Əsas səhifə Testlər Müəllimlərin diaqnostik qiymətləndirilməsi Azərbaycan dili və Ədəbiyyat Bütün testlər

Tapılan ümumi test sayı : 220

Hansı cümlələrdə isim işlənməmişdir. 1.Gecə keçir, səhər açılırdı. 2.Bildiklərini dönə-dönə təkrar et. 3. Oralarda yaşamaq çətinləşmişdi. 4. Böyük dura-dura kiçik danışmaz. 5. Hər tərəf başdan-başa gül-çiçəklə bəzənmişdi.
A) 3,4,5
B) 1,4,5
C) 1,3,5
D) 2,3,5
E) 2,3,4
Fikirlərdən biri səhvdir:
A) iffət –ismətli, həyalı, namuslu sözləri ilə sinonimdir.
B) ud sözü omonim olub isim və fel kimi işlənir
C) manqurt –düşünmək qabiliyyətini itirmiş mənasını bildirir.
D) qayın eyni nitq hissəsinə aid omonim sözdür.
E) atlaz-parça növü, atlas- xəritələr toplusu deməkdir.
Bu cümlədə hansı normalar pozulub? “Münsiflər heyəti bu gənc müğənnini gələcəyin böyük muğam ifaçısı ampulasında görmürdülər”.
A) qrammatik və fonetik
B) leksik və fonetik
C) leksik və qrammatik
D) yalnız leksik
E) yalnız qrammatik
Verilmiş cümlələrin hansında zərf yoxdur?
A) Qız cəld mətbəxə keçdi.
B) Uşaqlar həyətdə futbol oynayırlar.
C) Hava birdən tutuldu.
D) Yayda kəndə gələrsən.
E) Dünən məktəbdə tədbir keçirildi.
“Namizədlik işi” birləşməsinin I tərəfinin fonetik təhlilinə aid hansı fikirlər səhvdir? 1. Vurğusu və uzun saiti fərqli hecadadır. 2. Yazılışı və tələffüzü arasında 3 fərqli məqam var. 3. Samitlərdən ikisi kardır. 4. Sözdə qarşılıq təşkil edən samit cütlük işlənmişdir. 5. Tələffüz şəkli [na:mizətdix`]şəklindədir.
A) 3,5
B) 1,2,4
C) 3,4,5
D) 1,3,5
E) 2,4
III növ təyini söz birləşməsini göstərin.
A) anasının arzularını yerinə yetirən
B) morfoloji faktlar
C) yol işarələrini dəyişmək
D) orfoqrafik qaydalar
E) leksik vahidlərin işlənməsi
“İgid” sözünün leksik təhlilindəki səhvi göstərin
A) Ümumişlək sözdür.
B) Təkmənalı sözdür.
C) Səmimi, mülayim sözləri ilə sinonimdir.
D) Əsl Azərbaycan sözüdür.
E) Qorxaq, cəsarətsiz sözləri ilə antonimdir.
Vasitəli nitqli cümlələri müəyyən edin: 1. “Görünür, mehriban ailədir”, -deyə Firudin düşündü. 2. Ənvər təşəkkür edərək bildirdi ki, onun üçün bu gündən əziz gün olmayıb. 3. “Ətiacıdır, araqarışdırandır, çox pis adamdır”,-deyə Xavər öz-özünə düşündü. 4. Babası deyərdi ki, o, nəvəsini oğlundan çox istəyir. 5. Şübhəsiz ki, səndən yaxşı musiqiçi olacaq
A) 2, 4
B) 2, 3
C) 4, 5
D) 1, 3
E) 2, 5
İntonasiya ilə bağlanmış tabeli mürəkkəb cümlələrdən biri tamamlıq budaq cümləlidir:
A) Adam var, heç nədən qorxusu yoxdur
B) Elə danışır, bişmiş toyuğun da gülməyi gəlir.
C) Getmək istəyir, əlini qaldırsın.
