Sizin reklam burada

050 285 43 33

  • Tənbəllik çox zaman səbirlə qarışdırılır. (Fransız atalar sözləri)
  • Təmiz bir vicdan qədər yumşaq yastıq yoxdur. (Fransız atalar sözləri)
  • Təzə bardağın suyu sərin olar. (Türk atalar sözü)
  • Təhsil, hər zaman sahibini arxasından təqib edən bir sərvətdir (Çin atalar sözləri)
  • Toyun əvvəlində getmə, axırına da qalma.
  • Torpaq deyər: "Öldür məni,dirildim səni!"
  • Tənbəl deyər: "Bu gün oynaram, sabah oxuyaram."
    Çalışqan deyər: "Bu gün oxuyaram, sabah oynaram."
  • Torpaqda itki olmaz,
    Kötüksüz bitki olmaz.
  • Tamarzıdan al, dadanmışa ver.
  • Tələsən tərsə düşər.
  • Torpaq becərənin, iş bacaranındır.
  • Toyuq ölür, bir cəngə tükdür.
    Dəvə ölür, dərisi iki ulağa yükdür.
  • Türk - türkü vurar, arada 'tat' aparar.
  • Tələsən ayaq büdrər.
  • Tələsən təndirə düşər.
  • Tutduğun qoyur, qaçanı qovur.
  • Tutuqlu qılınc, baş kəsməz.
  • Tündə bəslənər, danda səslənər.
  • Tüstüsüz od yandırır, sağı sola calıyır.
  • Tülkünün gəzib gəldiyi yer, kürkçü tükanıdır.
  • Toxdalı gəl iş olsun, əyri otur düz olsun (əyri otur düz danış).
  • Taxıl atsan siçan ölməz, sümük atsan - it.
  • Tarlada izin, süfrədə üzün olsun.
  • Tarlayı düz al, qarını qız al.
  • Tək qanatlı quş, uçamaz.
  • Təmiz su axar, kirlisi qoxar.
  • Tik çıxsın, dilə gəlsin.
  • Tikən acısı gedərmiş, dil acısı qalarmış.
  • Tikməsən çıxmaz, diləməzsən gəlməz.
  • Tin diləni, dil deyər, göz sezəni, qol edər.
  • Topal ilə gəzən, axsamaq öyrənir.
  • Topraq diyər: tərlə mənə, zər töküm sənə.
  • Tülkü yatağın bilir.
  • Türk demə tək de. fars demə tərs de.
  • Türk dili, bağa bənzər.
  • Türkə bir səlam ver, yeməyi özü verər.
  • Türkəm, qaçanı qovmaram, qovandan qaçmaram.
  • Tüstüsüz od olar, odsuz tüstü yox.
  • Türkün gücü türkə çatar.
  • Tənbəl həmişə "xəstəyəm" deyər.
  • Tərləməmiş heç nə qazanmaq olmaz.
  • Tez gələn şöhrət baş gicəlləndirər.
  • Tazıya tut deyir, dovşana qaç.
  • Təzə ağa, təzə ağacan.
  • Toxun acdan xəbəri olmaz.
  • Toz bucağım, öz bucağım.
  • Taxta qaşıq ağız yırtar.
  • Taledən qaçmaq olmaz.
  • Tanrı verəni, qurd yeməz.
  • Taylı tayın tapmasa, günü ah-vayla keçər.
  • Tez ayrılan, az göz yaşı tökər.
  • Tez duran, tez evlənən peşman olmaz.
  • Tez qızan, tez soyuyar.
  • Tez yatan və tez duran insanda – can sağlığı, dövlət və ağıl olar.
  • Təbiət boşluğu sevmir.
  • Təcrübə müdrikliyin anasıdır.
  • Təkamül həyatın anasıdır.
  • Tələ yeminə baxarsan, tilova düşərsən.
  • Təmiz ad hər şeydən üstündür.
  • Təmiz adama zaval yoxdur.
  • Təmiz ad var-dövlətdən yaxşıdır
  • Təmiz adı itirmək asandır, nəinki onu qoru­maq.
