Sizin reklam burada

050 285 43 33

  • Böyük zəkalar birlikdə düşünürlər. (Fransız atalar sözləri)
  • Bütün sərvətini itirən insan önəmli bir şey itirmişdir, sağlığını itirən çox şey itirmişdir, qürurunu itirən lap çox itirmişdir, ümidini itirən isə hər şeyini itirmişdir. (Fransız atalar sözləri)
  • Bir atı suya apara bilərsiniz, amma ona zorla su içirdə bilməzsiniz. (Fransız atalar sözləri)
  • Başqalarının arzuları üçün yox, sırf özünüz üçün düşünün. (Fransız atalar sözləri)
  • Bir yanlışı haqlı çıxarmağa çalışmaq onu ikiqat daha böyüdür. (Fransız atalar sözləri)
  • Balıq suda ikən sövdə olmaz. (İraq-Kərkük atalar sözləri)
  • Biz ondan, yoğurt umarız, o bizdən ayran. (Türk atalar sözü)
  • Bütün yaxşı şeylər qurtarmalıdır. All good things must come to an end. (İngilis atalar sözləri)
  • Biri digəri qədər zəngin olunca, qardaşlar bir-birlərini sevərlər. (Afrika atalar sözü)
  • Bir yalan nə qədər sürətli olursa olsun, həqiqət onu çatıb keçər. (Afrika atalar sözü)
  • Bu dünya bizə atalarımızdan qalmadı. Biz onu uşaqlarımızdan borc aldıq. (Afrika atalar sözü)
  • Biri o biri qədər zəngin olunca, qardaşlar bir-birlərini sevərlər. (Uqanda atalar sözləri)
  • Bir adamdan şübhələnirsinizsə onu vecinizə almayın, vecinizə alırsınızsa ondan şübhələnməyin (Çin atalar sözləri)
  • Böyük insanların iradələri, zəiflərin ümidləri vardır (Çin atalar sözləri)
  • Bir dəfə pələng belinə mindinsə, enmək çətindir (Çin atalar sözləri)
  • Bir oyun oynayacaqsansa, oyunun qaydalarını, hissələrini və bitmə vaxtını əvvəlcədən təyin et (Çin atalar sözləri)
  • Böyük insanların iradələri, zəiflərin isə ümidləri vardır. (Çin atalar sözləri)
  • Birinin ağlından keçəni bilmək istəsən, söylədiklərini dinlə. (Çin atalar sözləri)
  • Bir nəfərdən şübhələnirsənsə onu işə götürmə, işə götürürsənsə ondan şübhələnmə. (Çin atalar sözləri)
  • Bir dəfə aslanın belinə mindinsə enmək çətindir. (Çin atalar sözləri)
  • Bəla sürüsüylə gəlir (Çin atalar sözləri)
  • Başqalarını danlayar kimi özünü danla, özünü bağışlayar kimi başqalarını bağışla. (Çin atalar sözləri)
  • Borclunun üzü qara, aclığın gözü qara.
  • Borc yaxşı günə gəlməz.
  • Borc çıxıbdır xirtdəyəcən.
  • Borc alan bicdir, borc verən gic.
  • Borc verənin dili uzun olar.
  • Borc əsarətdir.
  • Borc almaq asandır, qaytarmaq çətin.
  • Borc yaddan çıxmaz.
  • Borclunun duaçısı borc verəndir.
  • Borc durar, xərc durmaz.
  • Borc verməklə tükənər, yol getməklə.
    (Borc verməklə, yol yeriməklə bitər.)
  • Borc ki oldu yüz – kir içində üz.
  • Borc almaq başlanan yerdə dostluq pozular.
  • Borc ödəməklə, yol yeriməklə tükənər.
  • Borc altında qalan deyil.
  • Borc ilə çaxır içən, iki dəfə keflənər.
  • Borc alan, salam da var.
  • Borc mini aşdı, hər axşam paxlava ye.
  • Borc qaldıqca uzanar.
  • Borc ilə alınan köynək adamı təmiz saxlamaz.
  • Borcunu verməyən, bir də borc ala bilməz.
  • Borc alan ağlaya-ağlaya gələr, gülə-gülə gedər.
  • Borc köməyə bənzər, qaldıqca böyüyər.
  • Borc alan ağlar gələr, gülər gedər.
  • Bəlaya səbir gərək.
  • Bahasına pul vermişəm, gözlərim də çıxsa yeyəcəyəm.
  • Bu çağacan qonşu qızı idim, indi oldum – ev qızı, ev gəlini.
  • Bir gəmi bəzənər, bir gəlin bəzənməz.
  • Biz gəldik gəlin görməyə, gəlin getdi təzək yığmağa.
  • Bu qız yaxşı qızdır, ərə gedəndən sonra bax,
    Bu gəlin yaxşı gəlindir, birini doğandan sonra bax.
  • Bir də gəlin olaram, oturub durmağımı bilərəm.
  • Böyüyə hörmət vacibdir.
  • Böyüyə hörmət elə, sən də böyüyəcəksən.
  • Bala dadı, bal dadı,
    Bala adamı aldadır.
    Şirini şirin olur,
    Acısı da bal dadır.
  • Başa düşəni göz görər.
  • Başın başı var, başında başı.
  • Başsız gələn mal batsın, vaxtsız deyən dil batsın.
  • Bir böhtan min ziyana bərabərdir.
  • Bir ziyandan min böhtan doğar.
  • Bostan əkənin yiyəsi mərd olar.
  • Bir dəfə görmək iki dəfə eşitməkdən yaxşıdır.
  • Bir görmək, min eşidi basar.
  • Balam mənə əzizdir, tərbiyyəsi özündən də əzizdir.
  • Bir işi başlamağa çalış, özü qurtarar.
  • Bəylə bostan əkənin tağı çiynində bitər.
  • Bu əlin rənci, o ələ haramdır.
  • Başını keçəl eləmə,
    Hər keçəlin taleyi bir olmaz.
  • Bülbülü saldılar qəfəsə dedi:
    "Ay vətən, ay vətən",
    buraxdılar, qondu tikan koluna, dedi:
    "Can vətən, can vətən"
  • Bağ alma bağlanarsan,
    dağ alma dağlanarsan,
    qoyun al, yağlanarsan.
  • Bitmiş işdən gül iyi gələr.
  • Bağ bağbansız olmaz,
    dəvə sarbansız.
  • Bir işi qurtarmamış, o biri işdən yapışma.
  • Bablı baba ilə,
    su qullabı ilə.
  • Bablı babın tapmasa,
    işi ah-vayla keçər.
  • Bikarlıq korluq (aclıq) gətirər.
  • Bir əldə iki qarpız tutmaq olmaz.
  • Bir ac qudurar, bir yavalac.
  • Baba olmadı, vəba oldu.
  • Bənnasız divar hörülməz.
  • Bu günün işini sabaha qoymazlar.
  • Bitməyincə, çıxmaz.
  • Boğaz gecə, açar səhər. (boğaz: hamilə).
  • Boş boşuna yel olmaz, bəsləmədsən el olmaz.
  • Boş çuval, ayaqda durmaz.
  • Boş kəllənin yükün, ayağlar çəkər.
  • Boş qaşıq ağız yırtar, boş söz qulaq.
  • Bu il izi, gələnil, özü.
  • Budala qadının nallar, ağıllı atın.
  • Buğda qatında, sarqaç sulanır.
  • Buğda yanında otda sulanır.
  • Bulut ağlar, çimən gülər.
  • Buynuzlu olmaqdansa, başqalarına buynuz qoy.
  • Buz üstə bina salsan, günə gedər,
    Dağ üstə bina salsan, yelə gedər.
  • Buz üstə bina tutmaz.
  • Buz üstə yaz, yazı yazar.
  • Buza inanma, ona dayanma.
  • Buzdan su damlar.
  • Bağ alırsan qışda al, bağ satırsan yazda sat.
  • Bağban qocalır tikən uzanır.
  • Balaban çalanındı, at minənin.
  • Balasız qadın, gəlincik, parasız igid, ərincik.
  • Barmağından bal damır, çanağından yağ.
  • Basqısız taxtanı, yel alır, yel almazsa, sel alır.
  • Baş baş olsa, səhvidə başa düşər.
  • Baş daşa aşlandı, aşda qaldı, yaşlandı.
