Əsas səhifə Testlər TQDK inkişaf dinamikası 2000 Azərbaycan dili - III qrup, Variant A

Tapılan ümumi test sayı : 28

"Təbrizin ətrafı dağdı, meşədi,
İçində oturan bəydi, paşadı,
Səkkiz min məhəllə, beş min guşədi,
Çarşusu, bazarı, yolu Təbrizin."
Şer hansı dastandandır?
A) "Aşıq Qərib"
B) "Abbas və Gülgəz"
C) "Şah İsmayıl"
D) "Əsli və Kərəm"
E) "Tahir və Zöhrə"
Bunlardan biri 1850-1870-ci illərin ədəbi-mədəni hadisələrindən sayıla bilməz:
A) yeni tipli bədii nəsrin əsasının qoyulması
B) dramaturgiyanın yaranması
C) milli mətbuatın yaranması
D) faciə janrının yaranması
E) ədəbi məclislərin çoxalması
Bu tarixi şəxsiyyətlərdən biri "Qan içində" romanında iştirak etmir:
A) İbrahimxəlil xan
B) Nəsrəddin şah
C) Molla Pənah Vaqif
D) Ağa Məhəmməd şah Qacar
E) İkinci İrakli
Mətndə hansı bədii ifadə vasitəsi işlənmişdir?
Sözümü anla mənim, sözümü dinlə, atam Qazan!
Sağına baxdın, qah-qah güldün,
Soluna baxdın, çox sevindin.
Qarşıya baxdın, məni görüb ağladın.
A) bədii təzad
B) litota
C) mübaliğə
D) metafora
E) metonimiya
Bu şairin şerlərinin əsas mövzusu qəhrəmanlıq və igidliyin tərənnümü, nikbinlik və sevinc hisslərinin ifadəsidir:
A) İ.Nəsimi
B) S.Ə.Nəbati
C) M.V.Vidadi
D) S.Ə.Şirvani
E) Q.Bürhanəddin
Nizami Gəncəvinin "Sirlər xəzinəsi" poemasına daxil olan mənzum hekayələrdən hansına "Doğru sözə zaval yoxdur, doğru sözü danmaq, gizlətmək olmaz" qənaətinə gəlinir?
A) "Zalım padşahla Zahidin dastanı"
B) "Süleyman və əkinçi"
C) "Sultan Səncər və qarı"
D) "Kərpickəsən qocanın dastanı"
E) "Nuşirəvan və bayquşların söhbəti"
"Aldanmış kəvakib" povestində vəzir Mirzə Möhsünü , müstövfi Mirzə Yəhyanı, sərdar Zaman   xanı...    danışdırmaqda  M.F.Axundzadənin əsas məqsədi nə idi?
A) Ölkənin müdafiəsinin səriştəsiz, hərbi işdən xəbərsiz adamlara tapşırıldığını göstərmək.
B) Saray adamlarının ölkənin gələcəyi ilə bağlı narahatlığını təsvir etmək.
C) Özünüifşa yolu ilə Şah Abbasın dövlət aparatının gülünclüyünü göstərmək.
D) Dövlət məmurlarının Şah Abbasa hədsiz sədaqətini göstərmək.
E) Dövlət başçılarının ölkənin abadlığına fikir vermədiklərini göstərmək.
"Qız anadan görməyincə öyüd almaz",
"Oğul atadan görməyincə süfrə yaymaz" - 
atalar sözləri hansı şifahi xalq ədəbiyyatı nümunəsində işlədilmişdir?
A) "Kitabi-Dədə Qorqud" dastanı
B) "Məlikməmməd" nağılı
C) "Aşıq Qərib" dastanı
D) "Koroğlu" dastanı
E) "Abbas və Gülgəz" dastanı
Şah İsmayıl Xətai və Məhəmməd Füzuli yaradıcıığı üçün ortaq cəhət:
A) həm nəzmlə, həm də nəsrlə bədii əsərlərin yazılması
B) həm əruz vəznində, həm də heca vəznində şerlərin yazılması
C) hər ikisinin fars dilində də divan yaratması
D) həm lirik, həm də epik əsərlərin yazılması
E) həm elmi, həm də bədii əsərlərin yazılması
M.Ə.Sabir satiralarında ən çox hansı ifşa üsulundan istifadə edilmişdir?