  • Təmiz əlin yuyunmağa ehtiyacı yoxdur.
  • Tabutun özgə çiynində görməyən, ölümünə inanmaz.
  • Tamahkarlıq, baş yarar.
  • Tapılan dilək, tikilən dirək, biri çatılır, biri yapılır.
  • Tək səbir yaxşıdır, cüt səbir xoşdur.
  • Tora düşən səbir eyləməsə özünü fələkətə salar.
  • Tək gəldi səbir eylə, cüt gəldi xeyirdir.
  • Tərləməmiş pul qazanmağ olmaz.
  • Təzə ay çıxanda, köhnə ayı doğrayıb ulduz qayırarlar.
  • Təzə bəydən köhnə bəyə bir xələt.
  • Tanrım, böyüklərdən ululuğu, qocalardan hörməti, cocuqlardan utancı qoparma.
  • Tələsən gecəyə düşər.
  • Tələsən bir yerinə iki verər.
  • Tələsən evə yetişməz.
  • Tələsən, tələyə düşər.
  • Tələsən yolda qalar.
  • Tas ki girdi başa, bil ki hamam vaxtıdır.
  • Tökülmüş süd, göz suyuyla yığılmaz.
  • Tutar qatıq, tutmaz ayran.
  • Taxtadan maşa, səfehdən paşa olmaz.
  • Tülkü ölümü, aslan ağlatmaz.
  • Tülkü ətə gələr, dovşan ota.
  • Tökmə su ilə, dəyirman dönməz.
  • Toyuq ölsə bir tükdü, dəvə ölsə dərisi bir yükdü.
  • Toyuq həm toyda kəsilir, həm yasda.
  • Toyda qız bəyənməzlər.
  • Toy oynaqsız, ev qonaqsız olmaz.
  • Təzə evə köçəndə, əsgi evdən kül götür.
  • Taxıl, kəpəksiz olmaz.
  • Tat olsun türk olsun, söz gərək onqat (doğru) olsun.
  • Tutmusan ucundan, gedirsən ucuzluğuna.
  • Tutmadı bostan, olmadı qarpız.
  • Tutu quşu danışar, amma insan olmaz.
  • Tutivarı əzbərləyəndir.
  • Tutu, çiyələyi birdən dəyib.
  • Tutdu göv, tutmadı – kələm başı!
  • Tutdu qatıq, tutmadı ayran!
  • Tut ağacı əkən ipək dərər.
  • Turş alçadır – görənin ağzı sulanar, yeyənin dişi qamaşar.
  • Turp əkdim, şəlqəm çıxdı.
  • Tumanı cırıq kəndxuda, istəyir bizi qorxuda.
  • Tulanın quyruğunu kəsməklə köpək olmaz.
  • Tula itdən murdardır.
  • Traktora qulluq elə, atı yadından çıxartma.
  • Tövbəsin sındıran kişi deyil
  • Tövbəsini sındıran məl№undur.
  • Tövbəsi tövləyəcəndir.
  • Topuğundan vursan yıxılmaz.
  • Topuğuna su çıxmır.
  • Toxum at, toxum götür.
  • Tox toyuğu ilə, ac soyuğu ilə.
  • Tox nə bilir, ac nə çəkir?
  • Tox gedər, ac qayıdar.
  • Tox it ac bəydən yaxşıdır.
  • Tox ikən yeyən, dişi ilə özünə qəbir qazıyar.
  • Tox evin ac pişiyidir.
  • Tox elə bilər ki, heç acmaz,
  • Torpağın sirrini əli torpaqda olandan sor.
  • Torpağın qarası üz ağardar.
  • Torpağı sanı yaşayasan!
  • Torpağı bir yerdən götürülüb.
  • Torpaqnan oynayan ac qalmaz.
  • Torpaq ovuclayan – qızıl ovuclar.
  • Torpaq kimi bərəkətli ol ki, hamının sevimlisi olasan.
  • Torpaq deyər: - Sən mənə tər ver mən sənə zər verim!
  • Torpaq deyər: - Öldür məni, dirildim səni!