  • Baş gedməyincə, ayaq gəlməz.
  • Baş hara, ayağda ora.
  • Baş sağlığı, dünya varlığı.
  • Baba paltarı geyərsən,
    baba olarsan.
  • Bir daş altda, bir daş üstə.
  • Baqqal daşdan kəsər,
    siçan baqqaldan.
  • Baş-başa verməyincə, daş yerindən qalxmaz.
  • Boş çəllək danqıldayar.
  • Boş oturmaqdansa, boşuna işləmək yaxşıdır.
  • Balıq vermə, balıq tutmağı öyrət.
  • Balıq olmayan yerdə xərçəng də balıqdır.
  • Bir dana naxırın adını korlayır.
  • Bir versən bir də istər,
    Yatmağa yer də istər.
  • Böyük dağa qar yağmadıqca, kiçik dağa sıra gəlməz.
  • Baş, dil ilə asılar.
  • Bir vurmaqla ağac yıxılmaz.
  • Böyüklə böyü, başın göyə dəysin, kiçiklə kiçil, başın yerə dəysin.
  • Bu beşikdən nə başlar çıxdı.
  • Başqasına quyu qazan özü düşər.
  • Bulmadığın, olmadığın nəyə sevinmə.
  • Baş yazısın, əl yazısı pozamaz.
  • Baş yoldaşı yoxdur, aş yoldaşı çoxdur.
  • Bax bu qaşa, bax bu közə, ciyər kabab oldu közə.
  • Bilən olda, birindən sor.
  • Bilən söyləmir, söyləyən bilmir.
  • Bilərək yanan, ağlamasın.
  • Biləyi zor, birini yıxar, bilimi olan, minini.
  • Biləyin on olunca, biliyin bir olsun.
  • Bilirəm dedin, dilləndin, bilməm dedin, dinləndin.
  • Bilməsədə, çox danışır, tox kimi.
  • Bir çörək, doqquz ac, orda durma, ordan qaç.
  • Bir it hürməgilən, bir kərvan geri dönməz.
  • Bir yalıncağı, min kişi soyamaz.
  • Boyunduruğu görüncə, öküz canlanır.
  • Böyük arzular kiçik şeylərə insanı həsrət qoyar.
  • Böyük dağa çıx, yekə yerlər gör.
  • Bu dünya başsız bir dünyadı, buna baş qoymaq isdəsən, ayaqların yerdən üzülər.
  • Bu günlərin qızları, kəbin kəsən özləri.
  • Başında çatışmayan şeyləri bilmək üçün, bilənlərin biliklərin öyrən.
  • Başlar beşikdən çıxar.
  • Başsız baş, ha vur, başdan başa vur.
  • Başsıza baş olunca, başlı, başın olsun.
  • Baxma qayasına, baxma daşına, yerisən, çıxarsan dağın başına.
  • Baxt olmasa başda, nə quruda bitər, nə yaşda.
  • Baxtsızın ağzı aşa, başı daşa.
  • Bayram aşı, qara, qarşı.
  • Behişdən ummur, cəhənnəmdən qorxmur.
  • Behişdin ləzzətin cəhənnəmdəkindən sor.
  • Bəla, gəlirəm-gəldim deməz.
  • Bəlası balına dəyməz.
  • Bəy olub sevinmə, yoxsul olub yerinmə.
  • Bəy, istəyin geyər, yoxsul, tapdığın.
  • Beş barmağın biri kəsilər, beşi ağrıyar.
  • Beşikdə qalan başın, əli aşa çatmaz.
  • Beşiksiz, baş olmaz, bəslənmədən aş olmaz.
  • Bəy dövlətsiz olmaz, dövlət çomaqsız olmaz.
  • Beşin başı olunca, altının ayağı ol.
  • Bəyi atdan endir, bəy qalır, gədəni ata mindir, özün bəy sanır.
  • Bəy, toxluğundan acıyar, yoxsul, aclığından (acıyar).
  • Bəy, tanışa - qohuma, al - ver, dostluğa baxmaz.
  • Biçilmiş taxıl, oraq pasladar, qurtulmuş döyüş, igid xamladar.
  • Bildiyin bir doqquz, bilmədiyin doqsan doqquz.
  • Bildiyin sığsa çanağa, bilmədiyin sığmaz qazana.
  • Biləkdəndə var, ürəkdəndə.
  • Biləkli olduğundan, bilikli ol.
  • Bəyin atın al, yoxsulun qızın.
  • Bəylər çomaqla gəzər, qulların yazığın keçər.
  • Bir ağac kölgəsində, yüz qoyun yatar.
  • Bir ağızdan çıxar, min dilə yayılar.
  • Bir almanın qurdu, bir anbar alma çürüdür.
  • Bir bilənin bildiyi, min qanmazın, bildiyindən çoxdu.
  • Bir çıraq ışığına yüzlər oturur.
  • Bir daşdan duvar olmaz, bir qoyundan sürü.
  • Bir əlində od olsa, bir əlində su olsun.
  • Bir əllə vurur, bir əllə tutur.
  • Bir görüş, bir kor biliş.
  • Bir kündəyə dözən, qalanına dözər.
  • Bir olmadan, yoxdu millət. iş olmazsa, hər şey zillət.
  • Bir mıx, bir nalı, bir nal, bir atı, bir at, bir əri, bir ər, bir eli qutarar.
  • Bir sürüyə, bir qurd yetər (bəsdi).
  • Bir qadının hiyləsi, qırx eşşəyə yük olar.
  • Bir qarış yaxşılığı, bir çimdik yamanlıq pozar.
  • Bir qorxaq, bir ordunu pozar.
  • Bir salı yetər bilənə, çomaq nədir kürkü geyənə.
  • Boyu hündür, boynu kürtül, donu qalba, əli balta, gövdə salta.
  • Boy çatmayan yer olar, fikir çatmaz yer olmaz.
  • Bitikdə yazılan, qazılar bir gün.
  • Birisi toxmaq, birisi çüy, birisin alda birisin döğ.
  • Biri ortadı, sağda kəsir, solda.
  • Biri gəzir, biri yazır.
  • Biri itdi, biri bitdi.
  • Biri boşuna çənə çalar, biri söyləmədən işin yapar.
  • Birəyə acıqlanıb, donun yaxma.
  • Biri var qılıncdan qan silir, biri var qılıncla qan selir (tökür)
  • Biri yiyər, biri baxar, qiyamət onda qopar.
  • Birinin adı var, birinin dadı.
  • Bitə bitə bitən bitər: yaza - yaza yazıçı yazar olur.
  • Birisi köprü salar, min biri keçər.
  • Bir il oğurluq edən, min il qazılıq edər.
  • Bərəkət hərəkətdədir.
  • Bərəkət ondur, onu da düzlük.
  • Bacar dost qazan, düşmən qapısında.
  • Bir dəfə gəldin – yoldaş, iki dəfə gəldin – qardaş.
  • Buzdan dayağ olmaz.
  • Bu bir diyardıki – quş gəlir qanad tökür, qatır gəlir, dırnaq tökür.
  • Beşiklər başsız, başlar beşiksiz qalmasın.
  • Beş barmaq, biləyə bağlı, biləkdə, ürəyə bağlı.
  • Bəslə qarğanı, oysun gözünü.
  • Bazarda badam tapmayanlar, qoz alarlar.
  • Baş - başa gəlməyincə, iş - iş olmaz.
  • Bağdan dağ olmaz, dağdan bağ olmaz.
  • Bir parça çörək olub, itib.
  • Bir papaqlı bir evi bəslər.
  • Bir ölkədə iki hökmdar olmaz.
  • Bir özündən böyüyə, bir özündən kiçiyə qulaq as.
  • Bir nəfər işlər, on biri dişlər.
  • Bir naxırın adını bir dana batırar.
  • Bir nəğd yüz nisyəyə dəyər.
  • Bir müştəri üçün dükan açılmaz.
  • Bir mıx bir nalı, bir nal bir atı, bir at bir əri, bir ər bir eli qurtarır.
  • Bir misqal ət yüz eybi örtər.
  • Bir meşəyə od düşsə, quru da yanar, yaş da.
  • Bir meşədə ki, əsir alanı tülkü ola, azad edəni çaqqal, orada şir, pələng dolana bilməz.
