Əsas səhifə Testlər TQDK inkişaf dinamikası 1997 Azərbaycan dili - III qrup, Variant A

Tapılan ümumi test sayı : 27

"Kitabi-Dədə Qorqud" dastanlarında "Salur Qazanın evinin yağmalanması" boyu necə başlanır?
A) Dəli domrulun öyünməsi ilə
B) Salur Qazanın yuxu görməsi ilə
C) Şöklü Məliyin hücumu ilə
D) Salur qazanın bəylərlə məclis qurmasının təsviri ilə
E) Ov səhnəsinin təsviri ilə
Bu şer parçası R.Rzanın hansı poemasından götürülmüşdür və burada hansı sənətkardan söhbət gedir?
Dostları çox idi,
bütün yaxşı insanlar kimi.
Ürəyi sadəydi, zəngin idi.
Bahar kimi.
... Şairlərdən biri,
vətəndaşlardan biri,
ən yaxşı adamlarından biri idi.
A) "Xalq həkimi" - N.Nərimanov
B) "Xalq şairi" - Sabir
C) "Füzuli" - Füzuli
D) "Son gecə" - Nəsimi
E) "Qızılgül olmayaydı..." - Müşfiq
M.F.Axundzadənin hansı qəhrəmanını yeni həyat və adətlər barədə düşünən, qabaqcıl Qərb mədəniyyəti ilə maraqlanan gənc kimi səciyyələndirmək olar?
A) Teymur ağa
B) Səkinə xanım
C) Şahbaz bəy
D) Hacı Nuru
E) Yusif Sərrac
Nizaminin "Divani" ilə bağlı fikirlərdən hansı səhvdir?
A) Şairin yazdığına görə, o, öz "Divan"ını Şirvan şahı Axsitana bağışlamışdır.
B) Bu "Divan" türkcə yazılmışdır.
C) "Divan"da ictimai, fəlsəfi, əxlaqi, aşiqanə mövzuda şerlər olduğu göstərilir.
D) "Divan"dan ancaq ayrı-ayrı qaynaqlara köçürülmüş nümunələr qalıb.
E) "Divan"ın iyirmi min beytdən ibarət olduğu təxmin edilir.
M.Hadinin "İnsanların tarixi faciələri" poeması haqqındakı fikirlərdən biri yanlışdır:
A) Poemanın sonunda şair gələcəyə böyük ümid bəslədiyini bildirir.
B) Müharibə əleyhinə yazılmışdır.
C) Əsasən, lirik planda yazılmışdır.
D) Şair poemanı cəbhədə yazmağa başlamış və 1918-1919-cu illərdə Bakıda tamamlamışdır.
E) Bəşərin təbiətində olan şərin tənqidi əsas yer tutur.
Aşağıdakı əsərlərdən birinin müəllifi məlum deyil:
A) "Rindü Zahid"
B) "Nəsihətnamə"
C) "Mehr və Müştəri"
D) "Dastani-Əhməd Hərami"
E) "Vərqa və Gülşa"
Aşıq Ələsgərin bu bənd ilə başlanan şerinin janrını müəyyənləşdirin: 
"Nagah badi-sərsər əsdi üstümə,
Ömür bostanımın tağı kəsildi.
Öz əlimlə xəta dəydi özümə,
Bədəndən qolumun sağı kəsildi.
A)
Təcnis
B) Müxəmməs
C) Bayatı
D) Qoşma
E) Gəraylı
Aşağıdakılardan biri mühacirət ədəbiyyatının nümayəndəsidir:
A) Seyid Hüseyn
B) Məmməd Əmin Rəsulzadə
C) Mikayıl Müşfiq
D) Hüseyn Cavid
E) Əhməd Cavad
Bədii təzad nəyə deyilir?