  • Torpaq deyər: - Döy məni, doyurum səni!
  • Torpaq qızıl quşdur əldən buraxdın – uçar gedər.
  • Torbada pişik var.
  • Topal ilə gəzən axsamaq öyrənər.
  • Topal eşşəklə karvana qoşulma.
  • Toyuğun cəriməsi bir yumurtadır.
  • Toyuğun başı kəsiləndə də gözü eşənəkdə olar.
  • Toyuq banlamasının düşər-düşməzi var.
  • Toyuq ki, yumurta üstə oturdu, ona bıçaq yoxdur.
  • Toyuq yumurtasına görə qaqqıldar.
  • Toyuq qaz yerişi yerisə, öz yerişini də itirər.
  • Toyuq bir içər, bir göyə baxar.
  • Toyuq bir yumurtlasa xəbəri yüz evə çatar, camış doğsa – səsi çıxmaz.
  • Toyuq anasından süd görməyib.
  • Tövləyə buraxmırlar ki, quşqun oğrayar.
  • Toysuz ev tapılar, vaysız ev tapılmaz.
  • Toyunda xəlbir ilə su daşıyım!
  • Toyunda oynayım!
  • Toyun yaraşığı oynamaqdır.
  • Toyumda oynamasan, yasımda ağlamasan, daha nəyimə lazımsan?
  • Toydan sonra xınanı tazıya yaxarlar.
  • Toyda oynamaz, vayda ağlamaz.
  • Toya toy deyiblər, yasa – yas.
  • Toya getməsən eyb etməz, yasa getmək vacibdir.
  • Toya getmə, yasa get.
  • Toy tulasıdır, arada gəzir.
  • Toy gününü qoyub vay gününü oynayır.
  • Toy da olsa toyuğun vayıdır, vay da olsa toyuğun vayıdır.
  • Toy borcu ilə ev almaq olmaz.
  • Toy bəzəyi – gəlindir.
  • Toy-bayram bizim küçədə də olar.
  • Tozdan-torpaqdan dərman tapılmış.
  • Toz ayrı – duman ayrı.
  • Tovus quşunu tükünə görə kəsərlər.
  • Tövbə – toxluqdan, qovqa – aclıqdan.
  • Tiflisin üstü bostan, abad olsun Gürcüstan.
  • Ticarətin əsası – insaf, sonrası da insafdır.
  • Ticarət dostluq körpüsüdür.
  • Ticarət al-verdədir.
  • Tısbağaya – balası, hər kəsə öz balası.
  • Tikmək güc aparır, yıxmaq asandır.
  • Tikili don gen olar.
  • Tikəni qaytarmazlar.
  • Tikəsi tarıya çatmır.
  • Tikə tikəyə borcdur.
  • Tikə ilə dost olan, illər ilə küsülü qalar.
  • Tikə dostu olma.
  • Tikan əkən, gül dərməz.
  • Tikan (iynə) üstəyəm.
  • Teşti damdan düşüb.
  • Tərlan sar yerin verməz.
  • Tərlan oylağında sar ola bilməz.
  • Tərlan yerində çəçələ-çərkəz əyləşib.
  • Tərək halva xörəkdən sonra.
  • Tərəzi gözü kimi iki tərəyə əyilmə.
  • Tərə yeyən də yaza çıxar, tərə yeməyən də.
  • Təpəsini gün yandırdı, ayağını çarıq dağıtdı.
  • Təpəsini gün yandırdı.
  • Təpəri var, hünəri yox.
  • Təpik döyüşündə oynar, təpik altında ölər.
  • Təpik atma, qısır qalarsan.
  • Tənbəldən cəmiyyətə xeyir olmaz.
  • Tənbəllikdən müsəlman olub.
  • Tənbələ həftənin hər günü cümədir.
  • Tənbələ iş buyur, o sənə ağıl öyrətsin.
  • Tanrı verən dövləti, bəndə ala bilməz.
  • Tavus hər yana baxar fərəhlənər, ayaqlarına baxanda qüssələnər).
  • Tavus bəzənər qaqqıldar, əyilib ayaqlarına baxanda sustalar, oturar.