  • Bir manatlıq eşşəyin yarım manatlıq da qoduğu olar.
  • Bir loğma bir dağ aşırar.
  • Bir günlük yola çıxsan, bir həftəlik tədarük gör.
  • Bir günlük bəylik də bəylikdir.
  • Bir gün yaranan bir gün öləcək.
  • Bir gün duz yediyin yerə, qırx gün salam ver.
  • Bir gül ilə bahar olmaz.
  • Bir görür, iki istəyir.
  • Bir gördün namərdi, bir də görsən namərdsən.
  • Bir gözünü ağladır, bir gözünü güldürür.
  • Bir gözü yatır, bir gözü baxır.
  • Bir gözü alça dərir, biri səbətə tökür.
  • Bir gözə bir dünya sığışar.
  • Bir göz iki gözün gördüyünü görə bilməz.
  • Bir kişinin payını iki kişi yesə, ikisi də ac qalar.
  • Bir kənddə iki darğa olmaz.
  • Bir gəmini iki rəis batırar.
  • Bir gəmidə iki pişgah olmaz.
  • Bir gəmi dolanar, bir qız dolanmaz.
  • Bir gələn bir də gələr.
  • Bir gecəlik söhbətin doqquz ay mabədi var.
  • Bir gecənin oğrusu on illik molladan çox bilər.
  • Bir "yeyirəm" deyəndən qorx, bir "yemirəm" deyəndən.
  • Bir ye, bir Allah yolunda ver.
  • Bir yastıqda iki baş, il başında üç baş.
  • Bir yara vur, karlı vur.
  • Bir yandan bağlayan, bir yandan acar.
  • Bir yanda ağlaşma, bir yanda çalğı.
  • Bir yanda ağlayır, bir yanda gözünün yaşını silir.
  • Bir işin əvvəlinə bax, bir də axırına.
  • Bir iş bitməyincə, o biri işə başlama.
  • Bir işi başlayandan əvvəl axırını fikir eylə.
  • Bir işdə özünə on mənfəət varsa, xalqa bir zərər, o işi başlama.
  • Bir iş tut ki, aqibəti xeyir olsun.
  • Bir iş var, iki əməl.
  • Bir iş başlamayınca qurtarmaz.
  • Bir iti iki daşla vurur.
  • Bir it hürməklə karvan qayıtmaz.
  • Bir inad, bir murad.
  • Bir ilana, bir də xana bel bağlama.
  • Bir idi oldu iki, ovhala qurbanın olum, ovhala.
  • Bir ziyan min öyüddən artıqdır.
  • Bir ziyan, min böhtana səbəb olar.
  • Bir ət ki girdi qazana, oldu yeməli.
  • Bir əllə düyün düyünlənməz.
  • Bir əlində od, bir əlində su.
  • Bir əlin nəyi var?
  • Bir əlimdə canım, bir əlimdə cananım.
  • Bir əli yağda, bir əli balda.
  • Bir əli imanında, bir əli tumanında.
  • Bir əli ilə verir, bir əli ilə alır.
  • Bir əli bağda, bir əli dağda.
  • Bir əldən səs çıxmaz.
  • Bir əl ilə iki qarpız tutmaq olmaz.
  • Bir əl əkər, iki əl biçər.
  • Bir eşitmisən, bir də eşit.
  • Bir evdə şadlıq, bir evdə - şivən.
  • Bir evdə iki qız – biri biz, biri çuvalduz.
  • Bir dostum var, bir postum.
  • Bir dost min ildə qazanılar.
  • Bir dirhəm min eybi örtər.
  • Bir dəridir, bir sümük.
  • Bir dəmirdən nal da olar, nizə də.
  • Bir dəlidən yeddi məhəlləyə zərər dəyər.
  • Bir dəli bir quyuya daş atdı, yüz ağıllı çıxarda bilmədi.
  • Bir də cavan olsaydım sahibi-təcrübə olardım.
  • Bir də uşaqlığa qayıtsaydım qırx il iməkləməyə razı olardım.
  • Bir deyərsən, beş deyərəm.
  • Bir de, beş eşit.
  • Bir daşla iki sərçə vurmaq olmaz.
  • Bir daşla divar olmaz.
  • Bir dadan peşman, bir – dadmayan.
  • Bir dana iki dana olsa bəslərəm.
  • Bir dana bir naxırın adını batırar.
  • Bir dağarcıq unum var, yeddi qara günüm var.
  • Bir dağarcıq dəni var, boş dəyirman axtarır.
  • Bir qulağından girər, o biri qulağından çıxar.
  • Bir qulağın dar eylə, bir qulağın darvaza.
  • Bir qoca yeddi oğula əvəzdir.
  • Bir qorxan bir ordunu pozar.
  • Bir qoyundan sürü olmaz.
  • Bir qoyundan iki dəri çıxmaz.
  • Bir qoz üçün daş atmazlar.
  • Bir qıza qurban olsun – doqquz qoca, min qarı.
  • Bir qız bir oğlanındır.
  • Bir qəpik xəsisin bir dişidir.
  • Bir qəpik verin – canını alın.
  • Bir qəlbi ki, tikə bilməyəcəksən, niyə sındırırsan?
  • Bir qaşıq ilə doqquz abdal keçinər.
  • Bir qaşıq ilə doqquz abdal yemiş, birini ağzı boş qalmamış.
  • Bir qatı nazik, min qatı yoğun, qatyarımı haradan tapım?
  • Bir qarnı ac, bir qarını tox.
  • Bir qarı ilə bir qoca dığ-dığ edər hər gecə.
  • Bir dedilər, on eylə.
  • Bir qapıda iki dilənçi olmaz.
  • Bir qazanda iki kəllə qaynamaz.
  • Bir vuran min "vur" deyəndən yaxşıdır.
  • Bir vermə, bir də istər, yatmağa yer də istər.
  • Bir var Koroğlu, bir də var kor kişinin oğlu.
  • Bir bu gün iki sabahdan yaxşıdır.
  • Bir buğda əkməsən, min buğda biçməzsən.
  • Bir-birinin bəhsinə, qılınc yolur tərsinə.
  • Bir birədən ötrü yorğanı yandırmazlar.
  • Bir-bir dənlə, həmişə dənlə.
  • Bir başımdır – min bir xəyalım.
  • Bir bulud ilə qış olmaz.
  • Bir başa iki qapaz cəfadır.
  • Bir başa bir qoz yetər.
  • Bir baş haraya olsa sığışar.
  • Bir baş bir dəriyə sığmaz.
  • Bir barmaq qatıqdan ötrü tuluğu yırtma.
  • Bir acıyanda özünü saxla, bir giciyəndə.
  • Bir axurdan at da yeyər, eşşək də.
  • Bir arşın quyunun dibinə düşüb.
  • Bir arxa ki, su gəlib, güman var yenə gəlsin.
  • Bir atım barıtı var imiş.
  • Bir atıb iki vurur.
  • Bir ata doqquz oğul bəslər, doqquz oğul bir atanı bəsləyə bilməz.
  • Bir at, beş götür.
  • Bir anaya bir qız, bir kəlləyə iki göz.
  • Bir almağın bir də qaytarmağı var.
  • Bir al, iki ver, hardadır bu bolluq?
  • Bir ayağı burda, bir ayağı gorda.
  • Bir arxdan min at su içər.
  • Bir adamla dost olmaq istəyirsənsə, onun dostuna bax.
  • Bacarırsan aslan ol, tülkü olmaq asandır.
  • Bir adamın payın özgəsi yeyə bilməz.
  • Bir adamın payı iki adamı ac qoyar.
  • Bir adamı tanımaq istəsən, ya ortaq ol, ya yola çıx.
  • Bir adam ki, səhər yalan danışdı, axşamacan yalan danışar.
  • Bir ağıllı baş min başı saxlar.
  • Bir ağacdan bel də olur, kürək də.
  • Bir ağaca çıxanda hamı budaqları silkələmə.
  • Bir abbası verdik dindirdik, bir manat verib susdura bilmədik.
  • Bir abam var ataram, harda olsa yataram.
  • Bilsəydim, dərdim olmazdı.
  • Bilsəydim atımın ölümünü, qulağı dolusu darıya satardım.
  • Bilməsən bir biləndən sor.
  • Bilmək olmaz – kəsilməmiş qarpızdır.