A) Hadisə və əşyanın həddindən artıq kiçildilməsinə
B) Nitqdə sözlərin qrammatik ardıcıllığının qəsdən pozulmasına
C) Hadisə, əşya, hiss və həyəcanın şişirdilməsinə
D) Eyni sözün, yaxud söz qrupunun təkrarına
E) Məzmunca bir birinə zidd iki anlayış və ya vəziyyətin qarşılaşdırılmasına
"Ağır" və "iti" hansı sırada həqiqi mənada işlənmişdir?
A) ağır gün, iti söz
B) ağır daş, iti ülgüc
C) ağır söz, iti göz
D) ağır cəza, iti yaddaş
E) ağır xasiyyət, iti baxış
"İlə" cümlələrin hansında bağlayıcı kimi işlənmişdir?
A) Onlar öz əlləri ilə əkdikləri bu ağaclara qulluq etməyi sevirlər.
B) Adilin getməyi ilə qayıtmağı bir oldu.
C) Vüsal öz məktəb yoldaşları ilə çox mehriban dolanır.
D) İmran kişi indiki vəziyyəti keçən ilki vaxt ilə ürəyində tutuşdurdu.
E) Röstəm kişi otaqdan çıxan kimi Pərşan bir uşaq sevinci ilə Mayanın boynunu qucaqladı.
Sözlərdən neçəsində vurğu birinci hecaya düşür?
Şölə, oçerk, dünya, çünkü, səhər, lirika
A) 4
B) 2
C) 1
D) 3
E) 5
Alınma sözlərin cərgəsini tapın:
A) dəftər, çanta, dil
B) razı, mətbəə, inqilab
C) sakit, qardaş, yazmaq
D) çörək, su, səkkiz
E) maşın, beş, çırpı
Hansı sözlərin yazılışı səhvdir?
1. Layihə        2. Səyahət       3. Bəyanat     4. Həyacan
5. Məcara       6. Qəraman     7. Füruzə
A) 3, 5, 6, 7
B) 1, 4, 6, 7
C) 1, 2, 4, 5
D) 1, 3, 6, 7
E) 4, 5, 6, 7
Sual cümlələrinin biri sual ədatının köməyi ilə yaranıb:
A) Azərbaycan Respublikası neçənci ildə müstəqillik əldə etmişdir?
B) Heç ürəkdən şad olmayan gülərmi?!
C) Sənə kimi nişan verdilər?
D) Sən bu məsələyə necə baxırsan?
E) Nədəndir sözümə cavab verməmək?!
Söz birləşmələrinin birində isim tabe tərəf kimi işlənib:
A) bugünkü iş
B) buludlu hava
C) həyati mənafe
D) şəhərdəki tanışlarım
E) taxta qapı
Cümlələrdən birinin xəbəri frazeoloji birləşmə ilə ifadə olunmuşdur:
A) Qocalar da burada cavanlaşırlar.
B) Biz qəhrəman əsgərlə cəbhə xəttində tanış olduq.
C) Cıdır düzü buradan açıq-aydın görünürdü.
D) O, özünə təzə çəkmə almışdı.
E) Mürsəl birinci gündən rəqibinin gözünün odunu almışdı.
Ayrı-ayrı elm sahələri üçün səciyyəvi sözləri əhatə edən lüğət növü:
A) omonimlər lüğəti
B) orfoqrafiya lüğəti
C) frazeoloji lüğət
D) orfoepiya lüğəti
E) terminoloji lüğət
Bir cür yazılan şəkilçilərin cərgəsini göstərin:
A) -lar, -ma, -kı, -dakı
B) -çı, -lıq, -maq, -ası
C) -ın, -dan, -a, -da
D) -ıl, -ıb, -anda, -araq
E) -keş, -gər, -gil, -daş
"Ay həzərat, bir zamana gəlibdir,
Ala qarğa şux tərlanı bəyənməz"    nümunəsi tabeli mürəkkəb cümlənin hansı növündədir?
A) tamamlıq budaq cümləsi
B) xəbər budaq cümləsi
C) zaman budaq cümləsi
D) təyin budaq cümləsi
E) mübtəda budaq cümləsi
Yoxlamadan sonra nəticə burada göstəriləcək
Top