A) birbaşa müəllif tənqidi
B) dialoq və ya məktublaşma yolu ilə ifşa
C) incə yumorlu gülüş
D) satirik monoloq (tipi öz dili ilə danışdırmaq)
E) sözün tərsini demək
Hansı cümlədə "kitab" sözü təsirlik haldadır?
A) Kitabı evdə qalıb.
B) Kitab bilik mənbəyidir.
C) Bu, maraqlı kitabdır.
D) Çox kitab oxumaq insanın məlumatını artırır.
E) Dostum kitab həvəskarıdır.
Cümlələrdən birində feli sifət tərkibi işlənmişdir:
A) Hamı sakitcə dayanıb hörmətli qonağı gözləyirdi.
B) Oxunacaq kitabları ayrıca bir rəfə yığdı.
C) Gördüyümüz iş hamını sevindirdi.
D) Baxmalı sənədlər çoxdur.
E) Öz səadətini başqasının bədbəxtliyi üzərində quranı hamı lənətləyər.
Sözlərdən yalnız biri Azərbaycan dilinin iltisaqiliyi prinsipinə uyğundur:
A) bivəfa
B) sevincli
C) baməzə
D) xəlqi
E) dünyəvi
Feli xəbərli cümləni göstərin:
A) Müşfiq xalqımızın böyük şairidir.
B) Hər tərəf tərtəmiz idi.
C) Görünən yaraşıqlı ev bizimdir.
D) Gələn uşaqların anasıdır.
E) Anam dostumu öz balası kimi sevirdi.
Cümlələrin ikisində ara sözlər işlədilmişdir:
1. Oğlum, el harada, sən də orada.
2. O, bir el vurğunu, el aşiqiydi.
3. Atalar deyiblər: "Haradan incələr, oradan üzülər".
4. Necə deyərlər, niyyətin hara, mənzilin ora.
5. Bəlkə, öz işindən peşmandır, o da.
A) 1, 5
B) 3, 4
C) 2, 3
D) 4, 5
E) 1, 2
"Mən evədək piyada getdim" cümləsində qoşma hansı mənanı bildirir?
A) səbəb-məqsəd
B) zaman
C) istiqamət
D) məsafə
E) fərqləndirmə
"Vəsait" sözünün fonetik təhlili ilə bağlı düzgün fikiləri seçin:
1. yazılışı ilə deyilişi fərqlənir
2. vurğusu ikinci hecaya düşür
3. ahəng qanunu gözlənilib
4. sözdə iki kar samit: [s], [t] və iki cingiltili samit [v], [y] işlənib
5. saitlərin ikisi açıq, biri qapalıdır
A) 1, 2
B) 1, 4, 5
C) 3, 4
D) 1, 3, 5
E) 2, 5
"Qapını döyürlər" əvəinə "qapını vururlar" ifadəsi işlətsək, ədəbi dilin hansı norması  pozulmuş olar?
A) leksik və fonetik
B) qrammatik
C) fonetik
D) qrammatik və fonetik
E) leksik
Mətndəki əvəzlik hansı nitq hissəsinin yerində işlənmişdir?
Kimsə təkbaşına dünyanı udmaz,
Yalqız bir insanın şahlığı tutmaz.
A) zərf
B) sifət
C) say
D) fel
E) isim
Bu əlamətlər hansı üslubda özünü göstərir?
1. xalq danışıq dilinə aid sözlərdən daha çox istifadə
2. diaoloji nitq formasının daha çox işlədilməsi
3. bağlayıcı məzmununun daha çox intonasiya ilə çatdırılması
4. yarımçıq cümlələrin işlədilməsi
5. feli tərkiblərlə müqayisədə tabeli mürəkkəb cümlələrin daha çox işlədilməsi
A) elmi
B) publisistik
C) rəsmi-işgüzar
D) məişət
E) bədii
Yoxlamadan sonra nəticə burada göstəriləcək
Top