  • Bilmədiyin işə başını soxma.
  • Bilirəm nə yuvanın quşusan!
  • Bilik insanın bəzəyidir.
  • Bilik daşı ülgüc altda bilinər.
  • Bilik ağlın aynasıdır.
  • Biliyini atasına verməz.
  • Bilərək yanan ağlamaz.
  • Bilənə bir tikə, bilməyənə iki tikə?
  • Bilənə bilməyən tay deyil.
  • Bilən söyləməz, söyləyən bilməz.
  • Bilən ilə bilməyən bir deyil.
  • Bildirçinin bəyliyi darı sovrulanacandır.
  • Bildir yedim bir əncir indi də qarnım incir.
  • Bildir ölüb boz eşşək, bu il gəlin ağlayaq.
  • Bildir gedən bildirçin, hanı sənin bir qıçın?
  • Bildiyinlə çəkəsən.
  • Bildiyini soruşma.
  • Bildiyini əlindən vermə.
  • Basılanı kəsməyin!
  • Bitib hər yarağı, qalıb saqqal darağı
  • Bütünü kəsmə, paraya dəymə, doğra, doyunca ye.
  • Bülbülə qızıl qəfəsdən kol dibi xoş olar.
  • Bülbülün çəkdiyi dil bəlasıdır.
  • Bülbülü qızıl qəfəsə salmışlar, "Vay Vətən!
  • Bülbül gülü sevər, insan – Vətənini.
  • Bülbül viranədən ötməz, bayquş viranədən getməz.
  • Buxarının əyriliyinə baxma, tüstüsünün düz çıxmasına bax.
  • Burun çirkli olanda kəsib atmazlar.
  • Burun-qulaq başa sadağadır.
  • Burnunu sıxsalar – canı çıxar.
  • Burnunu hər deşiyə soxar.
  • Burnu çirk quzu buynuzu burma qoç olar.
  • Burada üləma diz yerə qoyub.
  • Burada oturma, orada otur, cəhənnəmdə, gorda otur!
  • Burada oturma – his olar, orada oturma – pis olar.
  • Burada oturma – atamındır, orada oturma – anamındır.
  • Burada dəvə yükü ilə itər.
  • Burada vurur, qılıncı, fələkdə oynar ucu.
  • Burada ala qarğa balalamaz.
  • Bundan Fatıya tuman olmaz.
  • Bundan sonra əlini öz cibinə sal.
  • Bulutdan nəm çəkir.
  • Buludu külək oynadır, ağlı kəm olanı fışdırıq.
  • Bulud altından çıxan gün, yaşmaq altından çıxan üz.
  • Bulanlıq suda balıq tutulmaz.
  • Bulamanı bulama, buladıqca yalama.
  • Bulamac dəliyə qaldı.
  • Bulağa susuz aparar, susuz gətirər.
  • Bulaq özü tərpənməz, el-obanı ayağına gətirər.
  • Bulaq öz gözünü kor istəməz.
  • Bulaq gərək yerindən bulaq ola.
  • Bugünün sabahı da var.
  • Bugünkü ye, sabaha ya qismət.
  • Bugünkü uşaq – sabahkı qoçaq.
  • Bugünkü toyuq sabahkı qazdan yaxşıdır.
  • Bugünkü söz dünənki sözün körpüsüdür.
  • Bugünkü yumurta sabahkı toyuqdan yaxşıdır.
  • Bugünkü qız, sabah anadır.
  • Bu günkü qazma sabahkı neftdir.
  • Bu gündən sabahı gör.
  • Bu gün sən deyərsən, sabah sənə deyərlər.
  • Bu gün nəğd, sabah nisyə.
  • Bu gün mənədirsə, sabah sənədir.
  • Bu gün gəlib keçdi, sən sabaha bax.
  • Bu gün ye, sabaha qismət nə olsa.
  • Bu gün düşənbədir, meylinə düşən nədir?
  • Bu gün dünyadır, sabah axirət.
  • Bu gün qızını döyməyən sabah dizini döyər.
  • Bu gün var, sabah yox.
  • Bu gün belədir, sabah elə.
  • Bu gün ala dağda, sabah qara dağda.
  • Buyurduğu qulluğa bax, verdiyi haqqa.
  • Buyuran bilməz, hazırlayan bilər.
  • Buyur-buyurla iş keçməz.
  • Buyruq sizinkidir, adil hökmdar!
  • Buyruq sənin, qulluq mənim!
  • Buyruq allahdandır.
  • Buynuzlu bir quzu kəlləsilə canavara meydan qurar.
  • Buynuz sonra çıxar, amma qulağı keçər.
  • Buzu gün əridər, insanı xəcalət.
  • Buz üstə çıxan danaya dönüb.
  • Budaqdan qopan alma ağacın dibinə düşər.
  • Buğdasını sütül yeyən xırmanda ac qalar.
  • Buğdanın ucbatından acı otlar da su içər.
  • Buğdam var demə – anbara tökməyincə, övladım var demə – evlənməyincə.
  • Buğdadan əlim üzüldü, gümanım sənə gəlir, ay arpa çörəyi!
  • Buğda çörəyin yoxdur, buğda dilində nə gəlib?
  • Buğda olmayan yerdə, darını gözə təpərlər.
  • Bu cibindən çıxarıb o cibinə qoyur.
  • Bu can sənindir, əzizim, mənə nə minnəti.
  • Bu hələ hərbəsidir, zərbəsi daldadır.
  • Bu fərə o fərələrə bənzəməz!
  • Bu uşaqlıq deyil – dəcəllikdir.
  • Bu təpiyə at dözər.
  • Bu səsi bir daxmaya yerləşdirmək olmaz.
  • Bu sənə dərs olsun.
  • Bu necə bostançıdır, dəymişini qoyar, kalın dərər?
  • Bu pəhriz nə, bu lahıc turşusu nə?
  • Bu mənim üzüm, o sənin üzün.
  • Bu meydan bədoy meydanıdır, burda yabılar quyruq bular.
  • Bu mey meyxanasıdır, zurna-qavalı hələ
  • Bu köhnə sözdür, təzəsini də gəlsin.
  • Bu yerişlə hara çatarsan?
  • Bu ilki sərçə bildirki sərçəyə cik-cik öyrədir.
  • Bu zaman bax – öyrən zamanıdır.
  • Bu əli verəni o əli bilməz.
  • Bu əl o ələ köməkdir.
  • Bu dünyanın adamı deyil.
  • Bu dünyada maldan, mülkdən bir ağıllı baş yaxşıdır, anlamayan bir əllədən bir qara daş yaxşıdır.
  • Bu dünyaya etibar yoxdur.
  • Bu dünyadan xəbəri yox, o dünyadan danışır.
  • Bu dünyada keyf çəkim, o dünyada işim yox.
  • Bu dünya fanidir, fani!
  • Bu dünya genişdir, sənə də yer var, mənə də.
  • Bu dünya vəfasız dünyadır.
  • Bu dünya bir dəyirmandır, udar bir gün bizi.
  • Bu dünya arsızla qəmsizindir.
  • Bu dərə mənim, o dərə sənin.
  • Bu dərdi gora aparmaq olmaz.
  • Bu qılınc, bu meydan.
  • Bu boynum, bu da qılınc.
  • Bu arşına bez verməzlər.
  • Bu ağıl məndə, o dua səndə.
  • Böhtana düşən odsuz yanar.
  • Börkçünün börkü olmaz.
  • Börkünü qoy qabağına – fikir elə.
  • Böyüyünü tanımayanı heç kim tanımaz.
  • Böyüyün üzünə ağ olanı torpaq götürməz.
  • Böyüyün sözünə baxmayan gəzə-gəzə qalar.
  • Böyüyün böyük dərdi var, kiçiyin kiçik.
  • Böyüyü – axmaq, kiçiyi – toxmaq.
  • Böyüksüz evdə xeyir-bərəkət olmaz.
  • Böyüklərlə böyük ol, kiçiklərə göstər yol.
  • Böyükdən də böyük var.
  • Böyüyə böyük deyiblər, kiçiyə kiçik.
  • Böyük hər nə çalsa kiçik gərək oynasın.
  • Böyük tikə boğaz yırtar.
  • Böyük tənqid – böyük ədəbiyyat yaradır.
