Əsas səhifə Testlər TQDK inkişaf dinamikası 2002 Azərbaycan dili - V qrup, Variant A

Tapılan ümumi test sayı : 21

S.Vurğunun "Vaqif" həyatın sınağından şərəflə çıxa bilməyən, saray intriqalarının qurbanı olan surət:
A) Qacar
B) Xuraman
C) Gülnar
D) Tükəzban
E) İbrahim xan
XIX əsrdə yaşamış bu şair farsca yazdığı şerində özünün daxili ziddiyyətlərini belə verir:
Gah ağıllı, gah divanə oldum,
Gah abad, gah viranə oldum.
...Gah dərviş oldum, gah qələndər,
Gah məst, gah da məstanə oldum.
 
A) Q.Zakir
B) S.Ə.Şirvani
C) M.Ş.Vazeh
D) S.Ə.Nəbati
E) M.B.Nadim
"Dastani-Əhməd Hərami" əsəri ilə bağlı fikirlərdən biri səhvdir:
A) Poema əruzun həzəc bəhrində yazılmışdır.
B) Güləndam surəti "Kitabi-Dədə Qorqud" eposundakı mübariz qadınları yada salır.
C) Şarə, zülmə qarşı mübarizə əsərin əsas ideyasıdır.
D) Əsərdə hadisələr məclislər şəklində təsvir olunur.
E) Poema fars dilindədir.
M.Hadinin "El fəryadı" şeri hansı mövzudadır?
A) qəhrəmanlıq
B) müharibə
C) vicdan və söz azadlığı
D) məhəbbət
E) təbiət gözəlliyinin tərənnümü
Klassik poeziyaya və aşıq ədəbiyyatına aid şerlərin adını hansı prinsip əsasında müəyyənləşdiririk? Daha dolğun cavabı seçin.
A) yalnız rədif əsasında
B) yalnız birinci misra əsasında
C) birinci misranın birinci sözü əsasında
D) rədif və ya birinci misra əsasında
E) sonuncu misra əsasında
H.Cavidin "İblis" əsərində Arifin faciəsinin əsas səbəbi:
A) təbiətindəki çirkin, alçaq ehtirasları boğa bilməməsi
B) cəmiyyətin siyasi sistemindəki çatışmazlıqlar
C) köhnə adət-ənənələr
D) dini mövhumat və fanatizm
E) hakimlərin zülmü, ədalətsizlik
M.Füzulinin aşağıdakı əsərlərindən biri məsnəvi formasında yazılmamışdır:
A) "Söhbətül-əsmar"
B) "Leyli və Məcnun"
C) "Ənisül-qəlb"
D) "Bəngü Badə"
E) "Yeddi cam"
Aşıq Əlsgər yaradıcılığı ilə bağlı fikirlərdən biri yanlışdır?
A) "Görmədim", "Çıxıbdı", "Olmaz" şerləri Aşıq Ələsgərin təbiət mövzulu şerlərinin ən yaxşı nümunələri sayılır.
B) Yaradıcılığının əsas qolunu məhəbbət lirikası təşkil edir.
C) "Gedibdi", "Dönübdü", "Sevdiyim" qoşmaları məhəbbət mövzusundadır.
D) "Dağlar" rədifli 2 qoşması vardır.
E) "Güllü", "Güləndam", "Gülpəri" qoşmalarında gözəlin tərifi əsas yer tutur.
C.Məmmədquluzadənin "Anamın kitabı" əsərində Rüstəm bəyin dilindən verilmiş bu nümunədə bədii dilin hansı elementi özünü göstərir?
"...Smetni statyaları o qədər sokratik edirlər ki, il axırında hesab düz gəlmir..."
A) dialektizm
B) varvarizm
C) vulqarizm
D) arxaizm
E) neologizm
N.Vəzirovun bu əsərlərindən hansılar janrına görə dramdır?
1. "Daldan atılan daş topuğa dəyər"
2. "Nə əkərsən, onu biçərsən"
3. "Yağışdan çıxdıq, yağmura düşdük"
4. "Müsibəti-Fəxrəddin"
5. "Təzə əsrin ibtidası"
A) 1, 2, 4
B) 1, 3, 5
C) 3, 5
D) 2, 5
E) 2, 4
Birinci tərəfi isim olmayan I növ təyini söz birləşmələri cərgəsini göstərin.
A) ağıllı fikir, tunc atlı, köhnə söhbət
B) nurlu baxış, xoş xatirə, daş qəlbli
C) dar keçid, hər şagird, çoxlu kitab
D) isti çörək, yağlı fətir, qızıl saat
E) taxta qaşıq, şirin söhbət, gur şəlalə
"Müfəttiş" sözünün  təhlilindəki səhvi göstərin.
A) [m]-cingiltili samitdir, kar qarşılığı yoxdur.
B) [ş]-kar samitdir, cingiltili qarşılığı [j] samitidir.
C) Sözün deyilişi ilə yazılışı fərqlənmir.
D) 8 hərf, 8 səsdən ibarətdir.
E) Sözdəki sait səslərin üçü də incidir.
Həmcins mübtədalı sadə cümləni göstərin.
A) Nizamilər, Füzulilər bu torpağın qürurudur, fəxridir.
B) O, gözəl, girdəsifət, gənc bir qız idi.
C) Ana həyat verər öz övladına,
  Həm də öz ömründən ömür bağışlar.
D) Hamı gözləyir, amma gələn yoxdur.
E) Sənsən xəlq eyləyən bu yeri, göyü.
"Nəhayət, bu fikirlər onu inqilabi mübarizəyə çəkmişdi" cümləsində nitq hissələri hansı ardıcıllıqla düzülmüşdür?
A) sifət - şəxs əvəzliyi - isim - işarə əvəzliyi - isim - fel
B) isim - şəxs əvəzliyi - zərf - işarə əvəzliyi - say - fel
C) modal söz - işarə əvəzliyi - isim - şəxs əvəzliyi - sifət - isim - fel
D) şəxs əvəzliyi - isim - işarə əvəzliyi - sifət - zərf - fel
E) modal söz - isim - isim - şəxs əvəzliyi - sifət - isim - fel
Bunlardan biri mürəkkəb adlarla daxil edilə bilməz:
A) dövlət təltiflərinin adı
B) respublika bayramlarının adı
C) coğrafi adlar
D) idarə və təşkilat adı
E) mürəkkəb xüsusi isimlər
Üslub nədir?
A) fikrin ifadəsi üçün bilavasitə tələb olunan dil vasitəsinin seçilməsi
B) dilin ifadə imkanlarının genişliyi
C) dildən ünsiyyət vasitəsi kimi istifadə qaydalarının öyrənilməsi
D) dil vasitələrindən məqsədəuyğun istifadə üsulu
E) nitq prosesində dilin fonetik, leksik, qrammatik qayda-qanunlarının gözlənilməsi
Bəndin hansı misralarında fel işlənmişdir?
Çən dağlardan aranlara süründü,
Yaşıl dağlar ağ dumana büründü,
Budaqlarda sarı yarpaq göründü,
Qatarlaşdı qızıl telli durnalar.
 
