Əsas səhifə Testlər TQDK inkişaf dinamikası 1996 Azərbaycan dili - VII qrup, Variant A

Tapılan ümumi test sayı : 28

Hansı fikir S.Rəhimovun "Mehman" əsərindəki Murtuz Murtuzov obrazının səciyyəsinə uyğundur?
A) Fağır, kimsəsiz, xeyirxah qoca qılafına girir, nəvazişlə danışır.
B) Mehmana gənc prokuror kimi hörmət bəsləyir.
C) Öz ləyaqətini gözləyir, ədalətsizliyə yol vermir.
D) Mütilik və yaltaqlıq maskası taxır, təlxəklik edir, məqam gəldikdə qəddarlığını biruzə verir.
E) Namuslu hüquq işçisidir.
S.Vurğunun aşağıdakı əsərlərindən biri  müharibə mövzusunda deyil:
A) "Ananın öyüdü"
B) "Şəfqət bacısı"
C) "Qızıl şahinlər"
D) "Mənə belə söylədilər..."
E) "Zəncinin arzuları"
M.Ə.Sabirin Azərbaycanda, Yaxın və Orta Şərq ölkələrində əməlpərvər, qüdrətli  xalq şairi kimi şöhrət qazanmasında hansı mətbuat orqanının xüsusi rolu olmuşdur?
A) "Molla Nəsrəddin"
B) "Həyat"
C) "Füyuzat"
D) "Şərqi-Rus"
E) "Dəbistan"
M.F.Axundovun bizə gəlib çatan nəzm əsərləri içərisində tarix etibarilə ilk yazılanı hansıdır?
A) "Əlifba haqqında mənzumə
B) "Zakirə məktub"
C) "Zəmanədən şikayət"
D) Bu, məlum deyil.
E) "A.S.Puşkinin ölümü haqqında Şərq poeması"
A.Bakıxanov fars dilinin qrammatikasından bəhs edən əsəri:
A) "əsrarül - mələküt"
B) "Təhzibi-əxlaq"
C) "Qanuni-Qüdsi"
D) "Gülüstani-İrəm"
E) "Mişkatül - ənvar"
M.Füzulinin hansı əsərində XVI əsrin feodal-patriarxal münasibətləri, insan təbiətinə, azad məhəbbətə zidd olan adət-ənənələr, qadın hüquqsuzluğu tənqid olunur?
A) "Leyli və Məcnun"
B) "Məni candan usandırdı"
C) "Söz"
D) "Padişahi-mülk"
E) "Şikayətnamə"
Nizami bu fikri hansı obraz haqqında deyir?
İndi o ədalət, o insaf hanı?!
Verə öz oğluna belə cəzanı.
İndi yüz yoxsulun tökülsə qanı,
Nahaq qan tökənə bir cəza hanı?
A) İsgəndər
B) Hörmüz
C) Xosrov
D) Məhinbanu
E) Bəhram
Bədii əsərin sonunda verilən və onun yekunu olan kiçik hissə necə adlanır?
A) epiqraf
B) peyzaj
C) portret
D) epiloq
E) proloq
Remarkadan hansı ədəbi növdə istifadə olunur?
A) epik
B) dramatik
C) epik, dramatik
D) lirik, epik
E) lirik
Epik növün hansı janrında yumor daha güclüdür?
A) lətifə
B) dastan
C) əfsanə
D) atalar sözü
E) nağıl
"Mən bilirəm ki, çəkilən əmək itmir" - cümləsi tabeli mürəkkəb cümlənin hansı növünə aiddir?
A) təyin budaq cümləsi
B) xəbər budaq cümləsi
C) tamamlıq budaq cümləsi
D) mübtəda budaq cümləsi
E) səbəb budaq cümləsi
Verilmiş cümlədə xitab nə ilə ifadə olunmuşdur?
"Möhtərəm dostlar, mən həmişə öz nəğmələrimlə insanları sevindirmişəm"
A) isimlə
B) II növ ismi birləşmə ilə
C) feli sifətlə
D) I növ ismi birləşmə ilə
E) mürəkkəb adla
Cüttərkibli müxtəsər cümlə hansıdır?
A) Bu, Müşkinazın xatirələrindəndir.
B) Cavid mənalı-mənalı gülümsünürdü.
C) Gedənin dalınca danışmazlar.
D) Yüz dəfə ölç, bir dəfə biç.
E) Yıxılana gülməzlər.
Nümunələrdən biri adlıq cümlədir:
A) Yaz günü. Yol üstü. Ağac kölgəsi.
B) El hara, sən də ora.
C) Üç oğlu. İki nəvəsi alimdir.
D) Yeni uğurlar qazanaq.
E) Döyüşçü qorxmaz olmalıdır.
Aşağıdakı nümunədə xəbər nə ilə ifadə olunmuşdur?
Hər irəliləyişin və qurtuluşun anası azadlıqdır.
A) isimlə
B) sifətlə
C) feli sifətlə
D) məsdərlə
E) sayla
Sifətdən düzəlmiş isimlər hansı cərgədədir?
A) birlik, gündəlik, həkimlik
B) dostluq, tanışlıq, qardaşlıq
C) yüzlük, onluq, çoxluq
D) dərzilik, ustalıq, mühəndislik
E) şadlıq, təmizlik, zəiflik
"İndi növbə sizindir" cümləsində "indi" hansı nitq hissəsidir?
A) say
B) sifət
C) zərf
D) isim
E) fel
Verilmiş sözlərdən neçəsi feldən düzələn sifətdir?
tutqun, uçuq, kütləvi, bənövşəyi, böyük, azyaşlı, yoldakı, əzik
A) altı
B) dörd
C) iki
D) üç
E) beş
Qoşmalar ismin hansı hallarında olan sözlərə qoşulur?
A) yönlük, yerlik, çıxışlıq
B) yiyəlik, yönlük, çıxışlıq
C) təsirlik, çıxışlıq, adlıq
D) adlıq, təsirlik, yerlik
E) çıxışlıq, təsirlik, yönlük
Feli bağlama şəkilçiləri hansıdır?
A) -araq2, -ıb4, -anda2, -madan2
B) -acaq4, -maq2, -dan2
C) -dı4, -çı4, -lıq4
D) -sız4, -an2, -ar2
E) -ır4, -dan2, -malı2
Yoxlamadan sonra nəticə burada göstəriləcək
Top