Əsas səhifə Testlər TQDK inkişaf dinamikası 2002 Azərbaycan dili - I qrup, Variant A

Tapılan ümumi test sayı : 23

Azərbaycan dramaturgiyasında ilk dəfə olaraq hansı əsərdə mifoloji obrazdan istifadə olunmuşdur?
A) "İblis" (H.avid)
B) "Adı var, özü yox" (N.Vəzirov)
C) "Nadir şah" (N.Nərimanov)
D) "Hekayəti-müsyö Jordan və dərviş Məstəli şah" (M.F.Axundzadə)
E) "Pəri-cadu" (Ə.Haqverdiyev)
Aşağıdakı şairlərdən biri satirik şerlər yazmamışdır:
A) Mirzə Baxış Nadim
B) Seyid Əzim Şirvani
C) Qasım bəy Zakir
D) Seyid Əbülqasim Nəbati
E) Mirzəli Möcüz
Bədii əsərin əvvəlində verilən və bütün əsər üçün ümumi giriş rolunu oynayan hissə necə adlanır?
A) epiloq
B) epiqraf
C) zavyazka
D) ekspozisiya
E) proloq
Verilmiş şer nümunəsində hansı bədii ifadə vasitəsindən istifadə edilmişdir?
Bir də görürsən ki, açılan solur,
Düşünən bir beyin bir torpaq olur,
Bir yandan boşalır, bir yandan dolur,
Sirrini verməyir sirdaşa dünya. (S.Vurğun)
 
A) təzad
B) epifora
C) mübaliğə
D) kinayə
E) litota
N.Gəncəvinin hansı qəhrəmanı xain vəzirini dar ağacından asdırır, əvvəlki əyləncələrindən əl çəkib ölkəni idarə etməklə özü məşğul olur?
A) Hörmüz
B) Bəhram
C) İsgəndər
D) Məhinbanu
E) Xosrov
"Sələbiyyə" əsəri barədə verilən fikirlərdən biri səhvdir:
A) Əsərin mərkəzində Tülkü surəti dayanır.
B) Əsər təmsil janrında, məsnəvi şəklində yazılmışdır.
C) Əsərin müəllifi M.B.Xalxalidir.
D) Mövzusu xalq arasında yayılmış nağıl və hekayətlərdən alınmışdır.
E) Əsərdə yeri gəldikcə klassik şerin qəzəl, qəsidə, müxəmməs, rübai janrlarından da istifadə olunmuşdur.
S.Rəhimov epik növün hansı janrında daha böyük uğur qazanmışdır?
A) hekayə
B) povest, roman
C) hekayə, povest
D) povest
E) roman
Sarı Aşığın həyat və yaradıcılığı ilə bağlı fikirlərdən hansı səhvdir?
A) Gözəlləmə və təcnislər də yazılmışdır.
B) Bayatılarında məhəbbət, dostluq, nəciblik vəsf edilir.
C) Bayatıları ilə məşhurdur.
D) Yaxşı adlı bir gözəli sevmiş, ona şerlər qoşmuşdur.
E) XVIII yüzillikdə yaşamışdır.
M.P.Vaqifin və Aşıq Ələsgərin "Görmədim" əsərləri ilə bağlı fikirlərdən hansı səhvdir?
A) Hər iki əsər ictimai məzmunlu lirikaya daxildir.
B) Hər iki əsərdə cəmiyyətdəki haqsızlığa, ədalətsizliyə etiraz öz əksini tapıb.
C) Hər iki əsərdə lirik qəhrəman ittihamçı mövqeyində dayanır.
D) Vaqifin "Görmədim" şeri müxəmməs, Aşıq Ələsgərin "Görmədim" şeri isə gəraylı janrında yazılmışdır.
E) Vaqifin şeri əruz vəznində, Aşıq Ələsgərin şeri isə heca vəznindədir.
Cərgələrdən birində cingiltili samitlər sırasına iki kar samit əlavə olunmuşdur:
A) v, j, d, z, c, g, y
B) l, m, n, r, g, d, p
C) f, t, s, p, ş, j, z
D) q, ğ, d, j, z, b, k
E) z, j, q, ğ, g, t, s
Azərbaycan dilinin ilk elmi qrammatikasının müəllifi, rus şərqşünaslığının banilərindən biri:
A) B.Çobanzadə
B) M.Kazım bəy
C) M.Kaşğari
D) N.İ.Aşmarin
E) V.V.Radlov
"İndi ki ixtiyar məndədir, mən razı deyiləm"   tabeli mürəkkəb cümləsində budaq cümlənin növünü müəyyənləşdirin.
A) təyin budaq cümləsi
B) qarşılaşdırma budaq cümləsi
C) şərt budaq cümləsi
D) xəbər budaq cümləsi
E) səbəb budaq cümləsi
"Nailiyyət" sözünün fonetik təhlilindəki səhvi göstərin.
A) [i] və [ə] - incə, ddaqlanmayan saitlərdir.
B) [a] - qalın, açıq, dodaqlanmayan saitdir.
C) Deyilişi ilə yazılışı fərqlənir.
D) Vurğu ikinci hecanın üzərinə düşür.
E) Sözdəki samitlərdən biri - [t] kar, qalanları isə cingiltilidir.
"Mimika" termininin izahı hansı cavabda dəqiq göstərilib?
A) Dialekt sözüdür.
B) Düzgün nitqə verilən şərtlərdən biridir.
C) Razılılq bildiren nitq etiketidir.
D) Əl-qol hərəkətlərindən məqsədəuyğun istifadə etməkdir.
E) Üz əzələlərinin mənalı hərəkətidir.
Cümlələrdən birində xitab əlavəli işlənmişdir:
A) Biz, milli ordunun döyüşçüləri, Vətəni qorumağa and içirik.
B) Dünən, mayın 15-də  rəssamların sərgisi açıldı.
C) Günaya - XI sinif şagirdinə mükafat verildi.
D) Gələn Əlidir - bacım oğludur.
E) Çiçəklən, Azərbaycan - doğma Vətən!
"Təsriflənməzdim" sözünün  morfoloji təhlilindəki səhvi göstərin.
A) Təsirlidir, inkardadır.
B) Şühudi keçmiş zamanda, I şəxsin təkindədir.
C) Məlum növdədir.
D) İsimdən düzəlmiş feldir.
E) Xəbər şəklindədir.
"Yavaş-yavaş, sürətlə" sözləri zərfin hansı məna növünə aiddir?
A) zaman
B) səbəb
C) yer
D) tərzi-hərəkət
E) miqdar
Felin hansı qrammatik məna növünün xüsusi şəkilçisi olmur?
A) məlum
B) şəxssiz
C) icbar
D) məchul
E) qayıdış
Sinonim sözlər cərgəsini göstərin.
A) gödək, alçaq, girdə
B) girdə, yumru, balaca
C) girdə, gödək, gövdəli
D) gödək, qısa, alçaq
E) balaca, dolğun, sısqa
"Təki sənin arzuların çin olaydı" cümləsində ədatın hansı növü işlənmişdir?
A) əmr
B) arzu
C) məhdudlaşdırıcı
D) qüvvətləndirici
E) dəqiqləşdirici
Yoxlamadan sonra nəticə burada göstəriləcək
Top