  • Böyük sənətkarlar yaranar az-az hər yerdə, hər zaman inci tapılmaz.
  • Böyük sözünə baxmayan, böyürə-böyürə qalar.
  • Böyük olarsan – bilərsən.
  • Böyük olanın qursağı gen gərək.
  • Böyük olan yerdə kiçik danışmaz.
  • Böyük gözün nuru olmaz.
  • Böyük insan işindən tanınar.
  • Böyük – evin qibləsidir.
  • Böyük dərd böyüyün yoldan azmasıdır.
  • Böyük daş götürmək vurmamaq əlamətidir.
  • Böyük dağın dumanı da böyük olar.
  • Böyük qapının böyük də halqası olar.
  • Böyük böyüklüyün bilməsə, kiçik kiçikliyin bilməz.
  • Böyüklə – böyük, kiçiklə – kiçik.
  • Böyük-böyük danışma, başına gələr.
  • Böyük başını kiçik işə qatma.
  • Böyük başın böyük də ağrısı olar.
  • Böyük ağacın kölgəsində min qoyun yatar.
  • Böyük ağacın kölgəsi böyük olar.
  • Böylə qəm, böylə kədər, böylə gələr, böylə gedər.
  • Boş çuval, boş anbar, ha doldur, doldur!
  • Boş çanağı dolu çanağa vurmaq istəyir.
  • Boş tüfəngdən iki adam qorxar.
  • Boş torba ilə at tutulmaz.
  • Boş torbaya at gəlməz.
  • Boş süfrəyə nə bismillah?
  • Boş sözdən fayda yoxdur.
  • Boş sözlə qarın doymaz.
  • Boş eşşək dəyirmana getməz.
  • Boş evə qız verməzlər.
  • Boş durunca düşməninə daş daşı.
  • Boş durana şeytan gülər.
  • Boş damardan qan çıxmaz.
  • Boş qazan qaynamaz.
  • Boş qab cingildər.
  • Boş boşuna danışır.
  • Boş anbar, boş dağarcıq, ha ölç – doldur!
  • Bostançının sovqatı əyri xiyar olar.
  • Bostançının kar vaxtıdır.
  • Bostançıya kəlik satmazlar.
  • Bostana girən porsuq yabanı qəbul elər.
  • Bostana girən qoduğun qulağı, quyruğu olmaz.
  • Bostan peyini kimi şişmə.
  • Borcu həmişə kəm ver, qaytarmasa peşman olmazsan.
  • Borcu almaq asandır, qaytarmaq çətin.
  • Borcsuz adam yoxsul bəydən yaxşıdır.
  • Borcsuz adam – bəyzadədir.
  • Borclunu çox darıxdırma, danar.
  • Borcunu verən varlanar.
  • Borcludan bir lax yumurta da olsa al, vur divara.
  • Borcludan bir güvəc al, vur yerə sınsın.
  • Borclu ölməz, bənizi saralar.
  • Borclu borclunun sağlığın istər.
  • Borcdan qorxan qapısını gen açmaz.
  • Borca elə giriş ki, tez qaytara biləsən.
  • Bol-bol yeyən, bəl-bəl baxar.
  • Böyük nə eyləsə, kiçik onu götürər.
  • Boyunu böyütdükcə, ağlını böyüt.
  • Boynunu bitlər yeyir, çörəyini itlər.
  • Boynun qıldan nazikdir.
  • Boyunduruqdan qaçan öküzü kəsərlər.
  • Boyuna baxma, bacarığına bax.
  • Boyun olsun, boyunduruq qapılar.
  • Başı daşdan-daşa dəyməyincə ağlı başına gəlməz.
  • Başı böyükdür, beyni yox.
  • Başı bədəninə ağırlıq eləyir.
  • Başı başına, başmağı da ayağına.
  • Başı baş edən – ayaq, ayağı ayaq edən – dayaq.
  • Başı ağ, ürəyi qara!
  • Başlı başın saxlasın, mən başımdan bezaram.
  • Başdan papaq apardır.
  • Başda tük olsun, daramağa nə var?
  • Başda oturan baş olmaz.
  • Başbilənsiz iş olmaz.
  • Başaçığın qaçan yeri – papaqçı dükanı.
  • Başa düşənə can qurban.
  • Başa düşənə milçək səsi düşməyənə zurna- qaval.
  • Başa düş, başımı yar.
  • Baş ürəkdən su içər.
  • Baş hara gedərsə, ayaq da ora gedər.
  • Baş sınar bel içində, qol sınar kürk içində.
  • Baş olsun, börk tapılar.
  • Baş olmayan gövdə leşdir.
  • Baş ol, istərsən lap soğan başı ol.
  • Baş namərd əlindədir, nə kəsir, nə bağışlayır.
  • Baş yoldaşı azdır, aş yoldaşı çox.
  • Baş əyməklə baş ağrımaz.
  • Baş vermək olar, sirr vermək olmaz.
  • Baş bostanda bitməz.
  • Baş bədənin tacıdır, gözlər onun qaş-daşı.
  • Baş ağrıyanda Allah yada düşər.
  • Baş ağır, papaq yüngül gərək.
  • Bacı oğlunu dayısı tanıdar bacı qızını xalası.
  • Bacı ki, evdən çıxdı, ixtiyarı səndən çıxdı.
  • Bacı bacı deyil, qız qardaşdır.
  • Bacasının əyriliyinə baxma, tüstüsünün düz çıxmasına bax.
  • Bacarsan hamının yükünü sən daşı.
  • Bacarıq ağlın nişanəsidir.
  • Bacarmadığın bir işi "bacararam" demə.
  • Bacarana can qurban!
  • Bacaran bal yeyər.
  • Bahalıqda çörəyin əsirgəyən ucuzluqda yalqız qalar.
  • Bahalıqda aldığımı,ucuzluqda sataram.
  • Baxmaqla qarın doymaz.
  • Baxmaq kirayə istəməz.
  • Baxma deyənə, bax dediyinə.
  • Bax mənə bir gözlə, baxım sənə iki gözlə.
  • Bax mənə, baxım sənə.
  • Batman qara daşdan, yaxşılıq iki başdan.
  • Batırmayan ocaq başı qoymayıb.
  • Basılanı əzməzlər.
  • Barıtı qurtarıb.
  • Barıt ilə odun dostluğu olmaz.
  • Barmağımın onunu da şam eləyib gözünə soxsam, deyər: - Görmürəm!
  • Barmağımın beşini də bal eləyib ağzına soxsam, deyər: - Zəhərdir.
  • Barmağın hansını kəssən, ağrısı birdir.
  • Barmağı işin içindədir.
  • Barmaq hesabı verir.
  • Barlı ağacın başına dolanarlar.
  • Barsız ağaca daş atmazlar.
  • Bar verən ağaca daş atarlar.
  • Bar vaxtı bağbana salam verən çox olar.
  • Banlayan toyuq mollaya düşər.
  • Balta öz sapını kəsməz.
  • Balta görməyən bağ meşə olar.
  • Balta ağac kəsməzdi, sapı ağac olmasaydı.
  • Balığın böyüyü tabaq altındadır.
  • Balığı nə vaxt tutsan təzədir.
  • Balığı ya öldür, ya sudan çıxart.
  • Balıq tutan suyu bulanıq istər.
  • Balıq tutan islanmaqdan qorxmaz.
  • Balıq tora düşəndən sonra ağlı başına gələr.
  • Balıq sudan çıxdı – öldü.
  • Balıq suda ikən bazarlıq olmaz.
  • Balıq kimi qulağı şır-şırdadır.
  • Balıq istəyənin quyruğu buzda gərək.
  • Balıq istəyən – özünü suya vurar.
  • Balıq başından iylənər, camış ayağından.
  • Balıq balığı udmasa – dəryanı balıq tutar.
  • Balıq balasını da ovlar.
  • Baldız – çuvalduz hərdən gələr sancar, gedər.
  • Baldız elə baldızdır, bacısı sağ olsun.
  • Baldızıma Quran qənim olaydı, qaynanamı bağda ilan çalaydı, qaynatama Məkkə qismət olaydı.
  • Balacanın dərdi də balacadır.
  • Balaca ağaca çıxıb, böyük budaq silkələyir.
  • Bala baldan şirindir.
  • Bala bağır ətidir.
