Əsas səhifə Testlər Müəllimlərin diaqnostik qiymətləndirilməsi Azərbaycan dili Bütün testlər

Tapılan ümumi test sayı : 156

“Bütün bunlar ona görədir ki, sən daha firavan yaşayasan” mürəkkəb cümləsində budaq cümlənin növünü müəyyənləşdirin.
A) məqsəd
B) qarşılıq-güzəşt
C) səbəb
D) tamamlıq
E) xəbər
Tabesiz mürəkkəb cümlənin tərkib hissələri hansı yollarla bağlanır? 1. bağlayıcı sözlə                   2. intonasiya ilə 3. tabesizlik bağlayıcıları ilə   4. –sa2 şəkilçisi və ədatla
A) 1, 3
B) 1, 4
C) 1, 2
D) 2, 3
E) 2, 4
Məişət üslubu üçün səciyyəvi deyil
A) intonasiya, jest və mimikadan istifadə
B) dialoji nitq şəklində olması
C) Daha çox geniş və bütöv cümlələrdən istifadə
D) Ancaq şifahi şəkildə mövcudluğu
E) nitqin sərbəstliyi və təbiiliyi
Hansı cümlədə “ki” bağlayıcı kimi işlənməmişdir? (Durğu işarələri işlənməyi
A) Elə danış ki hamımız başa düşək.
B) Mən ki damdan-bacadan baxmaz idim...
C) Gül ki qəlbim gülsün.
D) Əhmədə demişəm ki, vaxtında gəlsin.
E) Çalış ki yanılmayasan.
Qeyri-müəyyən yiyəlik halda olan söz hansı cümlədədir?
A) Yerində fırlanıb güzgü qırıntılarının üstündə kürəyi üstə uzandı.
B) Günəşli hava olmasına baxmayaraq, payızın soyuğu özünü göstərirdi.
C) Onda Saleh bu qızın kim olduğunu bilmirdi.
D) Amma bu qələbələr heç də asanlıqla başa gəlmirdi.
E) Nəhayət, qolundakı kəndir didilib nazildi və qırıldı.
Hansı cümlədə frazeoloji birləşmə “mürgüləmək” mənasını verir?
A) Eşitdiyi dəhşətli xəbərdən gözləri qaraldı, beyni dumanlandı.
B) Yüz dəfə demişəm ki, mənasız söhbətlərə görə gözünün suyunu axıtma!
C) Bir anlıq yorğunluqdan sim kimi gərilmiş bədənini rahatlamaq, gözlərinin acısını almaq istəyirdi.
D) Ən maraqlısı da bu idi ki, camaatın gözünə kül üfürürdü.
E) Ananın gözləri yol çəkirdi.
Qeyri-müəyyən şəxsli cümləni göstərin:
A) Onlar bu sözləri dərhal Qacara çatdırdılar.
B) Gecə saat ikidə bizi təcili trestə çağırdılar.
C) Həyatı boyu onun fikri, xəyalı ilə yaşadı.
D) Elə bil onlar mənə dünyanı verdilər.
E) Etdiyi səhvləri düzəltmək üçün artıq çox gec idi.
Nitqin hissələri arasında əlaqəni bildirən ara sözü göstərin:
A) doğrudan da
B) birincisi
C) ehtimal ki
D) deyilənə görə
E) heyif
“Sən ellər toyusan, ellər bayramı” – cümləsindəki həmcins üzvdə hansı şəkilçi ixtisar olunub?
A) şəxs şəkilçisi
B) zaman şəkilçisi
C) hal şəkilçisi
D) mənsubiyyət şəkilçisi
E) cəm şəkilçisi
Frazeoloji birləşmənin həm özü, həm də onun frazeoloji sinonimi və antonimi hansı sıradadır?
A) təngə gəlmək, cana doymaq, can vermək
B) cana doymaq, boğaza yığılmaq, ləzzət almaq
C) baş sındırmaq, ölçüb-biçmək, düşünüb-daşınmaq
D) can almaq, öldürmək, yaşatmaq
E) boğaza yığılmaq, təngə gəlmək, cana doymaq
Hansı fellər təsirlidir? 1. çıxmaq 3. razılaşmaq 5. geyinmək 2. başa salmaq 4. inandırmaq
A) 1, 4, 5
B) 1, 3, 4
C) 2, 4, 5
D) 2, 3, 5
E) 3, 4, 5
“Onun hələ xəbəri yox idi ki” baş cümləsinə hansı budaq cümlə qoşula bilər?
