Əsas səhifə Testlər TQDK inkişaf dinamikası 1996 Azərbaycan dili - III qrup, Variant B

Tapılan ümumi test sayı : 27

H.Cavidin "İblis" əsərində Arifin faciəsinin əsas səbəbi:
A) köhnə adət-ən`ənələr
B) dini mövhumat və fanatizm
C) cəmiyyətin siyasi sistemindəki çatışmazlıqlar
D) təbiətindəki çirkin, alçaq ehtirasları boğa bilməməsi
E) hakimlərin zülmü, ədalətsizlik
Ailə-məişət problemlərini geniş epik lövhələrlə əks etdirən nəzm əsəri hansıdır?
A) S.Vurğun "Aygün"
B) H.Cavid "Səyavuş"
C) R.Rza "Qızılgül olmayaydı"
D) C.Cabbarlı "Solğun çiçəklər"
E) S.Rüstəm "Ana və poçtalyon"
"Molla Nəsrəddin" jurnalını sevdirən, məşhurlaşdıran səbəblərdən biri səhvdir:
A) Senzura zəif olduğundan hökumət nümayəndələri jurnalın məzmunundan xəbərsiz idilər.
B) Jurnalın ətrafında dövrün ən qüdrətli qələm sahibləri toplaşmışdı.
C) Onun tənqid hədəfi böyük ictimai qüsurlar idi.
D) Jurnal fəaliyyəti müddətində həyat həqiqətinə həmişə sadiq qalmışdır.
E) Müasirlik, aktuallıq jurnalın əsas ruhunu təşkil edirdi.
A. Bakıxanov, İ.Qutqaşınlı, M.Ş.Vazehin yaradıcılığı üçün ortaq cəhət hansıdır?
A) Realist-maarifçi ədəbi cərəyanın nümayəndəsi olmaları
B) Xalq ədəbiyyatından və  aşıq şe`rindən geniş istifadə etmələri
C) Çar hakimlərinin zülmü əleyhinə mübarizə mövzusu
D) Yaradıcılıqlarında romantik üslubda əsərlərə geniş yer verilməsi
E) Klassik üslubda şe`r yazmaları
N.Vəzirovun "Müsibəti Fəxrəddin" əsəri ilə bağlı düzgün fikirləri seçin:
1. Azərbaycan ədbiyyatı tarixində ilk faciədir.
2. Əsərdə Mələk xanım və Şahmar bəy müsbət obraz kimi təsvir olunmuşdur.
3. Müəllif Rüstəm bəy obrazını yaratmaqla qan intiqamına susamış nadan bəylərə ibrət dərsi verir.
4. Sujeti iki mülkədar    ailəsi arasında gedən qan davası üzərində qurulmuşdur.
5. Əsər Fəxrəddin bəyin monoloqu ilə başlayır.
A) 1, 2, 3
B) 2, 3, 4
C) 2, 4, 5
D) 1, 3, 4
E) 1, 4, 5
Füzulinin "Məni candan usandırdı..."
qəzəlindən verilmiş aşağıdakı beyt haqqındakı fikirlərdən hansı səhvdir?
"Şəbi-hicran yanar canım, tökər qan çeşmi-giryanım,
Oyadar xəlqi əfqanım, qara bəxtim oyanmazmı?"
A) Qəzəlin mətlə beytidir.
B) Beytdə bədii sualdan istifadə olunmuşdur.
C) Beytdə aşiq özünü gecələr yanan şama bənzətmişdir.
D) Beytdə daxili qafiyələr vardır.
E) Beytdə mübaliğə işlədilmişdir.
Bu əsərlərdən birində ədaətli hökmdar ideyası əsas yer tutur:
A) Məsihi "Vərqa və Gülşa"
B) Xətai "Dəhnamə"
C) Nizami "Yeddi gözəl"
D) Füzuli "Şikayətnamə"
E) Nizami "Leyli və Məcnun"
"Hey, ana! Ərəbi atlar olan yerdə
Bir qulunu olmazmı olur?
Qızıl dəvələr olan yerdə
Bir köşəyi olmazmı olur?
Ağca qoyunlar olan yerdə
Bir quzusu olmazmı olur?" - sözlərini "Kitabi-Dədə Qorqud" dastanının hansı qəhrəmanı deyir?
A) Salur Qazan
B) Uruz
C) Dəli Dondar
D) Qaragünə oğlu Qarabudaq
E) Qaraca Çoban
Əzizim bağda dara,
Zülfünü bağda dara.
