Əsas səhifə Testlər TQDK inkişaf dinamikası 1997 Azərbaycan dili - III qrup, Variant A

Tapılan ümumi test sayı : 27

"Kitabi-Dədə Qorqud" dastanlarında "Salur Qazanın evinin yağmalanması" boyu necə başlanır?
A) Salur Qazanın yuxu görməsi ilə
B) Şöklü Məliyin hücumu ilə
C) Dəli domrulun öyünməsi ilə
D) Ov səhnəsinin təsviri ilə
E) Salur qazanın bəylərlə məclis qurmasının təsviri ilə
Bu şer parçası R.Rzanın hansı poemasından götürülmüşdür və burada hansı sənətkardan söhbət gedir?
Dostları çox idi,
bütün yaxşı insanlar kimi.
Ürəyi sadəydi, zəngin idi.
Bahar kimi.
... Şairlərdən biri,
vətəndaşlardan biri,
ən yaxşı adamlarından biri idi.
A) "Qızılgül olmayaydı..." - Müşfiq
B) "Son gecə" - Nəsimi
C) "Füzuli" - Füzuli
D) "Xalq həkimi" - N.Nərimanov
E) "Xalq şairi" - Sabir
M.F.Axundzadənin hansı qəhrəmanını yeni həyat və adətlər barədə düşünən, qabaqcıl Qərb mədəniyyəti ilə maraqlanan gənc kimi səciyyələndirmək olar?
A) Səkinə xanım
B) Şahbaz bəy
C) Yusif Sərrac
D) Hacı Nuru
E) Teymur ağa
Nizaminin "Divani" ilə bağlı fikirlərdən hansı səhvdir?
A) Şairin yazdığına görə, o, öz "Divan"ını Şirvan şahı Axsitana bağışlamışdır.
B) "Divan"dan ancaq ayrı-ayrı qaynaqlara köçürülmüş nümunələr qalıb.
C) "Divan"da ictimai, fəlsəfi, əxlaqi, aşiqanə mövzuda şerlər olduğu göstərilir.
D) Bu "Divan" türkcə yazılmışdır.
E) "Divan"ın iyirmi min beytdən ibarət olduğu təxmin edilir.
M.Hadinin "İnsanların tarixi faciələri" poeması haqqındakı fikirlərdən biri yanlışdır:
A) Əsasən, lirik planda yazılmışdır.
B) Bəşərin təbiətində olan şərin tənqidi əsas yer tutur.
C) Poemanın sonunda şair gələcəyə böyük ümid bəslədiyini bildirir.
D) Müharibə əleyhinə yazılmışdır.
E) Şair poemanı cəbhədə yazmağa başlamış və 1918-1919-cu illərdə Bakıda tamamlamışdır.
Aşağıdakı əsərlərdən birinin müəllifi məlum deyil:
A) "Dastani-Əhməd Hərami"
B) "Mehr və Müştəri"
C) "Nəsihətnamə"
D) "Vərqa və Gülşa"
E) "Rindü Zahid"
Aşıq Ələsgərin bu bənd ilə başlanan şerinin janrını müəyyənləşdirin: 
"Nagah badi-sərsər əsdi üstümə,
Ömür bostanımın tağı kəsildi.
Öz əlimlə xəta dəydi özümə,
Bədəndən qolumun sağı kəsildi.
A) Qoşma
B) Müxəmməs
C) Gəraylı
D)
Təcnis
E) Bayatı
Aşağıdakılardan biri mühacirət ədəbiyyatının nümayəndəsidir:
A) Hüseyn Cavid
B) Əhməd Cavad
C) Məmməd Əmin Rəsulzadə
D) Seyid Hüseyn
E) Mikayıl Müşfiq
Bədii təzad nəyə deyilir?