A) xəbər
B) tamamlıq
C) yer
D) mübtəda
E) zaman
Eyniköklü sözlərə aid düzgün fikirləri müəyyən edin. 1. Eyni bir sözdən əmələ gəlir. 2. Həm eyni, həm də müxtəlif nitq hissələrinə aid olur. 3. Üzgün, üzücü, üzgüçü eyniköklü sözlərdir. 4. Eyniköklü sözlər həm leksik, həm də qrammatik şəkilçilər vasitəsilə düzəlir. 5. Eyniköklü sözlər quruluşca düzəltmə olur.
A) 1, 3, 5
B) 1, 2, 5
C) 2, 3, 5
D) 2, 4, 5
E) 1, 3, 4
Bu üslub üçün həm qəzəbli, həm sakit, təmkinli, həm təsviri, həm də analitik dil xarakterikdir. Söhbət hansı üslubdan gedir?
A) publisistik
B) rəsmi-işgüzar
C) elmi
D) məişət
E) bədii
Hansı mürəkkəb adın yazılışı səhvdir?
A) Orxon-Yenisey kitabələri
B) Azərbaycan Teleqraf Agentliyi
C) Azərbaycan Respublikasının Nazirlər Kabineti
D) Bakı Şəhər İcra Hakimiyyəti
E) Orta paleolit dövrü
Xüsusiyyətlər hansı əməli yazı növünə aiddir? 1. Kimə verilir. Onun adı, atasının adı, soyadı və vəzifəsi. 2. Onu verən şəxs və ya təşkilat. 3. Alınan əşyanın miqdarı, yaxud etibar ediləcək materialın məzmunu. 4. Məsul olan şəxsin imzası. 5. Verildiyi tarix. 6. Məsuliyyət daşıyan şəxsin şəxsiyyət vəsiqəsinin seriya və nömrəsi, verilmə tarixi.
A) arayış
B) vəkalətnamə
C) protokol
D) akt
E) ərizə
“Bir az sonra isə bir-birinə düşmən kəsilmiş ailələr xəstəxananın həyətində yenidən üz-üzə gəlməli oldular” – cümləsinin sintaktik təhlili ilə bağlı doğru cavabı tapın:
A) İki təyin işlənmişdir.
B) Təyin feli sifət tərkibi ilə ifadə olunmuşdur.
C) Baş üzvlərin hər ikisi mürəkkəbdir
D) Cümlədə 2 zaman, 2 tərzi-hərəkət zərfliyi var.
E) Xəbər vacib şəklində olan fellə ifadə olunmuşdur.
Xitabla bağlı fikirlərdən biri səhvdir
A) Xüsusi intonasiya ilə deyilir
B) Cümlədə müraciət bildirən sözə və ya söz birləşməsinə deyilir
C) Qrammatik cəhətdən cümlə üzvləri ilə bağlı olmur
D) Diqqəti cəlb etmək, nitqi qüvvətləndirmək məqsədi daşıyır.
E) Yalnız isimlə və ismi birləşmələrlə ifadə olunur.
Məntiqi ardıcıllığı tamamlayın. Bəlkə, ola bilsin ki, yəqin…
A) düzü
B) demək
C) görünür
D) təəssüf
E) deyilənə görə
O, sakitcə yaralı zabitə yaxınlaşıb Özünüzü necə hiss edirsiniz yaralarınız əziyyət vermir ki deyə soruşdu – vasitəsiz nitqdə hansı durğu işarələri buraxılmışdır?
A) qoşa nöqtə, 2 tire, 2 vergül, 1 sual işarəsi və dırnaqlar
B) qoşa nöqtə, 2 tire, 1 vergül, 1 sual işarəsi və dırnaqlar
C) qoşa nöqtə, 1 tire, 1 vergül, 1 sual işarəsi və dırnaqlar
D) qoşa nöqtə, 1 tire, 3 vergül, 1 sual işarəsi və dırnaqlar
E) qoşa nöqtə, 3 tire, 3 vergül, 1 sual işarəsi və dırnaqlar
Yoxlamadan sonra nəticə burada göstəriləcək
Top