A) bütün misralarında
B) üçüncü
C) birinci
D) ikinci
E) dördüncü
Şair-şüəra (şairlər), sirr-əsrar, alim-üləma, şer-əşar.
Tək və cəm formalarında verilmiş belə sözlər morfoloji quruluşu baxımından hansı dillərə aiddir?
A) kök (amorf)
B) həm kök, həm flektiv
C) flektiv
D) həm aqqültinativ, həm flektiv
E) aqqültinativ (iltisaqi)
Hansı sözlərdə vurğu son hecaya düşər?
1. Almaniya           2. şlyapa
3. günbəgün          4. fərasət
5. təsadüfən          6. günəbaxan
7. perspektiv         8. kinoparat
A) 1, 2, 3, 5
B) 3, 4, 5, 6
C) 4, 5, 7
D) 6, 7, 8
E) 4, 6, 7, 8
Filologiya elminin bu sahəsi daha çox praktik səciyyə daşıyır və burada bu və ya digər dil faktı, dil hadisəsi yox, üsullar, qayda-qanunlar sistemi öyrənilir:
A) tərcüməşünaslıq
B) nitq mədəniyyəti
C) üslubiyyat
D) qrammatika
E) ədəbiyyatşünaslıq
Yoxlamadan sonra nəticə burada göstəriləcək
Top