  • Tava dəlik, tas dəlik, boş da qoyduq üstəlik.
  • Tava dəlik – yağ tutmaz, taxta çürük – mıx tutmaz.
  • Ta yeməsən bilməzsən.
  • Tənbəl deyər: - Ver yeyim, ört yatım, gözlə canım çıxmasın!
  • Tənbəl dağda qar gördü, yorğanına büründü.
  • Tənbəl arvad suyu dağıdar, deyər: - Aydınlıqdır!
  • Tənbəl yatağan olar.
  • Tənbəl badam istər, sındırmağının zəhmətindən qaçar.
  • Təmizlik sağlamlığın rəhnidir.
  • Təmiz hava girməyən evə həkim girər.
  • Təkrar biliyin anasıdır.
  • Tələsik işə şeytan qarışar.
  • Tələsənin kündəsi küt gedər.
  • Tələsənə mənzil alınmaz.
  • Təklik allaha yaraşar.
  • Təkləməsən – döyməzsən.
  • Təki çalan olsun, oynayan tapılar.
  • Təkərin başı ayağı yoxdur.
  • Təkədən pendir tutmaq olmaz.
  • Təkə sürüyə böyük olmazdı, qoyunlar qoyun olsaydı.
  • Tək xoruzdur, əlli yerdə hini var.
  • Tək otur, təknə qaşı.
  • Tək gəzən dananı qurd yeyər.
  • Tək əl ilə düyün düyünlənməz.
  • Tək duran təknəsilə qalar.
  • Tək daşdan divar olmaz.
  • Tək qoyundan sürü olmaz.
  • Tək atdım, cüt vurdum.
  • Tək ağacdan bağ olmaz.
  • Təzəcə çıxıb təndirdən, minnəti yox pendirdən.
  • Təzək yığan əllər, ipək gördü dolaşdı.
  • Təzə çıxan daylaqlar çuluna görə oynaqlar.
  • Təzə süpürgə təmiz süpürər.
  • Təzə süpürgə gələndə, köhnə süpürgəni dama atarlar.
  • Təzə kuzə suyu sərin saxlar.
  • Təzə gəldi bazardan, köhnə düşdü nəzərdən.
  • Təzə evə köçəndə, köhnə evin ocağından kül götürərlər.
  • Təzə bardaq, təzə su.
  • Təqsirim olsa, boynum tükdən nazikdir.
  • Təqsiri bağışlamaq qüdrətin bəzəyidir.
  • Təqsir taledə deyil, insanın özündədir.
  • Təqsir öldürəndə yox, öləndə olar.
  • Təqsir oldu lələdə, saqqalı verdi ələ.
  • Təqdir-qəza qüvvəti bazu ilə dönməz,
  • Təqdir ilə yazılan tədbir ilə pozulmaz.
  • Təbil döysən eşitməz.
  • Tez tündləşən, tez də yumşalar.
  • Tez-tez getmə, dodaq büzərlər.
  • Tez parıldayan tez də sönər.
  • Tez ələ gələn tez də ayağa düşər.
  • Tez duran, tez evlənən peşiman olmaz.
  • Tez qaçan, tez yorular.
  • Tez bitər, tez yetər.
  • Taxça mənə qaldı Şeydalı, boxça mənə qaldı Şeydalı,
  • Taxçadakı qarnımda, boxçadakı əynimdə.
  • Taxtanı rəndə hamarlar, bəndəni – bəndə.
  • Taxtına nə baxırsan, baxına bax.
  • Taxt mənimdir, özüm bilərəm, altında yataram, üstündə yataram, özüm bilərəm.
  • Taxt yaratmaq olar, bəxt yaratmaq olmaz.
  • Tatos kovxa, Matos kovxa on beş evə otuz kovxa!
  • Tarixi-nadiri əzbər bilir.
  • Tarlasında darısı yox damında qarı.
  • Tarlada izi olmayanın, süfrədə üzü olmaz.
  • Tar çalan simi gözlər.
  • Tapanda ye, tapmayanda ac qal.
  • Tapılan tapanın olsa, qoyun çobanın olar.
