Əsas səhifə Testlər TQDK inkişaf dinamikası 1995 Azərbaycan dili - IV qrup, Variant B

Tapılan ümumi test sayı : 27

"Xəmsə"ni və müxəmməsi birləşdirən ümumi cəhət nədir ?
A) Hər ikisi beş rəqəmi ilə bağlıdır
B) Hər ikisi şe`r janrıdır.
C) Hər ikisinə yalnız Nizami yaradıcılığında təsadüf edilir.
D) "Xəmsə" müxəmməs janrında yazılmışdır.
E) Hər ikisi yalnız Azərbaycan ədəbiyyatına xasdır.
S.Vurğun Nizami Gəncəvinin hansı poemasını Azərbaycan dilinə tərcümə etmişdir ?
A) "Xosrov və Şirin"
B) "Leyli və Məcnun"
C) "Yeddi gözəl"
D) "İsgəndərnamə"
E) "Sirlər xəzinəsi"
Verilmiş şe`r parçası əruz vəzninin hansı bəhrindədir:
Millət necə tarac olur olsun, nə işim var ?
Düşmənlərə möhtac olur olsun, nə işim var ? (M.Ə.Sabir)
A) xəfif
B) rəcəz
C) həcəz
D) rəməl
E) səri
Verilmiş şe`r parçasında misralar hansı qayda ilə bölgülərə ayrılmalıdır ?
Yaxşı gündə yarı yoldaş çox olur,
Yaman gündə heç bulunmaz, yox olur.
Yad ellərin tə`nə sözü ox olur,
Bir gün olur "vətən" deyib ağlarsan. (Vidadi)
A) 6+5
B) 4+4+3
C) 5+6
D) 3+4+4
E) 4+3+4
"Ustad dərin, kamal dərin, söz dərin;
Birin boşa, birin boşla, birin sat" - misralarında işlənmiş bədii ifadə vasitəsi hansıdır ?
A) təkrir
B) litota
C) təzad
D) bədii sual
E) mübaliğə
"Məndə sığar iki cahan..." qəzəlində Nəsimi nəyi göstərmək istəmişdir ?
A) insanın böyüklüyünü
B) Eşqin ucalığını
C) ədalətin qələbə çalmasını
D) insan duyğularının saflığını
E) insan elminin gücünü
C.Məmmədquluzadənin "Danabaş kəndinin əhvalatları" əsərindən götürülmüş aşağıdakı parçada nöqtələrin yerinə hansı surətin adı yazılmalıdır ?
"... ortabab, qara və arıq övrətdi. Yaşı olar qırx, bəlkədə bir az artıq. Xudayar bəyə gələn vaxtlarda atası Xudayar bəyin atasından heç bir cəhətdə əskik deyil idi. Amma rüzigar belə gətirdi ki, atası öldü, sonra anası öldü, iki qardaşı öldü, qaldı tək Xudayarın ümidinə. Xudayar bəy də axır vaxtda oldu katda, yə`ni hörməti artdı və övrətinə nisbətən özü oldu ağa, övrəti oldu qaravaş".
A) İzzət
B) Şərəf
C) Ziba
D) Zeynəb
E) Fizzə
On yaşa girəndə bu nadir cavan
Otuz yaşlıları qoyurdu heyran.
Şirlər pəncəsinə pəncə verərdi,
Qılıncla sütunu yerə sərərdi.
Beytlərdə Nizaminin "Xosrov və Şirin" poemasının hansı qəhrəmanı təvsir edilir ?
A) Şirin
B) Xosrov
C) Fərhad
D) Şiruyə
E) Şapur
Yalnız məhəbbət dastanları verilmiş cərgəni göstərin:
A) "Koroğlu", "Aşıq Qərib"
B) "Kİtabi-Dədə Qorqud", Qaçaq Nəbi"
C) "Aşıq Qərib", "Abbas və Gülgəz"
D) "Dastani-Əhməd Hərami", "Koroğlu"
E) "Şah İsmayıl", "Qaçaq Nəbi"
Azərbaycan dilində rübai yazan şair kimdir ?
