Əsas səhifə Testlər TQDK inkişaf dinamikası 2000 Azərbaycan dili - I qrup, Variant A

Tapılan ümumi test sayı : 26

Sözlərdən biri quruluşca sadədir:
A) ailəvi
B) tibbi
C) təbii
D) əxlaqi
E) elmi
"Qoyun sözümü deyim də!" cümləsinin morfoloji təhlilindəki yol verilmiş səhvi göstərin.
A) "deyim" sözü felin əmr şəklindədir.
B) Cümlədə iki ədat işlənmişdir.
C) "deyim" sözündəki "-im" mənsubiyyət şəkilçisidir.
D) "sözümü" - bu sözdə həm mənsubiyyət, həm də hal şəkilçisi işlənib.
E) "qoyun" sözü əmr ədatıdır.
Biz gündəlik nitqimizdə əsasən, hansı sözlərdən istifadə edirik?
A) ümumişlək sözlərdən
B) neologizmlərdən
C) alınma sözlərdən
D) terminlərdən
E) dialekt sözlərdən
Hansı xüsusiyyət sabit söz birləşmələrinə aid edilə bilməz?
A) onların qarşılığını bir sözlə ifadə etmək olmur.
B) leksik vahid sayılır.
C) onları əmələ gətirən sözlər ilkin mənalarından uzaqlaşır;
D) vahid məna bildirir;
E) təhlil zamanı bütöv götürülür.
Onu nahaq yerə gözdən salıblar" cümləsinin növünü müəyyənləşdirin:
A) qeyri-müəyyən şəxsli cümlə
B) ümumi şəxli cümlə
C) adlıq cümlə
D) şəxssiz cümlə
E) cüttərkibli cümlə
"Tüstü" sözünün fonetik təhlilindəki səhvləri göstərin:
1. 5 səs, 5 hərfdən ibarətdir.
2. İkihecalı sözdür, vurğu birinci hecaya düşür.
3. iki incə, dodaqlanan, qapalı sait işlənmişdir.
4. Sözdə üç kar samit səs işlənmişdir.
5. Ahəng qanunu gözlənilmişdir.
A) 1, 2
B) 2, 4
C) 4, 5
D) 2, 3
E) 1, 5
Yoxlamadan sonra nəticə burada göstəriləcək
Top