Əsas səhifə Testlər TQDK inkişaf dinamikası 2001 Azərbaycan dili - III qrup, Variant A

Tapılan ümumi test sayı : 44

"Qılınc yarası sağalar, ancaq söz yarası sağalmaz"  cümləsinin morfoloji təhlilindəki səhvi göstərin.
A) qılınc - sadə isimdir, adlıq haldadır
B) sağalar - sifətdən düzəlmiş feldir, xəbər şəklinin qeyri-qəti gələcək zamandadır
C) ancaq - qarşılaşdırma bağlayıcısıdır
D) yarası - isimdir, mənsubiyyət şəkilçisi qəbul etmişdir
E) söz - sadə isimdir, yiyəlik hadadır
Nəcəf bəy Vəzirovun "Müsibəti-Fəxrəddin" faciəsindəki Rüstəm bəy surəti haqqındakı fikirlərdən biri yanlışdır:
A) Oğlu Rəşidin intiqamı yolunda hər şeyə razı olur.
B) Öz övladını dərin məhəbbətlə sevən atadır.
C) Qəddar, amansız və intiqamçı bir bəydir.
D) Əsərin sonunda öz əməllərindən peşman olur.
E) Oxumağın, maarifin qəddar düşmənidir.
M.F.Axundzadənin "Aldanmış kəvakib" povestində əks qütblərdə dayanan obrazlar:
A) Şah Abbas, Yusif Sərrac
B) Şah Abbas, Axund Səməd
C) Axund Səməd, Mövlana Cəmaləddin
D) Sərdar Zaman xan, Mirzə Sədrəddin
E) Mirzə Möhsün, Mirzə Yəhya
M.Füzulinin "Padişahi-mülk" əsəri ilə bağlı fikirlərdən biri səhvdir:
A) Şairin ictimai məzmunlu məşhur qitəsidir.
B) Əsərin sonunda şair adını çəkir və padşahdan kömək ummaq fikrinə düşdüyü üçün peşmançılığını bildirir.
C) Qitədə hökmdar və şair surətləri qarşılaşdırılır.
D) Əsərdə işğalçı müharibələrə nifrət hissi aşılanır.
E) Əsərdən  çıxan nəticə budur ki, padşahın hakimiyyəti müvəqqəti, şairin sənəti isə əbədidir.
R.Rza şerlərinin birində  "O kəs ki torpağa, xalqa bağlıdır, kökü xalq mənəviyyatının dərinliklərindəndir, onu əymək olmaz" qənaətinə gəlir:
A) "Vətən"
B) "Rənglər"
C) "Çinar"
D) "Bu gün"
E) "Pəncərəmə düşən işıq"
"Laçın yuvası", "Çərxi-fələk", "Şeytan", "Eşq və intiqam"  adlı pyeslərin və  "Qorxulu nağıllar"  silsiləsi adlı hekayələrin müəllifi:
A) Ə.Haqverdiyev
B) C.Məmmədquluzadə
C) C.Cabbarlı
D) S.S.Axundov
E) A.Şaiq
"Kitabi-Dədə Qorqud"da təsvir edilən Bayandır xan haqqında verilmiş fikirlərdən biri yanlışdır:
A) Qəhrəmanlıq göstərən bəylər onun igidləri sayılır və yanına gəlmək hüququ qazanırdılar.
B) Heç bir boyda Bayandır xanla bağlı əhvalat yoxdur.
C) Oğuz elinin böyükləri onun çadırına toplaşaraq məsləhət alırdılar.
D) Bayandır xan döyüşlərdə oğuzlara başçılıq edir və düşmənlə döyüşürdü.
E) Oğuz elinin başçısıdır.
Dil ilə dərvişlik olmaz,
Halı gərək yol əhlinin,
Balı gərək yol əhlinin.
İlk bəndi nümunə gətirilən bu şerin müəllifini və janrını müəyyənləşdirin.
A) Xətayi, qoşma
B) Zakir, gəraylı
C) Xətayi, gəraylı
D) Aşıq Ələsgər, gəraylı
E) Vaqif, qoşma
Nümunədə işlənmiş məcazın növünü müəyyənləşdirin.
Gül bənizli, şahin baxışlı yarın
Könlünə saçdığı yeni ilham var. (H.Cavid)
A) epitet
B) təzad
C) metonimiya
D) mübaliğə
E) təşbeh
Qəsidənin sırf dini məzmun daşıyan növləri:
A) minacat, fəxriyyə
B) minacat, mədhiyyə
C) nət, mədhiyyə
D) nət, fəxriyyə
E) minacat, nət
M.Hadinin şeri hansıdır?
A) "Ana"
B) "Azərbaycan"
C) "Nə işim var?"
D) "Göy göl"
E) "Türkün nəğməsi"
"Anam və mən "Şah İsmayıl" operasına tamaşa etdim" cümləsində ədəbi dilin hansı norması pozulmuşdur?
A) leksik
B) orfoqrafik
C) leksik və qrammatik
D) orfoepik
E) qrammatik
"Bu işin öhdəsindən ancaq sən gələ bilərsən, Abbasqulu bəy"  cümləsindəki ədatın məna növünü göstərin:
A) arzu
B) əmr
C) dəqiqləşdirici
D) məhdudlaşdırıcı
E) qüvvətləndirici
Hansı cərgədəki sözlər yalnız kar qarşılığı olmayan cingiltili samitlərdən ibarətdir?
A) səməni, müsəlman
B) söndürülmək, narahatlıq
C) gülləbaran, Nargilə
D) namərdlik, varlanma
E) minarə, normal
Hansı əvəzliklər həm sifətin, həm də zərfin yerində işlənə bilər?
1. o                     2. bu               3. elə
4. belə                5. həmin
A) 4, 5
B) 3, 4
C) 1, 5
D) 1, 2
E) 2, 3
"Elan" sözünün leksik təhlili ilə bağlı fikirlərdən biri yanlışdır:
A) Sinonimi "bildiriş" sözüdür.
B) Alınma sözdür.
C) Çoxmənalı sözdür.
D) Ümumişlək sözdür.
E) Antonimi yoxdur.
"Həq bilir, sözümə hiylə qatmazam"  cümləsinin növünü göstərin.
A) Tabesiz mürəkkəb cümlə
B) Tamamlıq budaq cümləli tabeli mürəkkəb cümlə
C) Təktərkibli geniş cümlə
D) Cüttərkibli sadə geniş cümlə
E) Mübtəda budaq cümləli tabeli mürəkkəb cümlə
Biri rəsmi sənədlərin dili üçün istisnadır:
A) fikrin hüquqi əsaslılığı
B) fikrin daha çox nitq şablonları və ya standart formalar üzrə qurulması
C) fikrin aydınlığı, birmənalılığı
D) fikrin maksimum mükəmməlliyi və yığcamlığı
E) fikrin emosionallığı və obrazlılığı
"Tez fikirləşən" feli birləşməsinin tərəfləri arasında hansı sintaktik əlaqə vardır?
A) yanaşma
B) idarə
C) uzlaşma
D) həm uzlaşma, həm idarə
E) tabesizlik
"O, bizim imtahanlarımızın nəticəsini maraqla izləyirdi"  cümləsindəki tamamlıq nə ilə ifadə olunmuşdur?
A) məsdər tərkibi ilə
B) II növ təyini söz birləşməsi ilə
C) III növ təyini söz birləşməsi ilə
D) I növ təyini söz birləşməsi ilə
E) isimlə
Yoxlamadan sonra nəticə burada göstəriləcək
Top