A) Nitqdə sözlərin qrammatik ardıcıllığının qəsdən pozulmasına
B) Hadisə və əşyanın həddindən artıq kiçildilməsinə
C) Eyni sözün, yaxud söz qrupunun təkrarına
D) Məzmunca bir birinə zidd iki anlayış və ya vəziyyətin qarşılaşdırılmasına
E) Hadisə, əşya, hiss və həyəcanın şişirdilməsinə
"Ağır" və "iti" hansı sırada həqiqi mənada işlənmişdir?
A) ağır daş, iti ülgüc
B) ağır söz, iti göz
C) ağır xasiyyət, iti baxış
D) ağır cəza, iti yaddaş
E) ağır gün, iti söz
"İlə" cümlələrin hansında bağlayıcı kimi işlənmişdir?
A) Onlar öz əlləri ilə əkdikləri bu ağaclara qulluq etməyi sevirlər.
B) Adilin getməyi ilə qayıtmağı bir oldu.
C) İmran kişi indiki vəziyyəti keçən ilki vaxt ilə ürəyində tutuşdurdu.
D) Röstəm kişi otaqdan çıxan kimi Pərşan bir uşaq sevinci ilə Mayanın boynunu qucaqladı.
E) Vüsal öz məktəb yoldaşları ilə çox mehriban dolanır.
Sözlərdən neçəsində vurğu birinci hecaya düşür?
Şölə, oçerk, dünya, çünkü, səhər, lirika
A) 5
B) 4
C) 2
D) 1
E) 3
Alınma sözlərin cərgəsini tapın:
A) dəftər, çanta, dil
B) razı, mətbəə, inqilab
C) maşın, beş, çırpı
D) sakit, qardaş, yazmaq
E) çörək, su, səkkiz
Hansı sözlərin yazılışı səhvdir?
1. Layihə        2. Səyahət       3. Bəyanat     4. Həyacan
5. Məcara       6. Qəraman     7. Füruzə
A) 1, 2, 4, 5
B) 4, 5, 6, 7
C) 3, 5, 6, 7
D) 1, 4, 6, 7
E) 1, 3, 6, 7
Sual cümlələrinin biri sual ədatının köməyi ilə yaranıb:
A) Sənə kimi nişan verdilər?
B) Heç ürəkdən şad olmayan gülərmi?!
C) Nədəndir sözümə cavab verməmək?!
D) Sən bu məsələyə necə baxırsan?
E) Azərbaycan Respublikası neçənci ildə müstəqillik əldə etmişdir?
Söz birləşmələrinin birində isim tabe tərəf kimi işlənib:
A) həyati mənafe
B) bugünkü iş
C) buludlu hava
D) şəhərdəki tanışlarım
E) taxta qapı
Cümlələrdən birinin xəbəri frazeoloji birləşmə ilə ifadə olunmuşdur:
A) Qocalar da burada cavanlaşırlar.
B) Cıdır düzü buradan açıq-aydın görünürdü.
C) Biz qəhrəman əsgərlə cəbhə xəttində tanış olduq.
D) O, özünə təzə çəkmə almışdı.
E) Mürsəl birinci gündən rəqibinin gözünün odunu almışdı.
Ayrı-ayrı elm sahələri üçün səciyyəvi sözləri əhatə edən lüğət növü:
A) omonimlər lüğəti
B) frazeoloji lüğət
C) orfoepiya lüğəti
D) terminoloji lüğət
E) orfoqrafiya lüğəti
Bir cür yazılan şəkilçilərin cərgəsini göstərin:
A) -çı, -lıq, -maq, -ası
B) -lar, -ma, -kı, -dakı
C) -ıl, -ıb, -anda, -araq
D) -ın, -dan, -a, -da
E) -keş, -gər, -gil, -daş
"Ay həzərat, bir zamana gəlibdir,
Ala qarğa şux tərlanı bəyənməz"    nümunəsi tabeli mürəkkəb cümlənin hansı növündədir?
A) tamamlıq budaq cümləsi
B) mübtəda budaq cümləsi
C) zaman budaq cümləsi
D) xəbər budaq cümləsi
E) təyin budaq cümləsi
Yoxlamadan sonra nəticə burada göstəriləcək
Top