  • Balağa girdi bağa, bir quş tutdu, o da qurbağa.
  • Balçının var bal tası, odunçunun baltası.
  • Balçı qızı – daha şirin.
  • Balsız şanda arı durmaz.
  • Balını ye, arısını soruşma.
  • Balın yoxdur, bal kimi dilin olsun.
  • Balı olana doşab satmazlar.
  • Balı əli uzun olan yeməz, qismət olan yeyər.
  • Balı dibindən, yağı üzündən.
  • Balı da sənin, bəlası da.
  • Bala quşun ağzı böyük olar.
  • Bal tutanın arısı Şamdan gələr.
  • Bal dedim, bəlaya düşdüm.
  • Bal verən çiçəyi arı tanıyar.
  • Bakılı cüt danışar, şəkili – qaş-gözlə, dərbəndli – kəllə ilə.
  • Bakıda işlə – Gəncədə dişlə.
  • Bakıda qazan – Tiflisdə xərclə.
  • Bakı Şərqin qapısıdır.
  • Bakı yetim-yesir məskənidir.
  • Bayırı kaşi-çini, içərisi toyuq hini.
  • Bayraməlisiz toy olmaz.
  • Bayram sümüyü ilə köpək kökəlməz.
  • Bayram bəyi olub.
  • Bayquşun ruzisi ayağında gedər.
  • Bayquşun da dar olmasın qəfəsi.
  • Bayquş xarabalığı gülüstana deyişməz.
  • Bayquş gündə üç sərçə yeyər.
  • Bazarın gözün çıxarıb.
  • Bazara gəldi qul alan kül başına dul alan,yerin cənnətdə olsun, qız əlindən gül alan.
  • Bazarın əvvəl!
  • Bazarın bazar, qadam sənə, mərdimazar.
  • Bazarı kasad olan mərdanə gərək olsun.
  • Bazarda bez ucuz olanda adam özünü öldürməz.
  • Bazara gedər yağış yağar, dəyirmana gedər qırğın olar.
  • Bazar şeytan yuvasıdır.
  • Bazar çörəyi çox olsun, bazarda olsun.
  • Bazar olsun bazarın!
  • Bazar yansın, amma, mənə bir manat qazanc olsun.
  • Bazar içində it qulağı kəsməzlər.
  • Bazar quruldu, hesab duruldu.
  • Bazar baqqalsız, meşə çaqqalsız olmaz.
  • Bazar ata-ana tanımaz.
  • Bədnan gələn, bədnan gedər.
  • Bağçalar sarı, heyvası narı, hamı dinsə də, sən dinmə barı.
  • Bağça məndə, bar məndə, heyva məndə, nar məndə, könlüm əttar dükanı, nə istəsən var məndə!
  • Bağlı qapıya xəta dəyməz.
  • Bağça bağın qıydı, bağban salxım da qıymadı.
  • Bağında gül var ikən gül üzünə, bağında gül qurtardı kül üzünə.
  • Bağım var, bağım var, - tuman bağı!
  • Bağda gülə baxarlar.
  • Bağda ərik var idi, salam-əleyk var idi,
    bağdan ərik qurtardı, salam-əleyk qurtardı.
  • Bağda əlləşənin qurşağı qığ olar.
  • Bağbanın bar vaxtı, qulağı ağır eşidər.
  • Bağban tələsər, armud vaxtında yetişər.
  • Bağa yol gedə bilməz, evini dalında gəzdirər.
  • Bağban bir gül üçün, min xara xidmətkar olar.
  • Bağanı ya öldür, ya dalısı üstə qoy.
  • Bağa çanağından çıxdı, çanağını bəyənmədi.
  • Bağa bax üzüm olsun, yeməyə üzün olsun.
  • Bağa bax, barını gör.
  • Bağa bağban lazımdır, qoyuna çoban.
  • Badə ki, bir şərabdır hər kəs ondan içməlidir, ölmək ki, bir körpüdür, hər kim ordan keçməlidir.
  • Bağa bağ deməyiblər, bax deyiblər.
  • Bağ satıb, dağ alıb.
  • Bağ salan barın yeyər.
  • Bağ kəsmək eşşəkdən qalıb.
  • Bağ belə, bostan belə, tənəkləri şələ-şələ!
  • Bağ bağbansız olmaz, dəvə sarbansız.
  • Bağ alma bağlanarsan, dağ alma dağlanarsan, qoyun al, yağlanarsan.
  • Baqqal ölülərin borcun dirilərə yüklər.
  • Baqqal daşdan kəsər, siçan baqqaldan.
  • Baqqal, qəssab – hər ikisi bir hesab.
  • Bablı babın tapmasa, işi ah-vayla keçər.
  • Bablı baba ilə, su qullabı ilə.
  • Babanın üzünü ağardan nəvəsi olar.
  • Babanın əlindən nəvə tutar.
  • Babadan hümmət – nəvədən xidmət.
  • Baba paltarı geyərsən, baba olarsan.
  • Boynu uzun – beyni boş.
  • Boyaqçı küpü deyil ki, salıb çıxardasan.
  • Boz tula gedər, boynuyoğun gələr.
  • Boz üzüm var, doğru sözüm.
  • Boz at da öldü, Murtuzalı bəy də.
  • Boğuşan köpəyin yarası əksik olmaz.
  • Boğazında qalar, asta ye!
  • Boğazında başmaq tayı qalıb?
  • Boğazı böyük olanın dostu olmaz.
  • Boğaz yediyini istəməz, göz gördüyünü istər.
  • Bişmiş aşına soyuq su qatma.
  • Bişirdik qoyduq dəmə, yeyənə nuş olsun.
  • Bıçaq sümüyə dayanıb.
  • Bıçaq öz dəstəsin kəsməz.
  • Bıçaq vursan qanı çıxmaz.
  • Bıçaq yarası sağalar, söz yarası sağalmaz.
  • Bığın yağlayıblar.
  • Bığının altından keçiblər.
  • Bığı buraxmısan, saqqala salam vermirsən?
  • Bığ saqqaldan qabaq çıxıb.
  • Bişmiş aşın darğası.
  • Biçməmiş tikmək olmaz.
  • Biçinçi haqqını yerdən götürər.
  • Biçimsiz bir libası biçimli geymək hünərdir.
  • Bihudə hərəkət bel sındırar.
  • Bitdi hər yarağımız, qaldı saqqal darağımız.
  • Birlikdən qüvvət doğar.
  • Birlik olmayan yerdə dirilik olmaz.
  • Birisi mənə bağlıdır, mini də birisinə.
  • Birisi atlas geyinmiş damaqlı, birisi tapmayır tuman yamaqlı.
  • Birinci addımda lovğalanan ikinci addımda yıxılar.
  • Birinin əli, o birinin dili işləyir.
  • Birini minir, birini yedəyə çəkir.
  • Birini gör fikir eylə, birini gör şükür eylə.
  • Birini yeyir, birini də başı altında qoyur.
  • Birini ye, birini yemə, birini de, birini demə.
  • Birini evə qoyan yox idi, soruşdu: - Çuxamı hardan asım?
  • Birini bilirsən, birinə bilmirsən.
  • Birini yandırır, birin qandırır.
  • Biri çalır, biri züy tutur.
  • Biri ölməyincə, biri dirilməz.
  • Biri od olanda o biri su olar.
  • Birə min demiş, bir-bir vermiş yenə bazar pozulmamış.
  • Biri mənim, biri bəndənin, birini də nazlı yara göndərim.
  • Biri yıxıldı, biri dikəldi.
  • Biri yeyər, on biri baxar, qiyamət onda qopar.
  • Biri yanır, biri batır, biri yatır.
  • Biri yazar, biri pozar.
  • Biri işlər, on biri dişlər.
  • Biri itər, yüz biri bitər.
  • Biri ərə gedər, biri gora.
  • Biri əkər, biri biçər.
  • Biri dörd görür.
  • Biri acından şalvarını satırdı, dedilər: - Nisyə verərsənmi?
  • Birəsinin beş batman yağı var.
  • Birənin qanını aldın – canını aldın.
  • Birə şıllaq atdı, dəvənin gözünü çıxartdı.
  • Birə dözən, minə yetər.
  • Bir şeyi verib pis olunca, verməyib pis ol.
  • Bir şeyin qiyməti, o şey əldən gedəndən sonra bilinər.