  • Tanımadığın adamı evinə buraxma.
  • Tanrısın tanımayandan nə umursan?
  • Tanrısız yerdə otur, həkimsiz yerdə durma.
  • Tanrının təndirini bəndə poza bilməz.
  • Tanrının sabahı qurtarmaz.
  • Tanrıya tabaq aparıb.
  • Tanrıdan gəlməsə, bəndədən nə gələr.
  • Tanrı eşşəyi tanıyıb, buynuz verməyib.
  • Tanrı dadına çatsın!
  • Tanrı qoruyanı qurd yeməz.
  • Tanrı vuran ağacın səsi çıxmaz.
  • Tanrı verib Zeyniyə, dişləri yox çeynəyə.
  • Tanrı verən dövlətin zavalı olmaz.
  • Tanrı bir yandan bağlasa, bir yandan açar.
  • Tanrı bilir günahkar kimdir.
  • Tanrı böyük – altı gen.
  • Tamahkarın gözünü torpaq doldurar.
  • Tamahkarın gözü kor olar.
  • Tamahkarı yalançı aldadır.
  • Tamahkarlıq başa bəladır.
  • Tamahkar öz nəfsinin quludur.
  • Tamahkar olma!
  • Tamah yüzdür – doxsan doqquzu mollada, biri camaatda, ona da molla deyər: - Şərikəm!
  • Tamarzıdan al, dadanana ver.
  • Taleyi yar olanın yar sarar yarasını.
  • Tale insanla oynayır.
  • Tayını bil, tuşunu tanı.
  • Taylı tayını tapmasa günü ah-vayla keçər.
  • Tay-tuşuna bab elə, görən desin ha belə!
  • Tazısız ova gedən evə dovşansız qayıdar.
  • Tazının topal olduğu dovşanın qulağına yetişib.
  • Tazının yiyəsi varsa, dovşanın da yaradanı var).
  • Tazının ağası varsa, dovşanın da tanrısı var.
  • Tox deyər: - Acmaram!
  • Tula itdən də murdar.
  • Tor atan balıq tutar, nə böyüyü, nə kiçiyi.
  • Toyunda qəlbirlə su daşıyım.
  • Toyun əvvəlinə getmə, axırına da qalma.
  • Toydan sonra nağara, xoş gəldin, bayram ağa.
  • Toyun axırında zurna belə səslənər.
  • Tez duranla tez evlənən uduzmaz.
  • Təkədə qoç hünəri olmaz.
  • Tülkünün meydanda nə işi var ki, dərisinə qiymət qoyalar.
  • Tutub ucundan, gedir ucuzluğuna.
  • Tikan olub ayağa batınca, gül ol yaxaya sancıl.
  • Tazıya deyir tut, dovşana deyir qaç.
  • Torpaq deyər: "Öldür məni, dirildim səni!"
  • Tənbəllik azar artırar, işləmək canı saf eylər.
  • Tənbələ iş buyur, o sənə nağıl danışsın.
  • Tənbəl deyər: ver yeyim, ört yatım, gözlə canım çıxmasın.
  • Tənbəl deyər: "Bu gün oynaram, sabah oxuyaram". Çalışqan deyər: "Bu gün oxuyaram, sabah oynaram".
  • Tək əldən səs çıxmaz.
  • Təhsil azadlığa aparar. (Alman atalar sözləri)
  • Tanrı qarışqanı yox etmək istəyincə, ona qanad taxar. (Alman atalar sözləri)
  • Təhsilsiz insan, cilasız aynaya bənzər. (Alman atalar sözləri)
  • Tək gözlü olmaq kor olmaqdan yaxşıdır. (Alman atalar sözləri)
  • Təvazökarlıq bəzəkdir, lakin onsuz daha müvəffəqiyyətli olunar. (Alman atalar sözləri)
  • Toyuq xoruz ola bilməz, qadın isə - kişi (Rus Atalar Sözləri)
  • Torbada nə varsa, şorbada da o vardır. (Bolqar atalar sözləri)
Get it on Google Play Available on the App Store
Top