D) İgid odur, yaman günə dayansın.
E) Ay Kərim, heç deməzsən, aldatdım.
Budaq cümləsi baş cümlədən əvvəl gələn tabeli mürəkkəb cümləni göstərin.
A) Kim əla oxuyursa, bu kitab ona çatacaq
B) Arzum budur ki, sən də əlaçı olasan
C) Hamı bilir ki, payızda meyvə bol olur
D) Fəxr edirəm ki, sənin kimi həmyerlim var
E) Solmazın ürəyindən keçir ki, babası hər gün onlara qonaq gəlsin
“Anadan belə laqeyd danışmazlar” cümləsi …
A) ümumi şəxsli müxtəsər cümlədir.
B) müəyyən-şəxsli geniş cümlədir.
C) qeyri-müəyyən şəxsli geniş cümlədir.
D) ümumi şəxsli geniş cümlədir
E) qeyri-müəyyən şəxsli müxtəsər cümlədir.
Uyğunluğu müəyyən edin. I. Vurğu üçüncü hecaya düşür. II. Vurğu ikinci hecaya düşür. III. Vurğu birinci hecaya düşür. 1. Antarktida, dekorasiya 2. Arktika, missiya 3. iyul,iyun
A) I - 1 II - 2 III - 3
B) I - 2 II - 2 III - 1
C) I - I II - 3 III - 2
D) I - 2 II - 1 III - 3
E) I - 3 II - 2 III - 1
Hansı cərgədəki sözlərin leksik mənası yoxdur və suala cavab vermir?
A) dünya, təkcə, səma
B) axı, kaş, savayı
C) cəld, görkəm, axı
D) kitab, həyat, kaş
E) kimi, qədər, dəniz
Əvəzliklər hansı nitq hissələrinin yerində işlənmişdir? Mən meydan əriyəm, sən də bir kişi. Mərdliklə seçilir hər mərdin işi.
A) sifət, zərf
B) isim, say
C) zərf, isim
D) isim, sifət
E) say, sifət
Antonim sözlər cərgəsini göstərin.
A) sevmək-ağlamaq, atmaq-vermək
B) xoşbəxt-sevincli, qəm-kədər
C) pis-əyri, düz-dürüst
D) dərə-təpə, az-çox
E) böyük-iri, qoca-ahıl
“Etiket” termini ilə paralel olaraq işlədilir:
A) jest
B) mimika
C) nitq aktı
D) nitq
E) yarlıq
Söz birləşməsi nədir?
A) İki və daha artıq sözün leksik və qrammatik cəhətdən birləşməsidir.
B) İntonasiya bütövlüyü ilə seçilir.
C) Nitq hissələrinin birləşməsidir
D) Əsas tərəfin tələbi ilə asılı tərəfin hallanmasıdır
E) Bitmiş bir fikrin ifadəsidir.
Hansı cümlələrdə məchul növ fel işlənib? 1. Ətrafa şəfəq saçıldı. 2. Bu mahnı çox sevilirdi. 3. Bu söhbətdən sonra o, çox kədərləndi. 4. İşdən sonra çox yorulmuşdu. 5. Yaz gəlir, torpaq bellənir.
A) 3, 4
B) 2, 3
C) 1, 5
D) 1, 4
E) 2, 5
Hansı? sualına cavab verən sayın növünü göstərin.
A) kəsr sayı
B) qeyri – müəyyən miqdar sayı
C) qeyri – müəyyən miqdar və kəsr sayı
D) müəyyən miqdar sayı
E) sıra sayı
Hansı sözlərin orfoepiyası düzdür. 1. [fəntgir] 2. [hanbal] 3. [arkestr] 4. [bayraxdar] 5. [teatır]
A) 1,3,5
B) 2,3,4
C) 1,3,4
D) 1,2,5
E) 2,3,5
Yoxlamadan sonra nəticə burada göstəriləcək
Top