmdil
B) zəif-güclü
C) sülh-müharibə
D) isti-soyuq
E) ələm-nəşə
Yoxlamadan sonra nəticə burada göstəriləcək
Top