  • Bir həsirdir, bir də Məmmədnəsir.
  • Bir çustumdur, bir postum, hamı da mənim dostum.
  • Bir çuval qızıl borcun olsun, bir çuval buğda borcun olmasın.
  • Bir çetvər dilini qoyub, bir batman başı ilə danışır.
  • Bir çörək özün ye, birin də Allah yolunda ver.
  • Bir çörək bir çörəyə borcludur.
  • Bir çırağın işığına qırx adam əyləşər.
  • Bir çılpağı yüz cəbbəli soya bilməz.
  • Bir çiçəkdir, iynəyənin burnu düşər.
  • Bir çeynəm saqqızın var, çeynə yapışdır alnına.
  • Bir həsir, bir yesir.
  • Bir fikir nə qədər qarşılıq görsə, o qədər tərəqqi edər.
  • Bir uşağın ağlı gördüyü işlərdən məlum olmaz.
  • Bir ürəkdə iki məhəbbət olmaz.
  • Bir utanma, bir inanma.
  • Bir tövlədə at da olar, eşşək də.
  • Bir torba dəni var, beş dəyirmana üyütməyə gedir.
  • Bir toyuq ki, yumurta üstündə oturdu, ona bıçaq yoxdur.
  • Bir toyuq bir yumurta qoyunca, yeddi məhəlləyə eşitdirər.
  • Bir tikənin qırx il haqqı var.
  • Bir tikə çörək on il yadda qalar.
  • Bir tikə çörək daşdan çıxır.
  • Bir taxtda iki padşah divan etməz.
  • Bir tək arı bir yığın çibindən yaxşıdır.
  • Bir tay düyünü dalında gəzdirir.
  • Bir sürüyə bir qurd yetər.
  • Bir su ki, səni aparır, deynən Arazdır.
  • Bir subay oğlan, bir mitil yorğan!
  • Bir söylə, iki dinlə.
  • Bir sərəncam, qırx nəsihətdən yaxşıdır.
  • Bir səbət yumurtaya, bir qəpik bəsdir.
  • Bir saman çöpü dəvənin belini əzər.
  • Bayquş yaranandan bəri viranə üçündür.
  • Bir şəm ki, haqdan yana, heç bad ilə sönməz.
  • Bir saat yarı görməsəm, yandırram dağı Şeydalı.
  • Bac istərəm bacımdan, bacım ölür acından.
  • Bikardan hamı bezar olar.
  • Bikar oturmaqdan, bikara işləmək yaxşıdır.
  • Bikar sözü ilə arvad alma.
  • Biyara get, bekar qalma.
  • Bizim eşşək əvvəldən quyruqsuz idi.
  • Bizə gələn keçəlin saçı dabanından olar.
  • Biz çörək vermədik çörək istəyək, biz çörək verdik ki, çörəkli olaq.
  • Biz ümid olduq daza, daz özün qoydu naza.
  • Biz ondan yoğurt umuruq, o bizdən ayran istəyir.
  • Biz gülünü dərdik, siz gülabını çəkərsiz.
  • Biz evləndik – gülüşü dərdik, sən evləndin – barmağın bala batdı.
  • Biz də adəm övladıyıq.
  • Biz qane olduq qaza, qaz özün qoydu naza.
  • Biz bu saqqalı dəyirmanda ağartmışıq.
  • Bəşər şeytansız olmaz.
  • Bəhslə Həccə gedən yollarda sərgərdan olar.
  • Bəhanəçiyə bəhanə əskik olmaz.
  • Bəxşiş var xalvarla, hesab var dinarla.
  • Bəxşiş atın dişinə baxmazlar.
  • Bəxtini buzda sına oğulda, qızda sına!
  • Bəxtin gətirəndə bədbəxtliyini yadan çıxartma.
  • Bəxtin yatdı, sən də yat.
  • Bəxtim olsaydı anadan qız doğulardım.
  • Bəxtim bəxtindən küsüb.
  • Bəxti yox idi, bədbəxtliyi kömək elədi.
  • Bəxti yar olanın yar sarar yarasını.
  • Bəxt dönəndə burunun suyu gözə damar.
  • Bəsləsən atlas olar tut yarpağından.
  • Bəslə qarğanı – ovsun gözünü.
  • Bərkdən-boşdan çıxmış adamdır.
  • Bərkdən bir çıxar, boşdan iki.
  • Bərkdə-boşda əli yoxdur.
  • Bərəkətin bir yanı xırmandır, bir yanı nənənin ətəyi.
  • Bərdə Qarabağın darvazasıdır.
  • Bəndə bəndəyə neylər, tanrı gözdən salmasa?
  • Bəlkəni əkiblər – bitməyib.
  • Bəlkəyə heç nə vermirlər.
  • Bəlkə getdin gəlmədin?
  • Bəlkə də qaytardılar.
  • Bəlin şəkər, nazın kim çəkər?
  • Bəlin də yandırdı məni, hərin də yandırdı məni.
  • Bələdçiliyə gedən yorulmaz.
  • Bələdçiyə yol göstərməzlər.
  • Bələdsiz yola çıxan yolun azar.
  • Bəlasını mən çəkdim, səfasını ellər.
  • Bəladan qaçmaq olmaz.
  • Bəladan qaçan bəlaya düşər.
  • Bəla cana gələcəksə, mala gəlsin.
  • Bəla həmişə yaxşı adamı tapar.
  • Bəla gələndə "gəlirəm" deməz.
  • Bəla bəla üstündən gələr.
  • Bəla bəla gətirər.
  • Bəla başının üstünü alıb.
  • Bəkməz satana da lənət, bəhməz alana da!
  • Bəy evindən küt gəldi, dalınca da it gəldi.
  • Bəyin çeşməsindən su içmə.
  • Bəyin kölgəsindən it kölgəsi yaxşıdır.
  • Bəyin əli cibindən çıxınca, kasıbın canı çıxar.
  • Bəyə inanma, suya dayanma.
  • Bəyə bel bağlayanın heybəsi çiynində gərək.
  • Bəydən gəlmiş nökərəm, dişlərini tökərəm!
  • Bəy ilə dost olanın tövləsi dolu olar, samanlığı boş.
  • Bəy ilə bəy dalaşdı, nökərin başı yarıldı.
  • Bəy ilə dalaşmaq dirəklə güləşməyə bənzər.
  • Bəy ilə bostan əkənin tağı belində bitər.
  • Bəy dediyin nədir, bəyənmədiyin nədir?
  • Bəy verən atın dişinə baxmazlar.
  • Bəzənmisən bu kündəsən, bəzənməsən nə gündəsən?
  • Bəzənirəm ağadan qorxuram, bəzənmirəm – xanımdan.
  • Bəzən tanrıya da ağ olur insan.
  • Bəzən düz yerdə də insan büdrəyir.
  • Bəzən dirilər ölülərə həsəd aparır.
  • Bəzən dəli də ağıllı söz deyir.
  • Bəzən az tamah çox ziyan verər.
  • Bədəsildən əsil olmaz, qaçan qızdan – xanım!
  • Bədəsildən əsil olmaz, doyunca qızıl qala.
  • Bədəsili başa çəkərsən, sürüşər ayağa düşər.
  • Bədrəng özü də bir rəngdir.
  • Bədənini təmiz saxla, qəfil əcəl gələr.
  • Bədən başa deyir: - Saxla məni, saxlayım səni.
  • Bədbəxtin atı çox getməz.
  • Bədbəxt ova çıxdı, dağları duman aldı.
  • Bəd at özün gözlər, yaxşı at igidi.
  • Bəd övlad xətaya ürcah olar.
  • Beşdə alacağım yox, üçdə verəcəyim.
  • Beş gün yaraq, bir gün gərək.
  • Beş ilin öküzü, qırx ilin qazısın aldadır.
  • Beş barmağım kimi bilirəm.
  • Belə malın var, apar Cəfərabad bazarına.
  • Belə yatan öküz Yük götürməz.
  • Belə də qalmaz, belə də getməz, bir gün olar bəxt oyanar.
  • Belə ağzın var, çoxlu saqqız çeynə.
  • Bez istəyirsən – Zəncana get, ölüm istəyirsən - Gilana.
  • Başqasının əli ilə aş yeyənin qarnı doymaz.