Bülbülü güldən ötrü,
Çəkdilər bağda dara.
Bayatıda daxili bölgünü göstərin:
A) 5-2
B) 3-2-2
C) 4-3
D) 3-4
E) 2-5
Bayatıda hansı bədii ifadə vasitəsi işlədilmişdir?
Mən aşiqəm sal yana,
Dara zülfün, sal yana.
Necəsən bir ah çəkim,
Kür quruya, sal yana.
A) litota
B) epitet
C) mübaliğə
D) metafora
E) bənzətmə
Dəqiqləşdirici xüsusiləşmiş üzvlər hansı cümlələrdə verilmişdir?
1. O, bə`zi vaxtlarda ailəsini, hətta özünü belə unudardı.
2. İcazə ver, bircə piyalə su için, susuzluğumu söndürüm.
3. Hava təmizlənmişdi, Kürün qıjıltısından başqa, heç nə eşidilmirdi.
4. Hamı, o cümlədən ustə Ramazanla Vasilyev də ovqatı təlx dayanmışdılar.
5. Zabit öz sualını inadla təkrar eləyəndə Abuzər bəy cavab verməyə məcbur oldu.
A) 3, 4
B) 2, 5
C) 1, 3
D) 1, 2, 5
E) 1, 4
"Kim ki öyrənməyi ar bilmir, sudan dürr, daşdan gövhər çıxarır" tabeli mürəkkəb cümləsində budaq cümlənin növünü müəyyənləşdirin:
A) şərt budaq cümləsi
B) mübtəda budaq cümləsi
C) tamamlıq budaq cümləsi
D) təyin budaq cümləsi
E) xəbər budaq cümləsi
"Biz zamanlar anam onu - kiçik oğlunu çox əzizləyirdi" cümləsində hansı cümlə üzvünün əlavəsi var?
A) mübtədanın
B) xəbərin
C) tə`yinin
D) tamamlığın
E) zərfliyin
"Xaqaninin yaradıcılığı Azərbaycan ədəbiyyatında yeni bir hadisə kimi qiymətləndirmişdir" cümləsində III növ ismi birləşmə hansı cümlə üzvü rolunda çıxış edir?
A) xəbər
B) tamamlıq
C) mübtəda
D) tə`yin
E) zərflik
Tabesizlik əlaqəsi ilə bağlananlar hansılardır?
A) xəbərlə tamamlıq
B) təyinlə mübtəda
C) həmcins üzvlər
D) mübtəda ilə xəbər
E) xəbərlə zərflik
Hansı cümlədə "düz" sözü "birbaşa" zərfinin sinonimidir?
A) Əhməd dəftərə düz xətt çəkdi.
B) Son zamanlar nəsə işi düz gətirmirdi.
C) Bir düz söylə görək nə hadisə baş verib?
D) Anası düz deyirdi.
E) Bir kəpənək hardansa gəlib, düz çiçəyin üstünə qondu.
"Başqa, qeyri, savayı, özgə" qoşmalarının mə`na növünü göstərin:
A) səbəb-məqsəd
B) məsafə
C) zaman
D) fərqlənmə
E) birgəlik
Zərflə sifətin oxşar əlamətləri kimi verilmiş cəhətlərdən biri yanlışdır:
A) Hər ikisi quruluşca sadə, düzəltmə, mürəkkəb olur.
B) Hər ikisi əsas nitq hissəsidir.
C) Hər ikisi  necə? nə cür? suallarına cavab verir.
D) Hər ikisi həm əşyaya, həm də hərəkətə aid olur.
E) Hər ikisi cümlə üzvü kimi çıxış edir.
Cümlələrin birində birgəlik növdə olan fe`l vardır:
A) Geoloqların tonqalı çoxdan alınmışdı.
B) Biz yazıçılara görüşə getdik.
C) O, Türkiyədəki dostu ilə yazışırdı.
D) Bu, çox maraqlı yarış idi.
E) Bu səhnəni görən tamaşaçılar gülüşdülər.
İsimlə sifətin birləşməsindən düzələn mürəkkəb sifətlərin cərgəsini  göstərin:
A) qaraqaş, şirindilli
B) çoxmərtəbəli, xoşqədəm
C) tünd-mavi, elmi-fantastik
D) dilişirin, qəlbitəmiz
E) ala-yarımçıq, yaşıl-qırmızı
Yoxlamadan sonra nəticə burada göstəriləcək
Top