Əsas səhifə Testlər Azərbaycan dili XI sinif Üslubiyyat

Tapılan ümumi test sayı : 157

Hansı üslubu terminsiz təsəvvür etmək olmur?
A) məişət
B) elmi
C) rəsmi
D) bədii
Ancaq termin olan cərgəni seçin:
A) drama, lirika
B) dəniz, lirika
C) bucaq, kitab
D) dil, dalğa
Bunlardan neçəsi həm termin, həm də ümumişlək söz kimi işlənə bilər? Bənd, say, fel, sifət, kütlə, divan, isim, zərf
A) 2-si
B) 5-i
C) 6-sı
D) hamısı
İxtisas sözlərinin – terminlərin bol – bol işlənməsi hansı üslub üçün əsas səciyyəvi xüsusiyyətlərdir?
A) Publisistik
B) Elmi
C) Bədii
D) Məişət
Elmi üsluba aid deyil:
A) Elmi üslubda mürəkkəb cümlələr, modal sözlər işlənir
B) Bu üsluba ədəbi – bədii dil də deyilir
C) Elmi üslub – milli, elmi təfəkkürün ifadəsidir
D) İxtisas sözlərinin – terminlərin işlənməsi
Elmi üsluba xas deyil:
A) məntiqilik, dəqiqlik
B) terminlər
C) çoxmənalılıq, mətnaltı məna
D) modal sözlərin işlənməsi
E) mürəkkəb cümlələrdən istifadə
Cümlələrdən biri elmi üslubdadır:
A) Dəli könül, gəl əylənmə qürbətdə.
B) Deyəsən, ayağı qanayıbdı.
C) Qoşma köməkçi nitq hissəsidir.
D) Hörmətli dinləyicilər! Bu günlərdə Türkiyədən bir qrup iş adamı Azərbaycana gəlmişdir.
Bu üslubda beynəlmiləl səciyyə daşıyan sözlər çox işlənir. Söhbət hansı üslubdan gedir?
A) məişət
B) rəsmi
C) elmi
D) publisistik
E) bədii
Bu və ya digər predmetin, hadisənin əlamətinin həmin predmetin, hadisənin adı çəkilmədən başqasına köçürülməsi adlanır:
A) Mübaliğə
B) Təşbeh ( bənzətmə )
C) Metafora ( istiarə )
D) Kinayə
Verilənlərdən biri bədii təsvir vasitəsi deyil:
A) Mübaliğə
B) Təşbeh
C) Metafora
D) İntonasiya
Aşağıdakılardan hansı bədii üslubun leksik səviyyəsinin göstəricilərindən deyil:
A) Təkrar
B) İstiarə
C) Təşbeh
D) Epitet
Kuhikən künd eyləmiş min tişəni bir dağ ilən,
Mən qoparıb atmışam min dağı bir dırnağ ilən. – misrasında bədii ifadə vasitəsinin hansı növü işlənmişdir?
A) Mübaliğə
B) Metafora
C) Təşbeh
D) Epitet
Sözün zahirən müsbət mənada deyilib, ancaq əslində mənfi məna bildirməsinə deyilir:
A) Mübaliğə
B) Kinayə
C) Təşbeh
D) Epitet
Q.Zakirin şeirlərinin birində Şuşa polis rəisini ”yarımsaqqal” adlandırması, S.Rəhimovun “Saçlı”, “Qaloş”kimi obrazları nəyə nümunədir?
A) metaforaya
B) simvola
C) mübaliğəyə
D) sinekdoxaya
“Sinif sakitdir”.”Türkiyəyə baxıram”-cümlələri bədii təsvir vasitələrindən hansına aiddir?
A) simvola
B) təşbehə
C) metonimiyaya
D) epitetə
"ahu baxışlı", "qələm qaşlı", "gül üzlü" kimi ifadələr:
A) metaforadır
B) təşbehdir
C) epitetdir
D) mübaliğədir
"Gecəki yağışdan çiçəklərin, yarpaqların uclarından sallanan damcılar günəşin al şəfəqləri altında almaz dənələri kimi par-par parıldayır, ətrafına incə işıltılar saçırdı"(A.Şaiq). Bu cümlədə bənzəyən və bənzədilən hansılardır?
A) bənzəyən- çiçəklər, bənzədilən- yağış
B) bənzəyən- günəşin şəfəqləri, bənzədilən- damcılar
C) bənzəyən-gecə yağan yağış, bənzədilən-incə işıltı
D) bənzəyən-yağış damcıları, bənzədilən-almaz dənələri
Təşbeh neçə tərkib hissədən ibarətdir?
A) 3
B) 5
C) 1
D) 2
E) 4
"Günəş gülümsədi". "Gülüm niyə kefsizdir"? Bu cümlələrdə bədii təsvir vasitələrindən hansı işlənmişdir?
A) metonimiya
B) istiarə(metafora)
C) epitet
D) təşbeh
"Xumar-xumar baxmaq göz qaydasıdır, Lalə tək qızarmaq üz qaydasıdır. Pərişanlıq zülfün öz qaydasıdır, Nə badi-səbadan, nə şanədəndir".-(M.P.Vaqif) Neçənci misrada müfəssəl təşbeh işlənmişdir?
A) IV misrada
B) III misrada
C) I misrada
D) II misrada
Yoxlamadan sonra nəticə burada göstəriləcək
Top