Əsas səhifə Testlər TQDK inkişaf dinamikası 2001 Azərbaycan dili - I qrup, Variant B

Tapılan ümumi test sayı : 24

Epik əsərlərin kiçik formasındadır. Yazılı ədəbiyyat janrıdır. Burada qəhrəmanın həyatının bir-iki səciyyəvi epizodu göstərilir. Epik növün bu janrında personajların da sayı az olur.
Söhbət hansı janrdan gedir?
A) dastan
B) hekayə
C) nağıl
D) povest
E) roman
"Kitabi-Dədə Qorqud" dastanlarında oğuzların faciəsinin səbəbi nə ilə izah olunur?
A) Oğuzların arasında daxili ədavət və ziddiyyətlərin olması ilə
B) Oğuzların əkinçiliklə məşğul olub döyüş ənənələrini unutmaları ilə
C) Düşmən qüvvəsinə etinasızlıqları ilə
D) Düşmənlərin güclü olması ilə
E) Düşmənlərin sayca daha çox olması ilə
C.Məmmədquluzadənin "Anamın kitabı" pyesində vətəni təmsil edən surət:
A) Gülbahar
B) Zəhrəbəyim ana
C) Rüstəm bəy
D) Mirzə Məhəmmədəli
E) Səməd Vahid
Ailə-məişət problemlərini geniş epik lövhələrlə əks etdirən nəzm əsəri:
A) M.Müşfiq. "Yenə o bağ olaydı..."
B) S.Rüstəm. "Ana və poçtalyon"
C) A.İldırım. "Qara dastan"
D) R.Rza. "Qızıl gül olmayaydı..."
E) S.Vurğun. "Aygün"
N.Vəzirovun "Müsibəti-Fəxrəddin" faciəsi ilə bağlı  fikirlərdən biri yanlışdır:
A) Süjeti iki mülkədar ailəsi arasında gedən qan davası üzərində qurulmuşdur.
B) Azərbaycan ədəbiyyatı tarixində ilk faciədir.
C) Əsər Fəxrəddin bəyin monoloqu ilə başlayır.
D) Əsərdə maarifsizliyin, cəhalətin acı nəticələri göstərilir.
E) Müəllif Rüstəm bəy obrazını yaratmaqla qan intiqamına susamış nadan bəylərə ibrət dərsi verir.
"Mirzə Şəfinin nəğmələri" kitabı haqqındakı fikirlərdən hansı səhvdir?
A) Kitab Almaniyada, Rusiyada geniş yayılaraq müxtəlif dillərə tərcümə edilmişdir.
B) Rus yazıçısı L.Tolstoy kitab haqqında yüksək fikir söyləmişdir.
C) Kitab XIX əsrin 50-ci illərində Mirzə Şəfinin öz vətənində çap olunmuşdur.
D) Kitabdakı şerlər Bodenştedtin "Şərqdə min bir gün" kitabında toplanmış şerlər idi.
E) Kitabın naşiri Bodenştedtə məsləhət görmüşdü ki, Mirzə Şəfinin şerlərini kitabdan çıxarıb ayrıca çap etsələr, nəşriyyata böyük şöhrət gətirər.
Bu şairlərdən ikisinin şerlərində sufi fikirlərin təbliği də müəyyən yer tutur:
1. A.Bakıxanov              2. Q.Zakir
3. X.Natəvan                 4. S.Ə.Nəbati
5. M.B.Nadim
A) 1, 4
B) 4, 5
C) 2, 3
D) 1, 3
E) 2, 4
C.Cabbarlı hansı əsərində İran tarixinə aid hadisələri göstərmiş və bu yolla despotizmə qarşı xalq etirazını qələmə almışdır?
A) "Yaşar"
B) "Nəsrəddin şah"
C) "Od gəlini"
D) "Dönüş"
E) "Ulduz"
Məndə Məcnundan füzun aşiqlik istedadı var,
Aşiqi-sadiq mənəm, Məcnunun ancaq adı var - misralarının müəllifi kimdir?
A) Məhəmməd Füzuli
B) Nizami Gəncəvi
C) Şah İsmayıl Xətayi
D) İmadəddin Nəsimi
E) Seyid Əzim Şirvani
Bəhram Gur Nizami Gəncəvinin hansı əsərinin qəhrəmanıdır?
A) "Xosrov və Şirin"
B) "Sirlər xəzinəsi"
C) "Yeddi gözəl"
D) "İsgəndərnamə"
E) "Leyli və Məcnun"
"Çiçək" sözünə hansı şəkilçi qoşulduqda onun vurğusu dəyişmir?
A) -dir
B) -dən
C) -lər
D) -lik
E) -li
Nitqə aid edilən əlamətlərdən biri yanlışdır:
A) Törəmədir.
B) Nitq fəaliyyətənin məhsuludur.
C) Ünsiyyət prosesidir.
D) Dəyişməzdir.
E) Dil əsasında meydana çıxır.
Verilmiş cümlə hansı üslubdadır?
"Nitqin ifadəliliyi dedikdə ən məqsədəuyğun, üslub baxımından ən uğurluolan dil vasitələrini tapıb işlətmək başa düşülür".
A) elmi
B) rəsmi-işgüzar
C) publisistik
D) məişət
E) bədii
Xəbər budaq cümləsini göstərin:
A) Mən bilirəm, sən nə demək istəyirsən.
B) Məsləhətim budur ki, bir də sürünü bu yerlərə gətirmə.
C) Sən nə cür deyirsən, elə də düzəlt.
D) Bu elə kitabdır ki, onu oxumaq olmaz.
E) Payızda meyvənin bol olduğu hamıya məlumdur.
Hansı cümlədə təsdiq bildirən modal söz işlənmişdir?
A) Camaatı, yəqin ki, başqa şey maraqlandırır?
B) "Axtarış" komandası, zənnimcə, qalib gələcək.
C) Deməli, qatarla getməyi təxirə salmısınız.
D) Məncə, hər irəliləyişin və qurtuluşun anası azadlıqdır.
E) Düzü, bu, məndən ötrü gözlənilməzdir.
Antonim sözləri göstərin:
A) adam, insan; uşaq, ata
B) igid, cəsur; qoçaq, qəhrəman
C) göz, qaş; budaq, qol
D) böyük, kiçik; pis, yaxşı
E) gül, ağla; bağça, ağac
Felin keçmiş zamanı hansı şəkilçilərlə düzəlir?
A) -maq2, -malı2
B) -ır2, -mış4
C) -dı4, -ası2
D) -acaq2, -ar2
E) -dı4, -mış4
Hansı söz quruluşca mürəkkəb deyil:
A) qızılgül
B) çiyələk
C) kəklikotu
D) baramaqurdu
E) istiot
Qeyri-müəyyən təsirlik halın sualı hansıdır?
A) nə?
B) nəyin?
C) nəyə?
D) nədə?
E) nəyi?
Dilçiliyin sözlərin mənşəyini öyrənən sahəsi:
A) orfoepiya
B) morfologiya
C) etimologiya
D) leksikologiya
E) fonetika
Yoxlamadan sonra nəticə burada göstəriləcək
Top