Əsas səhifə Testlər TQDK inkişaf dinamikası 2000 Azərbaycan dili - IV qrup, Variant A

Tapılan ümumi test sayı : 28

Hansı sıra tamamilə romantizm ədəbi cərəyanının nümayəndələrindən ibarətdir?
A) A.Səhhət, A.Şaiq, M.Möcüz, M.Ə.Sabir
B) H.Cavid, M.Hadi, A.Şaiq, M.Ə.Sabir
C) H.Cavid, M.Hadi, C.Məmmədquluzadə, Ə.Qəmküsar
D) C.Məmmədquluzadə, M.Hadi, Ə.Haqverdiyev, H.Cavid
E) H.Cavid, M.Hadi, A.Səhhət, A.Şaiq
M.Füzulinin "Leyli və Məcnun" poemasının yazılma səbəbi hansı sırada düzgün göstərilmişdir?
A) Qeys və Leyli kimi gənclərin faciəsini açmaq niyyəti
B) Ana dilində bu mövzuda əsər yazmaqla Nizami Gəncəvidən də şöhrətli olmaq arzusu
C) Rum "zəriflərinin" bu barədə xahişi, onların bu mövzuda türk dilində də belə bir əsər görmək arzusu
D) Sultan Süleyman Qanuninin şairdən bu mövzuda ana dilində əsər yazmasını xahiş etməsi
E) Şairin Nizami Gəncəviyə olan böyük məhəbbəti və öz adının onunla qoşa çəkilməsi istəyi
S.Ə.Nəbatinin aşağıdakı şerlərindən birində dünyəvi eşqlə sufi-panteist məhəbbətin tərənnümü qovuşur:
A) "Ey Sənəm"
B) "Yaradıb"
C) "Gəlsin, gəlməsin?"
D) "Gözlərin"
E) "Eşq camından içən kimsənə..."
"Hökmdar! Yerlərə, göylərə bir bax,
Buludlar qaralır matəm tutaraq".   (S.Vurğun)
Nümunədə işlənmiş bədii təsvir vasitəsini göstərin:
A) simvol
B) epitet
C) təşbeh
D) metonimiya
E) metafora
Aşağıdakı şairlərdən birinin lirik şerlərində vətən həsrəti mövzusu əsas yer tutur:
A) M.Müşfiq
B) S.Vurğun
C) H.Cavid
D) Ə.Cavad
E) A.İldırım
Hansı xüsusiyyət nağıl aid edilə bilməz?
A) nəzmlə nəsrin üzvi vəhdət təşkil etməsi
B) xalq müdrikliyinin ifadəsi
C) epiklik
D) hadisələrin təsvirində rəvayət üslubu
E) mövzu və məzmununa görə müxtəliflik
Surətlərdən biri M.F.Axundzadənin "Aldanmış kəvakib" povestindədir:
A) Mirzə Yəhya
B) Hacı Nuru
C) Mirzə Həbib
D) Molla Salman
E) Ağa Mərdan
"Fəqət sevməyirəm mən heç bir kəsi,
Xəyalım bir yerdə qərar tutmayır.
Üzümə dəydikcə övlad nəfəsi,
Ürəyim ilk eşqi heç unutmayır".
S.Vurğunun "Aygün" poemasının qəhrəmanı  bu sözləri kimə yazmışdı?
A) Ülkərə
B) müəllifə
C) Elyara
D) Əmirxana
E) Nemətə
Nizami Gəncəvinin "Xosrov və Şirin" poemasında hansı obraz Xosrovu məzəmmət edir, ona öyüd-nəsihət verərək, şahlıq qürurundan əl çəkməyə çağırır?
A) Hörmüz
B) Məhinbanu
C) Şirin
D) Fərhad
E) Şapur
"Yazıq ... oda salıbdı,
Fələk gözdən salıb, o da salıbdı.
Çeşmə kənarında oda saıbdı,
Cumub sona kimi ay üzə-üzə"
Buraxılmış sözü və şerin janrını göstərin:
A) Xəstə Qasımı, qoşma
B) Ələsgəri, təcnis
C) Sarı aşığı, gəraylı
D) Qurbanini, qoşma
E) Abbası, təcnis
II növ təyini söz birləşmələrindən ibarət olan cərgəni göstərin:
A) Xanın səsi, muğam havası, mənim universitetlərim
B) bizim ellər, "Od gəlini" pyesi, yaxşı oxumaq
C) qartal yuvası, kənd havası, Şəki halvası
D) ellər yaraşığı, sizin tərəflər, onun niyyəti
E) mənim qələmim, Əlinin kitabı, sənin nəğmən
Hansı fikir səhvdir?
A) İşlənmə yerinə görə sifət saya oxşayır.
B) Feldən sifət düzəltmək mümkündür.
C) Sifətin azaltma dərəcəsini əmələ gətirmək üçün "açıq" sözündən də istifadə edilir.
D) Sifət cümlənin xəbəri kimi işlənə bilir.
E) "Xırdaca" sözü azaltma dərəcəsindədir.
Nitq hissəsi və onların dəyişməsi qaydalarını öyrənən dilçilik şöbəsi necə adlanır?
A) morfologiya
B) fonetika
C) leksikologiya
D) sintaksis
E) orfoqrafiya
Aşağıdakılardan biri xəbərin ifadə vasitəsi kimi səhv göstərilmişdir:
A) şəxs əvəzlikləri
B) feli bağlama tərkibləri
C) məsdər tərkibləri
D) felin təsriflənən formaları
E) ismi birləşmələr
İsimlərdən sifət düzəldən -i(-vi) şəkilçisi hansı sözün fonetik tərkibinə təsir göstərmir?
A) inqilab
B) dünya
C) kimya
D) məna
E) xalq
Yazıda tabeli mürəkkəb cümlələrin tərkib hissələrini bir-birindən ayıran durğu işarəsi:
A) vergül
B) dırnaq
C) nida işarəsi
D) tire
E) nöqtəli vergül
İdi hissəciyi felin hansı şəkillərinə artırıla bilmir?
A) lazım, nəqli keçmiş
B) lazım, şərt
C) vacib, arzu
D) əmr, şühudi keçmiş zaman
E) lazım, arzu
Hansı sırada çoxmənalı söz işlənmişdir?
A) uşağın üzü-suyun üzü
B) ayın işığı-may ayı
C) yaş ağac-uşağın yaşı
D) Mil düzü-sözün düzü
E) Kür çayı-şirin çay
"Sizin sənədlərə baxılanda mən orda olmamışam" cümləsindəki altından xətt çəkilmiş sözün morfoloji təhlilində yol verilmiş səhvi göstərin:
A) təsirsizdir
B) məchul növdədir
C) təsdiqdədir
D) quruluşca düzəltmədir
E) feli bağlamadır
Bunlardan biri funksional üslublara daxil edilə bilməz:
A) məişət üslubu
B) publisistik
C) fərdi üslub
D) bədii üslub
E) elmi üslub
Yoxlamadan sonra nəticə burada göstəriləcək
Top