  • Başqasına pislik edən özünə etmiş olar.
  • Başqasına köynək oldun, mənə barı xiştək ol.
  • Başmaqçının başmağı olmaz.
  • Başmaqçının başmağı yırtıq olar.
  • Başmağından xeyir görən, patavasından çəkər.
  • Başmağını cütlədilər.
  • Başmağını geyə bilərsən, yerişimi yeriyə bilməzsən.
  • Başmaq cütlənəndə məlum olar.
  • Başmaq palçıqsız olmaz.
  • Başlı başın saxlasın.
  • Başlanmış iş yarı olmaq deməkdir.
  • Başını yarıb ətəyinə qoz tökür.
  • Başını itirən tükü üçün ağlamaz.
  • Başını divara vurur.
  • Başını daz eyləmə, hər daz bir taledə olmaz.
  • Başını qatlayıb it qabağına qoyma.
  • Başında köhnə hava qalıb.
  • Başına tənbəki oyunu açıb!
  • Başına gələn bilər.
  • Başına dəyirman daşı qoysalar xəbəri olmaz.
  • Başın tükü ayağına salama gəlib.
  • Başın böyüklüyü dövlətdir, ayağın böyüklüyü möhnət.
  • Başın bədəninə ağırlıq eləyir?
  • Başımı sındır, məzənnəmi sındırma.
  • Başımı kəs, xatirimə dəymə.
  • Başımı yarır, ətəyimə qoz tökür.
  • Başımı qaşımağa vaxtım yoxdur.
  • Başına quş qonmayıb ki?
  • Başın keçəl, gözün kor, bəs sənin haran yaxşıdır?
  • Bir ata doqquz oğul saxlar, doqquz oğul bir atanı saxlamaz.
  • Bir-birini sevən ər-arvad komada da xoşbəxt olar.
  • Bu dünyada şirin şey, bir anadır, bir Vətən.
  • Bağa baxarsan bağ olar, baxmazsan dağ olar.
  • Böyüyün sözündən çıxmazlar.
  • Böyük tökəni kiçik yığar.
  • Böyük sözünə baxmayan, baxımsız qalar.
  • Böyük danışanı kiçik götürər.
  • Böyük danışanda kiçik danışmaz.
  • Bir ata yeddi oğulu dolandırdı, yeddi oğul bir atanı dolandırmadı.
  • Buğdadan, arpadan əlim üzüldü, ümidim sənə qaldı, ay darı xırmanı!
  • Bu arxa bir su gəlib, ümid var bir də gələ.
  • Boyunduruq bilir, öküz nə çəkir.
  • Boş çanağı vurur dolu çanağa.
  • Bizim evdə də bir gün bayram olar.
  • Başını keçəl eləmə, Hər keçəlin taleyi bir olmaz.
  • Başına gələn başmaqçı olar.
  • Balıq istəyən özünü suya vurar.
  • Bal tutan barmaq yalar.
  • Bağbanın könlü olsa, nə gəlib bağda bara.
  • Bol çörəyin yoxdur, şirin dilin olsun barı.
  • Bir misqal dilini qoyub, bir batman başı ilə danışır.
  • Bir doğru ki, yalana oxşadı, onu deməzlər.
  • Bir dəli quyuya bir daş atdı, on ağıllı gəldi, çıxara bilmədi.
  • Bir qəlbi ki, tikə bilmirsən, niyə yıxırsan?
  • Bildiyindən danış, bilmədiyin səni güdaza verər.
  • Başa dil gətirəni, el gətirə bilməz.
  • Bir qorxaq bir ordunu bada verər.
  • Bir mıx bir nalı, bir nal bir atı, bir at bir igidi, bir igid bir eli qurtarar.
  • Bir igid qırx ildə meydana gələr.
  • Beş günün yarağı, bir günün gərəyi.
  • Bığdan götürüb, saqqala qoyur.
  • Burnun girməyən yerə başını soxma.
  • Burda mənəm, Bağdadda kor xəlifə.
  • Buynuzsuz qoçun qisası, buynuzlu qoçda qalmaz.
  • Buğda çörəyin yoxdursa, buğda dilinə nə gəlib...
  • Buğda göstərir, arpa satır.
  • Bu uşaqlıq deyil, şıltaqlıqdır.
  • Boyaqxana küpünü azdırma.
  • Boşdan bir çıxar, bərkdən iki.
  • Birə bir deyiblər, birə iki deməyiblər.
  • Bir tikəni bilməyən, min tikəni də bilməz.
  • Bir napakdan qorun, bir də köpəkdən.
  • Bir gözü alça dərir, bir gözü gavalı.
  • Bir yeyərəmdən qorx, bir də yemərəm deyəndən.
  • Bir qəpiklik qutab kimi özünü ortaya soxma.
  • Bir versən bir də istər, Yatmağa yer də istər.
  • Bir dadanandan qorx, bir qudurandan.
  • Bir ac qudurar, bir yalavac.
  • Bildiyini babasına da verməz...
  • Bədəsili başa çəkərsən, sürüşüb ayağa düşər.
  • Bədəsil əsil olmaz, boyunca qızıl qala.
  • Beşdə alacağın yox, üçdə verəcəyin.
  • Belə otlayan idin, niyə arıq düşdün?
  • Başı daşa dəyməyincə ağlı başına gəlməz.
  • Başından böyük danışma.
  • Başını yarıb, ətəyinə qoz tökür.
  • Barmağının beşini də bal elə, pis adamın ağzına sal, yenə deyər: acıdır.
  • Bazarın bazar, qadam sənə mərdumazar!
  • Bağa qınından çıxdı, qının bəyənmədi.
  • Bilməmək eyib deyil, soruşmamaq eyibdir.
  • Bilmədiyini biləndən sor.
  • Baxmaqla öyrənmək olsa, it də qəssab olar.
  • Bacarıq ağılın nişanəsidir.
  • Bir daş altda, bir daş üstdə.
  • Bir ağızdan çıxan min ağıza yayılar.
  • Bir su ki, girdi qaba, oldu içməli.
  • Birlik harada, dirilik orada.
  • Bir gün düz yediyin yerə, qırx gün salam ver.
  • Birisi minə bağlıdır, mini də birə.
  • Baş-başa verməyincə daş yerindən qalxmaz.
  • Bir adam, ən çox sevgilisini, ən yaxşı şəkildə ailəsini, ən uzun da anasını sevər. (İrland atalar sözləri)
  • Bütün adamların qanı qırmızı, bacarıqları fərqlidir. (Alman atalar sözləri)
  • Borc alan, azadlığını satar. (Alman atalar sözləri)
  • Balıqlar qarmaqla, insanlar şirin dillə ovlanar. (Alman atalar sözləri)
  • Balıq başdan iy verər. (Alman atalar sözləri)
  • Bütün bəlaların mənbəyi tamahkarlıq, bütün cəfaların səbəbi hərislikdir. (Türkmən atalar sözləri)
  • Başqasından üstün olmağımız əhəmiyyətli deyil. Əsl əhəmiyyətli olan şey, dünənki halımızdan üstün olmağımızdır. (Hind atalar sözləri)
  • Bəxtin ömrü sobanın üstündəki qar topunun ömrü qədərdir. (İsveç atalar sözləri)
  • Bir adam körpü qurar, min adam keçər. (Özbək atalar sözləri)
  • Biləyi güclü birini yıxar, biliyi güclü minini. (Özbək atalar sözləri)
  • Bağa bülbül, adama ağıl yaraşar. (Özbək atalar sözləri)
  • Birləşmək başlanğıcdır, birliyi davam etdirmək inkişafdır; birlikdə işləmək müvəffəqiyyətdir. (Amerika atalar sözü)
  • Bir adam hər şeyi öyrənə bilməz (Rus Atalar Sözləri)
  • Bir ürək acı çəkər, digərinin xəbəri olmaz (Rus Atalar Sözləri)
  • Bu gün mənə, sabah sənə (Rus Atalar Sözləri)
  • Bilən danışmır, danışan bilmir. (知る者言わず、言う者知らず shiru mono iwazu, iu mono shirazu) (Yapon atalar sözləri)
  • Bir dostunuz yemiş baxçasında gəzirsə, dalğın görünməyiniz ən böyük nəzakətdir. (Yapon atalar sözləri)
Get it on Google Play Available on the App Store
Top