Əsas səhifə Testlər TQDK inkişaf dinamikası 1996 Azərbaycan dili - VIII qrup, Variant B

Tapılan ümumi test sayı : 28

"Nəsrəddin şah", "Dönüş", "Solğun çiçəklər" pyeslərinin müəllifi kimdir?
A) C.Cabbarlı
B) S.S.Axundov
C) İ.Əfəndiyev
D) M.İbrahimov
E) Ə.Haqverdiyev
Aşağıdakı misralar "Aygün" poemasındakı hansı obrazı səciyyələndirir?
O dedi ki: Mən nə dahi, nə qəhrəmanam,
Qoy  bəşərin dərdlərini onlar düşünsün.
Məni adi bir insancıq doğmuşdur anam
Ki, dünyada dövran sürüb, kef çəkim beş gün.
A) Şəfiqəni
B) Aygünü
C) Əmirxanı
D) Elyarı
E) Neməti
Göstərilən xüsusiyyətlərdən yalnız biri "Danabaş kəndinin əhvalatları" əsərindəki Xudayar bəy surətini səciyyələndirir:
A) Xain, ikiüzlü, qəddar adamdır, kimsəsizlərin, gücsüzlərin qənimidir.
B) Məzlumların, yoxsulların qayğısına qalır.
C) Fanatikdir, mövhumatçıdır, harama meyl etmir.
D) Ailəcanlıdır, övladlarını sevir.
E) Dostluqda sədaqətlidir, xəyanətdən uzaq adamdır.
A.Bakıxanovun "Təbriz əhlinə xitab" satirasında tənqid hədəfi kimlərdir?
A) savadsız müəllimlər, din xadimləri
B) xalqı cəhalətdə saxlayan hakimlər
C) xalqın cəhalətinə səbəb olan xanlar və ruhanilər
D) xalqı soyan, talayan mülkədarlar
E) yalançı kimyagər və münəccimlər
M.F.Axundovun ilk dram əsəri:
A) "Hekayəti-Molla İbrahimxəlil kimyagər"
B) "Sərgüzəşti-mərdi-xəsis"
C) "Müsyö Jordon və dərviş Məstəli şah"
D) "Hekayəti-xırs quldurbasan"
E) "Mürafiə vəkillərinin hekayəti"
Cümlələrdən birində ara söz işlədilmişdir:
A) Elə görərdin ki, hey oxuyur, kitabdan ayrılmır.
B) Çox istedadlı uşaqdır, onun gələcəyini görərsən.
C) Bu işləri vaxtında görərsən.
D) Görəsən, Eldarın işi düzəldimi?
E) Bir onun səliqəsini görəsən!
Hansı cümlədə əlavə vardır?
A) R.Rza - ədəbi gəncliyin bu xeyirxah hamisi hamının sevimlisi idi.
B) Nizaminin əsərləri dünya ədəbiyyatı xəzinəsinin nadir incilərindəndir.
C) Ağac barı, insan yaxşılığı ilə qiymətlidir.
D) Qazanc dövlət artırar, insaf şöhrət.
E) Ağac bar gətirəndə başını aşağı dikər.
Nümunələrdən ikisi tabeli mürəkkəb cümlədir:
1. Sarvanın məqsədi bu idi ki, yarışda qalib gəlsin.
2. Gün çıxdı, ağacın şehli yarpaqları parıldadı.
3. Burada mənim dişim-dişimə dəyir, amma Bakıda bürküdən nəfəs almaq olmur.
4. Mən bir sönməz ulduzam ki, daim işıq saçıram.
5. Fasilə başladı və Ədilə ayağa qalxıb zaldan çıxdı.
A) 3, 5
B) 1, 4
C) 4, 5
D) 2, 4
E) 1, 2
Cüttərkibli müxtəsər cümlə hansıdır?
A) Yüz dəfə ölç, bir dəfə biç.
B) Bu, Müşkinazın xatirələrindəndir.
C) Yıxılana gülməzlər.
D) Cavid mənalı-mənalı gülümsünürdü.
E) Gedənin dalınca danışmazlar.
Epik növə daxil olmayan ədəbi janr bunlardan hansıdır?
A) qitə
B) hekayə
C) povest
D) nağıl
E) təmsil
Dövr üçün səciyyəvi olan, yazıçı tərəfindən dərk edilən və bədii əsərə gətirilən həyat hadisələri necə adlanır?
A) ekspozisiya
B) ideya
C) kompozisiya
D) mövzu
E) zavyazka
Məsəllər haqqında fikirlərdən hansı yanlışdır?
A) Atalar sözündən fərqli əsas cəhəti məsəllərdəki fikrin müstəqil işlənə bilməsidir.
B) Məsəllər xalq müdrikliyini ifadə edir, böyük tərbiyəvi əhəmiyyətə malikdir.
C) Məsəllər müəyyən rəvayətlə, hadisə ilə əlaqədar yaranır.
D) Məsəllər yığcamlığı, sadəliyi, məna dərinliyi etibarilə atalar sözlərinə çox yaxındır.
E) Məsəllər atalar sözlərindən bir sıra xüsusiyyətlərinə görə fərqlənir.
Nizaminin hansı qəhrəmanının adı bütün Yaxın Şərq xalqları içərisində qüdrətli sənətkar, mərdlik, həqiqi aşiq rəmzinə çevrilmişdir?
A) Xosrov
B) Fərhad
C) Bəhram şah
D) İsgəndər
E) Şapur
Göstərilən əsərlərdən hansının müəllifi M.V.Vidadidir?
A) "Dəhnamə"
B) "Müsibətnamə"
C) "Görmədim"
D) "Bax"
E) "Şikayətnamə"
Cümlələrdən birində xəbər sifətlə ifadə olunmuşdur:
A) Bu dağlar mülkünün çələngi sənsən!
B) Bu dağların sərin havası gözəldir.
C) Qılınc döyüşündə məharətin var!
D) Eldar hansınızdır?
E) O, xalqın qəlbində yaşayan sənətkardır.
Şəkilçilərdən biri qeyri qəti gələcək zamanın şəkilçisidir:
A) -lar2
B) -ar2
C) -acaq2
D) -ıl4
E) -ır4
Miqdar zərfi olan cümləni göstərin:
A) Sevil bu barədə düşündü.
B) Onlar bazardan xeyli meyvə aldılar.
C) Gecə şiddətli külək əsdi.
D) Az danışsan yaxşı olar.
E) Tək əldən səs çıxmaz.
Təsirli fellərdən ibarət cərgəni göstərin:
A) oturmaq, durmaq, gəlmək
B) yaşamaq, yatmaq, oynamaq
C) yatmaq, gülmək, getmək
D) yazmaq, geymək, güldürmək
E) görüşmək, görünmək, sevinmək
Cümlələrin hansında ədat vardır?
A) Tez gəl, gecikirik.
B) Sevil təkcə gəldi.
C) Qoy sözünü desin.
D) Sən də, Sevda da növbətçisiniz.
E) Arif, kitabı yerinə qoy!
Sifətdən düzəlmiş isimlər hansı cərgədədir?
A) yüzlük, onluq, çoxluq
B) şadlıq, təmizlik, zəiflik
C) dostluq, tanışlıq, qardaşlıq
D) birlik, gündəlik, həkimlik
E) dərzilik, ustalıq, mühəndislik
Yoxlamadan sonra nəticə burada göstəriləcək
Top