A) Məhsəti Gəncəvi
B) İmadəddin Nəsimi
C) Əfzələddin Xaqani
D) Nizami Gəncəvi
E) Qətran Təbrizi
Verilmiş tabeli mürəkkəb cümlənin birirnci tərəfi nədir:
Biz sahildən yenicə aralanmışdıq ki, duman çökməyə başladı.
A) yer budaq cümləsi
B) zaman budaq cümləsi
C) baş cümlə
D) səbəb budaq cümləsi
E) mübtəda budaq cümləsi
"Biz hamımız qarşıdakı imtahanlara ciddi hazırlaşırıq" - nümunəsində cümlə üzvlərinin düzümünü göstərin:
A) mübtəda - zərflik - tamamlıq - xəbər
B) mübtəda - tə`yin - tamamlıq - zərflik - xəbər
C) tə`yin - mübtəda - zərflik - xəbər
D) mübtəda - tamamlıq - tə`yin - zərflik - xəbər
E) mübtəda -tamamlıq - tə`yin - xəbər
"Azərbaycan tanımışdır vaxtsız qapı döyənləri" - cümləsində tamamlıq nə ilə ifadə olunmuşdur ?
A)  fe`llə
B) fe`li sifət tərkibi ilə
C) fe`li sifətlə
D) ismi birləşmə ilə
E) sifətlə
Hansı cümlədə fe`li sifətlə ifadə olunmuşdur ?
A) Söz var, gələr keçər, söz var, dələr keçər.
B) Oxuyan bülbüldür, dinləyən qazdır.
C) Sizin sözünüzün kəsəri azdır.
D) Ata nə qədər ciddi və tələbkar olarsa, oğul bir o qədər tərbiyəli və intizmlı olar.
E) Dünyanın hər bir bucağına səpələnən soydaşlarımızın əsas dərdi vətən dərdidir.
Aşağıdakı cümlədə II növ ismi birləşməni (tə`yini söz birləşməsini) göstərin:
Mənim yaxın dostum Faiq də şahmat yarışında iştirak etmək istəyir.
A) dostum Faiq
B) iştirak etmək
C) yaxın dostum
D) mənim dostum
E) şahmat yarışında
Yalnız təqlidi sözlərdən ibarət olan cərgəni göstərin:
A) yumru-yumru, yastı-yastı, miyoltu, xorultu
B) hey, vay, paho, axıntı
C) şırıltı, gurultu, civilti, nərilti
D) mışıltı, sıxıntı, çöküntü, göyümtül
E) zarıltı, tapıntı, çıxıntı, mələmək
Tərkibində zaman zərfi olan cümləni göstərin:
A) Axşam güclü yağış yağdı.
B) Samirə içəri daxil oldu.
C) Ordumuz cəsarətlə irəliləyirdi.
D) İstidən nəfəsi tutulurdu.
E) Firidun cəld ayağa durdu.
Hansı cümlədə məsdər vardır ?
A) Əmək insanı ucaldır.
B) Dadaş qardaşına kömək etdi.
C) Dümək, evi tapmadınız ?
D) Yemək dostundan uzaq ol.
E) Burda çimmək qadağandır.
Cümlələrin hansında nəqli keçmiş zamana aid nümunə yoxdur:
A) İşarət eylədim, dərdimi bildi.
B) Bir qaməti əlif bağrımı dəlib.
C) Neçə şair yola salıb.
D) Gözəl, səndə bir nişanə görmüşəm.
E) İlahim veribdi dərdi bol mana.
Yalnız məchul növdə olan fe`llərin verildiyi cərgəni göstərin:
A) Yedirtmək, gəzdirmək, daşıtmaq.
B) Qucaqlaşmaq, toplaşmaq, oynaşmaq.
C) Yazışmaq, gəzişmək, qaçışmaq
D) Verilmək, atılmaq, yazılmaq.
E) Vurulmaq, yorulmaq, evlənmək.
Yoxlamadan sonra nəticə burada göstəriləcək
Top